قضية الورث ومن المستحق ..

[بنت العود]

السلام عليكم
جدي عنده زوجتين
الاولى 3 اولاد والثالث ابوي ,, و4 بنات
توفوا 2 من عماني والدي الله يمد بعمره ويشفيه
الزوجه الثانية :
2بنتين ,,ولد
والدي الله يخليه لنا ماعنده غير انا واختي فقط ماعنده اعيال
أبي اعرف من يشمله الورث ؟؟وهل اخوان ابوي من الاب يشملهم

لان عمي اللي من الزوجه الثانيه مجنن ابوي كل يوم يطلب منه وكاله عامة على حلاله ؟؟؟

وجاب ورقة بيضاء من محكمة مو مكتوب فيها غير اسمه و السجل ومكتوب فيهااا بيع وشراء في اعلاء الورقة والخانه اللي تتعبئ فيها الطلب ماكتب فيها شي ويلح على ابوي يبصم عليها !!

وبحكم ابوي عنده عقار نبي عمي يتابع المستاجرين ويستلم منهم الاجار ويعدل باعقار اذا كان يحتاج ترميم او بناء؟؟
وش الصيغه المطلوبه بالوكاله يعني نبي صلاحيه محدوده وليست عامه بحيث مايكون فيهااا بيع وشراء ؟؟؟

[ابو محمد 2]

وعليكم السلام ورحمة الله وبركاته

يعطيه وكالة ولكن لا يعطيه فيها حق (البيع , والافراغ , والتنازل , والاقرار , الصلح ) وماعدا ذلك غير مهم مثل التأجير والترميم والاشراف ...... الخ , الخوف من الخمس ما بين القوسين واخطرها البيع والافراغ والصلح.
بالتوفيق الله يحرسكم من عمكم ومن غيره..

[بنت العود]

الله يجزاااك الف خير ...

وبخصوص من المستحق في الورث بعد عمرا طويل لابوي ؟؟؟

واذكر هذا العم اخ لابوي من الاب ؟؟؟؟

[ابو محمد 2]

ما تدرين يمكن عمك الجشع هذا يحل أجله قبل أجل والدك .
= خلوكم قريبين من والدكم ولا تعطونه فرصة .
= يرث الاخ من اخيه إذا لم يكن من ذريته ذكور.
= على أية حال: أحرصوا على أن لايوقع والدكم على بياض أو يستفردبه عمكم بكتابة عدل ..
وإن شاء الله يرزقكم الله بأزواج صالحين ولا تحتاجون له لا في ترميم ولا في تأجير.
أعانكم الله

[بنت العود]

الله يجزاك خير ...