من عنده افادة يفيدني لوجه الله تعالى تكفوون

[الله اكبر]

شخص ليس بيني وبينه أي علاقه وانما يعرفني بالاسم فقط..المهم هالشخص كان عند صديق لي ومر من عندهم احد اخوتي فقال ماهو نصه: ان اخوه عبدالله (اللي هو انا) سفيه واخوانه فلان وفلان مسفهينه ومستخرجين عليه صك بهالشئ من المحكمة ) قال له صاحبنا وين الصك ابرزه قال( متى مابغيته جبته اقدر اجيبه من المحكمة)
انا مادري ليه تقول بهالشئ الفظيع عني مدري مزح او استحقار لي الله اعلم..

اتى الي الشاهد رفيقي واخبرني بالقصة كاملة وكان عندنا شخصين اخرين سمعوا مثل ماسمعت..
نويت اني اشتكي هاللي قذفني بهالكلام بس المشكلة ان رفيقي ورفيقه الشاهد لن يشهد عليه بهالكلام لو على جثته مما سبب شبه قطيعه بيني وبينه وصارحني بهالشئ هذا على طول..

انا رجال عمري فوق الاربعين وعندي ابناء وهالكلام اثر فيني نفسيا وعائليا بيني وبين اخواني حيث اننا في احدى القرى والكلام ينتشر بين الناس على طول
اقدمت شكوى وعطونا موعد المحكمة الاسبوع اللي جاي..
اللي بغيته منكم الله يجزاكم بالجنة وش اقول للقاضي وشلون ارافع عن نفسي وهل الشيخ يلزم الشاهد بالحضور..
اتمنى انكم عرفتو مرادي واللي اريده واللي عنده افادة لي لايبخل علي بها وشكرا للجميع..

['طالب في معهد القضاء]

ياخوي روح لا تسكت على من قذفك خله يتربى

اذا اتيت للمحكمة القاضي يقرأء ماهو مكتوب في لائحة الدعوى

مادام الحق معاك القاضي يعرف شلون يأدب هالسفيه حتى يكون عبره لمن خلفه

وقضية القذف ليس بهينه

روح وتوكل على الله

[راعي طلايب]

اولا اسمح لي ان اقول لك انك كبرت الموضوع....ومن قال عنك هذا الكلام هو السفيه...والمفروض ان لاتنزل له واتركه في حال سبيله يقول مايقول فالكلام عابر ولايضر الا صاحبه.

واذا كنت تتأثر من كلام الناس فأنصحك ان تقرأ عن الصحابه والتابعين وكيف صبرو على اذى الناس فرضا الناس غاية لن تدرك...فلن تسلم من الناس اذا كنت بهذه الحساسيه والتأثر.


بالنسبه لموضوعك :

تقول للقاضي ان خصمك قد اتهمني بأنني سفيه ومقام علي ولايه وانني لا احسن التصرف وان هناك صك صادر من المحكمه وانه اطلع عليه...وانه اخبر صديق لي بهذا الكلام...وانتشر هذا الكلام مما أثر علي

وعلى نفسيتي...اطلب من فضيلتكم تأديب خصمي على الوجه الشرعي.

اجابة خصمك المتوقعه :

هذا الكلام غير صحيح وانكره جملة وتفصيلا......القاضي سيقول لك : هل لديك بينه او دليل.....جوابك : نعم..صديق لي وله سمعه يقول ذلك....القاضي سيقول لك : تؤجل الجلسه واحضر شاهدك.

( يكون في علمك ان القاضي لايجبر الشاهد على الحضور ).

لو حضر الشاهد وقال صحيح...سيحكم عليه القاضي وقد يطلب منك حلف اليمين.

لو لم يحضر الشاهد...سيطلب القاضي من خصمك حلف اليمين وسيرد دعواك.

في كل الحالتين انت ربحان.....والسبب :

1- لو حضر شاهدك وشهد وانت حلفت اليمين سيحكم القاضي لك وهذا ماتريده انت لتظهر امام الناس انك ألقمته حجرا" وأدبته ( مع انك لم تسمعه يقول ذلك وهذا قد يضعف موقفك وانما كلام منقول من ناس ...قال

تعالى : ولاتزر وازرة وزر اخرى ).

2- قد لايحضر شاهد وخصمك يحلف اليمين انه لم يقل ذلك وسيحكم القاضي ان خصمك براءه وسيرد دعواك...وايضا في هذه الحاله انت ربحان لانك اثبت للناس انك لست سفيه كما يقول وستأخذ صوره من حكم

القاضي انك خصمك انكر انه قال هذا الكلام عنك.

في جميع الاحوال انت ربحان...........وفقك الله....ونصيحه لاتكن حساس ...والله لو التفت الانسان لكلام الناس لن يجد وقت ليأكل ويشرب وينام.