الرجاء الافادة ... حياتي بتنهدم بسبب فزعة

[احمد مسكين]

موضوعي بالتفصيلي : ركبت مع صديقي في سيارته وتمشينا في الرياض بعدها طلع قزازة مشروب كحول خارجي من تحت المرتبه وقال وش رايك نشرب اليوم .. امتنعت عن الشرب بعدها بشوي شاف صديقي اصحابه واقفين في الشارع ووقف عندهم ونزلنا صافحت اصحابه ورجعت جلست في السياره وهم يسولف وفجأه طلعت سيارة جيب لهيئه الامر بالمعروف من الحاره داهمتنا ووقفت قدام سيارة صديقي ونزل منها 4 اعضاء وهجمو علي وعلى صديقي واصحابه وضربونا وفيه واحد من الاعضاء قام يفتش السيارة واخذ قزازة الخمر قمت انا اخذتها منه بسرعه ورميتها في الشارع دفاعا عن صديقا بعد ماصرخ وقالي تكفى ومن باب الفزعه المهم رميتها وانكسرت وتجمعو علي اعضاء الهيئه وضربوني وتكلمو علي كلام قبيح وكلبشو يديني وارجولي واخذو كل اغراضي الشخصية وبعدها ودوني قسم الهيئه وجاني عضو من قسم الهيئه وجلس يشم فمي و جاب جهاز وحطه بفمي وقال انفخ ونفخت بعدين شاف الجهاز وكرر معي العملية اكثر من 10 مرات يقول انفخ في الجهاز بقوة وانفخ ومايطلع شيء في الجهاز وكان يتلفض علي ويضربني ويقول سنشهد عليك انك سكران لانك كسرتها لو انك ماكسرتها خليناك تروح بعدين قال لاصحابه اشهدو ياجماعه عليه انه سكران وركبوني دورية الهيئه وودوني قسم الشرطة ودخلوني التوقيف بعدها جاني عسكري جاب ورقه ولفها وقال انفخ في الورقة بقوة ونفخت وشم الورقه بعدين قال شوي واجيك وراح جاب اوراق وخلاني ابصم عليها وعطاني التلفون وقال كلم احد يجي يكفلك وكلمت واحد من الزملاء وجاء كفلني وطلعت على طول من قسم الشرطة وانا ما ادري وش مكتوب في الورقة اللي بصمت عليها ولا اعرف وش اتهموني اعضاء الهيئه وطلع العسكري ضرف كبير عطاني الضرف وفتحته لقيت اغراضي الشخصية فيه اخذتها وطلعت من قسم الشرطة وبعد أكثر من سنتين على هذا الموضوع اتصل صاحبي اللي كفلني وقال ان قسم الشرطة اتصلو عليه وطلبوني للحضور لديهم لاخذي للمحكمه .. علما بان صديقي صاحب المشروب قامو باطلاق سراحه في وقتها بعد ان ادلهم على بائع المشروب وانا اللي رحت فيها واكلتها بسبب فزعه . تكفون ماهو الاجراء والحكم علما باني متزوج ولدي طفل ولم يسبق ان ذهبت لمحكمه او شرطه في حياتي .