شخص احتال علي في عميلة تعقيب ووساطه .... كيف اخذ حقي منه ؟

[البخاري]

السلام عليكم ورحمة الله وبركاته

بقولكم القصة بالتفصيل

عندي عدة اشخاص اعرفهم يشتغلون بالتعقيب ( جوازات - مكتب عمل - جمارك ..... الخ ) وكل شخص فيهم اجيب له عميل يعطيني مبلغ وساطة ....

كلمني احد الاشخاص يبغى يصدر بطاقة جمركية لسيارته المستوردة من الامارات ومدري وش فيها مشكلة كلمت عدة اشخاص لين واحد فيهم قالي اوكيه اطلعها له بمبلغ 4500 ريال ، اتفقت انا والعميل على انه يحط مبلغ الفلوس في احد مواقع الوساطة التجارية بالانترنت ( يخلون الفلوس عندهم لين اسلمه البطاقة ويسلموني المبلغ ) بعد ما كلمني المعقب وقالي البطاقة الجمركية اصدرت رحت دفعت للمعقب 4500 ريال واخذت البطاقة وكلمت الموقع وشرحت لهم لو ارسلت البطاقة للرجال وقال ما استلمتها وش وضعي قالو نصدقه !!! قلت لهم خلاص بتعامل مع الرجال يد بيد وكلمته وكان خارج المملكة ...... وفي وقتها استرد مبلغه من الموقع وقالي لما ارجع نتقابل وسلم واستلم ....

من يومتها اتصل عليه مايرد وارسله مسجات مايرد اشوفه متصل الان بالواتسب ومايرد ...

طلع الرجال مطلع بطاقة بدل فاقد من الجمارك

ارسلت له مسج قلت له ابغى مبلغي بدون مشاكل او بيني وبينك الشرع

ارسلي مسج كاتب فيه القضاء مايقبل قضيتك لانه البطاقة الجمركية تستخرج مجاناً وانتو استخرجتوها بـ 4500 لانه السيارة عليها مشكلة فقضيتك غير قانونيه بالاساس !!!!!


انا هنا الوسيط ومني المعقب ... ورسائل الجوال والمراسلات بيني وبينه تثبت اني وسيط وليس معقب ...

ابغى اعرف الطريقة في اخذ حقي كيف ؟ هل اشتكيه في المحكمة الجزائية بوجود الشهود والرسائل ( شاهدي هو شخص شريك معي نتعامل بنفس الحساب وكلم العميل مرتين )

وهل القضية ماليه او ماليه جنائية بسبب وجود التحايل ؟


المبلغ البعض يقول انه بسيط لكن لبعض الناس مو بسيط ....

[ابو محمد 2]

( ارسلي مسج كاتب فيه القضاء مايقبل قضيتك لانه البطاقة الجمركية تستخرج مجاناً وانتو استخرجتوها بـ 4500 لانه السيارة عليها مشكلة فقضيتك غير قانونيه بالاساس !!!!! )

= موضوعك تقلبه المحكمة ولك يمينه إن أنكر..

[البخاري]

بيض الله وجهك اخوي ابو محمد


سؤال على السريع اذا ماعليك امر

انا سالت المعقب بعد ماارسل لي هالرساله وقالي انه بطاقته المفروض ماتطلع لكن طلعتها له ....

فهذي النقطة الى انا متردد منها اخاف القاضي يقول ليش طلعتوها له وهي المفروض ماتطلع من الجمارك <<< او مالها دخل في القضية ؟


وهل القضية راح تكون ماليه او ماليه جنائية لاني لو رفعتها بطلب المبلغ + تعزير المدعي عليه


لانه اليوم بكلم ابو الشخص لاني توصلت له وبأكلمه لحل الموضوع بشكل ودي وابي اوضح له انه القضية راح تسبب مشاكل لولده

[ابو محمد 2]

القاضي إن حس في الموضوع رشوه لموظف الجمارك أحالكم جميعاً للمباحث الإدارية وفيها سين وجيم وتحقيق مع موظف الجمارك .
= العقوبة المتوقعة للمعقب كونه راشي والموظف المرتشي والرايش بينهم الذي هو أنت سجن سنة مع الغرامة.
والمدعى عليه سيطاله عقوبة إن أنكر الرشوة أقلها الترحيل مع السجن.
= وأنت وما تراه هداكم الله

[راعي طلايب]

حل موضوعك وديا" ولاتثير أمر قد ينقلب عليك انت والمعقب ( هذا في حالة انكم استخرجتم البطاقه الجمركيه بطريق غير نظامي ).


اما اذا كان طريق استخراجها نظامي ولكن بشئ من سرعة الاجراءات فأقم دعوى عليه ( حقوقيه ) وارفق صوره من البطاقه الجمركيه واستشهد بالمعقب الذي استلم منك المبلغ.

السؤال :

هل اعطاك تفويض او وكاله او اعطى المعقب لاستخراج البطاقه الجمركيه ؟

اذا الجواب لا..........فأنصحك ان لاتقيم دعوى...........واذا الجواب نعم فالعكس