ساعدوني الله يوفقكم ولا يحرمكم الجنه

[ام عزوز]

زوجي توفى وانا زوجته الثانيه وعندي بنتين و ولد
لا اعلم ما الورث وكيف اسوي ، رغم اتصالات اهل زوجي بااخراج
كل الاوراق المهمه الموجوده في غرفة زوجي وانا خايفه يسوون شي
بعيالي وورثهم ومحتاره كثير وعندي كم سؤال

هل عيالي يبقون معي ولا احد يقدر ياخذهم ؟

هل يقدرون يتصرفون بالورث عن طريق الزوجه الاولى بس ؟

هل تنصحوني اوكل أحد اخواني في كل شئ مالي غيرهم ؟

ارجوا من الله ثم منكم ان تساعدوني وتوجهوني
كثرت اتصالات اهل زوجي
مره عنده دين ومره بنقسم الورث وتصرفاتهم غريبه

تكفون وجهوني الصح واهم شي عيالي يبقون معي و ورثهم ما يروح وكفالة اخوي تنفع

[ام عزوز]

اروح للمحكمه اوكل اخوي والا وش اسوي

تعبت الله يخليكم

خايفه ياخذون عيالي مني
او ورثهم ، مالي غير الله ثم معرفتكم بهالمواضيع

[أبو عبـدالله]

لا تخافين ولاشيء الموضوع بسيط إن شاء الله بالنسبة لأولادك يبقون معك ولا يحق لأحد أخذهم منك
وبالنسبة للورث ولدين الميت ضروري تتعاونين معهم من أجل أن يقسم الأرث ويسدد دين الميت
وبالنسبة للوكالة توجهي لأقرب كتابة عدل ووكلي أخوك
والله يوفقك

[ام عزوز]

الله يجزاك خير يا ابو عبدالله ولا يحرمك الاجر
بس عندي سؤال واسفه اذا اخذت من وقتك كثير

وحده من زميلاتي قالت لي
ان الدين لازم يكون اوراق واضحه وصريحه
وربما يقولون لك له دين عند فلان ومافي دليل على ذلك
وش اسوي اذا ما ادري هل مديون من فلان او طمع فالورث

وشكرا ً

[راعي طلايب]

بعد اذن اخي الحبيب ابوعبدالله :


اطلبي منهم اثبات ان المرحوم عليه دين او اطلبي منهم رقم هاتف من يطالب بالسداد.


لابد من اثبات الدين....واذا ثبت الدين...اطلبي منهم كشف حساب بنكي او كعوب دفتر الشيكات للمرحوم للتأكد انه لم


يقم بالسداد على حياته.

[ام أحمد الغالي]

نصيحه من اخت (مع اني مااعرف في القضاء ولا الاحكام الشرعيه لكن حبيت انصحك فقط )وكلي اخوك ولا توكلي احد منهم
من تجربه لاحد قريباتي كانت واثقه باهل زوجه كثير اكثر من اهله ووكلتهم على حلالها لان زوجها ماكان عنده اولاد
في النهايه طلعوها من الموضوع بدون اي شي اكلو الورث وقالو انه كان مديون وانه كاتب بيته وقف
حسبي الله عليهم بس ... المسكينه اخر ايامها كانت تحسر وندمانه بس مابيدها شي