افيدوني الله يفرج همكم

[عبدالعزيز9]

السلام عليكم ورحمة الله وبركاته
اخواني انا قدر الله علي من سنة تقريبا وانمسكت في قضية حشيش والعياذ بالله
وتم توقيفي واخذ بصماتي مع العلم انها اول مره وليس لدي سوابق
لاكن الغريب في الموضوع انه عند توقيفي لم يتم تحويلي للمدعى العام وانما اخرجوني بكفاله
وبعدها بكم اسبوع اتصلو علي عشان المحاكمه وحكم علي الشيخ ب6 اشهر و 130 جلده ولاكن الغريب قبل خروجي من عند الشيخ سالته هل علي شي الان وقالي لا رح لبيتكم وانتبه لنفسك ويمكن يراقبونك وخلك منظبط
وبعد سنه اتصلو علي المكافحه وقالو عندك موعد بعد يومين ولازم تجي

سوالي الحين ليش طلبوني هل عشان الجلد او عشان السجن والله اني خايف ومدي و اسوي والله يعلم اني نااادم حيل
تكفون ابي افادتكم وش يبون مني الان هل معقول عشان تنفيذ حكم السجن او عشان ايش وليش ما رحت للمدعي العام قبل المحكمه

[عبدالعزيز9]

تكفون افيدوني وربي حالتي النفسية تعبانه شايل هم الوالده الله يحفظها ويحفظ امهات المسلمين
محتاج رد تكفون

[عبدالعزيز9]

واحد يرد علي تكفون والله عيوني ماذاقت النوم من يومين من الهم تكفون اي احد يرد علي

[عبدالعزيز9]

20 مشاهده ومافي اي رد ياجماعه ورب البيت الذي لا اله غيره محتاج افاده منكم للضروره

[المتهم @]

الموعد ممكن للجلد
اما سجن مافي اذا ماعليك سوابق
والقضيه لها سنه اكيد يشملها علا الاقل العفو الاخير

[عبدالعزيز9]

بس القاضي حكم من اول بسجن وانا ورب البيت خايف ومدري كيف اتصرف

[عرفات تركى]

السلام عليكم ورحمة الله وبركاته
اخواني انا قدر الله علي من سنة تقريبا وانمسكت في قضية حشيش والعياذ بالله
وتم توقيفي واخذ بصماتي مع العلم انها اول مره وليس لدي سوابق
لاكن الغريب في الموضوع انه عند توقيفي لم يتم تحويلي للمدعى العام وانما اخرجوني بكفاله
وبعدها بكم اسبوع اتصلو علي عشان المحاكمه وحكم علي الشيخ ب6 اشهر و 130 جلده ولاكن الغريب قبل خروجي من عند الشيخ سالته هل علي شي الان وقالي لا رح لبيتكم وانتبه لنفسك ويمكن يراقبونك وخلك منظبط
وبعد سنه اتصلو علي المكافحه وقالو عندك موعد بعد يومين ولازم تجي

سوالي الحين ليش طلبوني هل عشان الجلد او عشان السجن والله اني خايف ومدي و اسوي والله يعلم اني نااادم حيل
تكفون ابي افادتكم وش يبون مني الان هل معقول عشان تنفيذ حكم السجن او عشان ايش وليش ما رحت للمدعي العام قبل المحكمه

هل اعترضت على الحكم

[عبدالعزيز9]

مشكور اخوي على ردك بس لا والله ما اعترضت والمشكلة شوي ورايح لهم

[عرفات تركى]

مشكور اخوي على ردك بس لا والله ما اعترضت والمشكلة شوي ورايح لهم

اعتقد ان الحكم اصبح نهائى ويستدعوك للتنفيذ
يمكنك تقديم التماس

[عبدالعزيز9]

بس التنفيذ ايش بالضبط الجلد او السجن
وهل ممكن يكون شملني عفو من السجن واذا كان تنفيذ سجن هل التنفيذ عن طريق المكافحه

[راعي طلايب]

السلام عليكم


قد يكون لديك تبصيم وتصوير...ومن ثم رفع اوراقك الى لجنة العفو....قد يكون شملك العفو.


لاتقلق

[عبدالعزيز9]

الله يبشر بالخير اخ راعي الطلايب بس والله موعدهم هذا مققني اذا على الجلد عادي مو مشكله بس اخاف اروح ومايخلوني ارجع او يدخلوني السجن
ورب البيت على اعصابي من يومين من وقت اتصاله يوم السبت مع العلم اللي كلمني يقول لو ماتحظر يتعم عليك وهذا اي خلاني اوسوس لو مراجعه عاديه ماكان قال يعممون عليك

[راعي طلايب]

لاتقلق....يفرجها ربك ان شاء الله....روح لهم وخل توكلك على الله سبحانه

[عبدالعزيز9]

ادعولي تكفون انا الحين رايح لهم

[راعي طلايب]

الله يوفقك ويسهل امرك ودربك

[محمد عقار]

بشر وش صار معك ..
عساها فرجت

[ممدوح2020]

انا عندي مشكله نفس مشكلت انمسكت بقطعه حشيش ماودني مدعي العام وطلعت بكفاله وبعدها بفتره وقفو خدماتي يقلون عندك محكمه مادري الحكم ايش هووانا خايف اني اتوقف افيدوني الله يحرم وجيهكم النار

[سعد الهوارى]

نفس ما افادك الاخ الفاض راعى طلايب لعل وعسي يشملكم عفو وبالاخص اننا مقبلين على ايام مفترجه
ادعي الله العلي العظيم ان يفرج همكم