وأفوض امري الى الله

[أم بندر]

السلام عليكم ورحمة الله وبركاته

لا ادري ماذا اكتب

انا سبق واستفسرت عن قضيت ابني هل يشمله العفو ام لا

وكان الجواب لا يشمله بسبب انه قد خرج بعفو سابق

ونصحني احدكم بأن ارسل خطاب الى وزارة الداخليه واشرح لهم حالته المرضيه مع ارفاق التقارير الطبيه

وفعلا ارسلت خطاب ومعه صورتين من التقارير وشرحت لهم حالته وغير كذا قضيته استخدام .. استخداام شخصي لا يتجاوز الجرامان من الحشيش

وفي النهايه جاء الرد بالرفض ..

غير محاولاتي اللي تجاوزت العشر مرات للاماره واسترحام وروحه وجيه على عدم الفائده

وانا امرأه كبيره وتعبانه وماعندي بعد الله الا هو ابوه تزوج بأخرى مجهوله وترك عمله وصار ماعاد يهتم فينا وما يقوم بإحتياجاتنا الابلقوه وهو متنكد

ارسلت خطابين لوزارة لداخليه وجاءني الرد بالرفض والمعاملات اللي بالاماره كلها مااستفدت منها

طيب اذا ما ساعدوني ونظروا لحالتي بالشفقه مين اللي بيستحق المساعده اجل؟؟؟

كتبت كلماتي وانا ابكي من الحرقه اللي بقلبي ولو ماكنت محتاجه ان ولدي يطلع ماكنت حاولت المحاولات هذي كلها

ما اقول الا حسبي الله ونعم الوكيل ,,وافوض امري الى الله إن الله بصير بالعباد ..

[عرفات تركى]

امى الفاضله
اكثرى من قول لا حول ولا قوة الا بالله
فلا املك الا هذه النصيحه الان

[عرفات تركى]

سوف احاول البحث عن مخرج

[أم بندر]

فيك الخير اخ عرفات

الله يجزيك الجنه ويجزيك كل خير

[ابو جنى]

جزاكم الله خيرا اخي عرفات وكتب لكم الأجر وأعانك الله أختي وكتب لك الأجر وفك الله اسره وثقي ان الله لن يتركك والإخوان هنا هم عون لكل من يطلب العون

[محمد راضي]

الله يفك اسره ياااااا رب ويسهل امورككم والله يجزيك كل خير يا استاذ عرفات ............

[أم بندر]

ابوجنى ومحمد راضي الله يجزيكم كل خير ويبعد عنكم هموم الدنيا

مشكورين جميعا

[عطـ الله ـا]

أم بندر ولدك بأي سجن؟
وبعدين أستخدام للمرة الثانية ؟ وأي عفو شمله ؟ عفو سلطان والا عبدالله ماقبل الأخير؟

[أم بندر]

ولدي بسجن جازان العام
وهذي السابقه الثالثه والعفو اللي شمله العفو اللي بشهر 1 1433 تقريبا حق سلطان

[عطـ الله ـا]

معليش يا أم بندر أنا أحسبنه مسجون عندنا بالرياض كان والله العظيم لأراجع لك بنفسي..
لا ياأم بندر العفو اللي بشهر 1 لعام 1433 عفو عبدالله الإلحاقي الثاني ، ولكن للأسف الشديد لن يشمله العفو مرة ثانية وسيعاد عليه مابقي من حكمه الأول.. لكن يا أم بندر خلي الولد يحفظ قرآن كريم وكل يوم تابعيه وشجعيه وأدعي له، وبإذن الله تسهل أموركم ويخارج لك وليدك

[أم بندر]

مشكور اخ عطاالله الله يجزاك كل خير ويوفقك دنيا واخره

انا ولدي حافظ اجزاء من القرآن الكريم وهو يحب القران والذكر وكان مشهود عليه بذالك وكان يؤم بالناس في المسجد فتره وبعدها صار عليه حادث وطاح علينا ماندري وش فيه جلس عشره ايام مايتكلم ولا ينام ولا ياكل كان بس يدور بالبيت ويقرأ قل اعوذ برب الفلق الشيوخ اللي وديناه عندهم كلهم قالو فيه عين والصحه النفسيه قالت ان عنده اضطراب وجداني

وهو من بعد هالحاله وحياته كلها انقلبت فوق تحت احس ان كل اللي يصير له مو منه

انا الحين خلص اقتنعت ان العفو مايفيده ابدا ولا الاسترحامات اللي قدمتها .. بقى عندي امل اخير وهو انهم يعفون عن ربع المحكوميه ويطلع برمضان اللي جاي

ولا لاحول ولاقوة الا بالله ماب اليد حيله ..

[عطـ الله ـا]

يا أم بندر ولدك الله يخارجه لك كم محكوم؟ ومنذ متى دخل السجن؟

[أم بندر]

دخل السجن 1433/3/22

ومحكوم سنتين ..الحين امضى منها سنه واسبوعين تقريبا

[عطـ الله ـا]

ياالعمه أم بندر الله يعطيك طولت العمر ويخارج لك وليدك،، مايحتاج ياعمتي برقيات وخطابات وأمور ما تحصلين من وراها غير التعب والخساير ووجع الراس ، لأن أمور الشعب لا تصل لولاة الأمر والأسترحامات ما زادت تنفع بشي خالص حيث تعرض دعوانا عموما على مسؤولين في الوزارات والإدارات الحكومية ويمشونها حسب النظام ، ولو كان ينفعك النظام بشي ما رحتي تسترحمينهم ياعمه ، إنما هو ما نقول إلا حسبنا الله ونعم الوكيل،
عمه ولدك كذا يحتاج أن يحفظ خمسة أجزاء من القرآن الكريم ويقدمها لهم بالسجن وترفق في معاملته تسهل عليه أن يوافق له بربع المده لحسن سيرته وسلوكه ولحفظه أجزاء من القرآن وفي رمضان يفطر معاك في أول يوم ياعمتي وريحي وارتاحي،،،

[أم بندر]

الله يجزاك خير ويرفع مقامك وقدرك عند ربنا

هو حافظ 6 اجزاء بفضل الله ولله الحمد والمنه .. بس كيف يقدمها يروح هو بنفسه والا لازم هم يجونه ويسألونه

[عطـ الله ـا]

الله يجزاك خير ويرفع مقامك وقدرك عند ربنا

هو حافظ 6 اجزاء بفضل الله ولله الحمد والمنه .. بس كيف يقدمها يروح هو بنفسه والا لازم هم يجونه ويسألونه

كويس يا أم بندر ،،، ما يحتاج يروح لهم هم يجونه بالسجن ، يجونه مدرسين من جمعية تحفيظ القرآن الكريم في كل سجن عام بالمملكة ، ويدرسون السجناء وبعد فترة يختبرونهم واللي ينجح تحط شهادته بالملف حقه بالسجن، وبناء عليه تخفظ محكوميته، لكن غريبه ما تدرين عن هذا عمتي أم بندر ليه هو ما يكلمكم ... زوريه وشجعيه يحفظ قرآن وبإذن مادام حافظ ستة أجزاء بيطلع لك برمضان إن شاء الله .. والله يقر عينك به عاجلا غير آجلا.

[راعي طلايب]

بارك الله فيك اخونا عطا الله

[عطـ الله ـا]

بارك الله فيك اخونا عطا الله

وفيك أخي راع الطلايب،
يسعد مساك ،، خاضع لتقييمك!!

[أم بندر]

الله يجزيك خير ويبارك فيك اخ عطا الله

مشكور وماقصرت الله يعطيك العافيه