مشكلة مع وكالة سيارات

[سعيد احمد]

اشتريت سياره نظام تاجير منتهي بالتمليك وطبعا السيارة مؤمنة وطلبو مني الوكالة اعطائهم شيك كضمان بقيمة اجمالي السياره بعد ثلاث شهور عطيت السيارة حق عامل ماهو تحت كفالتي عمل حادث بالسيارة وتنازل عن الحادث وانهو المرور الاجراءات على هالاساس طالبت الوكالة يصلحون السيارة قالو لي انتو تنازلتو عن الحادث ما تصلح شركة التامين السيارة ، واودعو الشيك في البنك وانصرف الشيك هالحين وش الدبرة السيارة ماتتصلح تالفة بالمرة وشركة التامين رافضة التصليح والمحضر تقفل في المرور والوكالة قالو لي خلاص احنا نعطيك باقي المبلغ من الشيك للدفعات المسددة اللي فعلاا انت سددتها والسيارة خلها احنا نتصرف فيها بحكم انها باسم الوكالة ... وش الشور انا افكر اشتكي عليهم .


جزاكم الله خير

[مختار ابراهيم]

وعليكم السلام ،
مبدئياً هناك قاعدة ( المفرط أولى بالخسارة ) وأنت فرطت في تسليم السيارة دون تفويض ، ثم كيف يتم التنازل عن الحادث من السائق ؟ أم أنك أنت من حضر وقرر التنازل ؟ حينئذ لايحق لك الرجوع عن هذاالتنازل ، ولربما قبلت بعرضهم عليك بإستلام باقي قيمة الشيك وإعتبار ماتم سداده هو مقابل الأجرة ؟ مالم يكن مبالغ فيها فأطلب إحالتها للشرع والمحاسبة على إعتبار أجرة المثل ؟

[سعيد احمد]

السلام عليكم اللي تنازل السائق ، طيب كيف اشتكي وفي اي محكمة

[مختار ابراهيم]

وعليكم السلام ،
المحكمة العامة