طلب زياره

[يارب تنصرني]

السلام عليكم ورحمة الله وبركاته
انا مطلقه من خمس سنوات وعندي بنت كان وقتها عمرها سنتين ونصف
وبعد الخمس سنوات تزوجت وسارت مشاكل مع ابوها واخذها
وألحين رفض انها تزورني في بيت اهلي
يقول اللي يبغاها يجي يشوفها عنده
وابغى اقدم على المحكمه اطلب حقي بالزياره
ابغاها ايام الاجازات الاسبوعيه وغيرها من اجازه
يعني اربيها واتعب عليها وياخذها بارده مبرده حتى الصرفيات انا اللي كنت اصرف عليها وكان يمر شهرين والثلاثه ولا يجي يشوفها والمفروض اطالب بنفقه خمس سنوات
بس اهم شي عندي ألحين الزياره .....
اش الاجراءات اللازمه
الله يسعدكم جميعا

[يارب تنصرني]

نسبت اقول ان عمر بنتي الحين ثمان سنوات
اتصل عليهم علشان اكلمها بعض الاحيان ثلاث اسابيع مايردون عليه واذا ردوا يخلون الجوال على المكبر يعني ماأخذ راحتي بالكلام معاها

[راعي طلايب]

تقدمي بشكوى طلب تمكينك من زيارة ابنتك

[ابو محمد 2]

تقدمي للمحكمة بدعوى تقولين فيها أن ابنتك فلانه من زوجك السابق عند والدها منذا مدة كذا ...... ومنعها من زيارتك . وتطلبين تحديد اوقات للزيارة والزامه باحضارها الى منزلك كل عطلة اسبوعية وفي الاجازات الرسمية. والقاضي ناظر دعواك سوف يحدد مواعيد الزيارة ويصدر فيها صك ملزم للجميع ..
أعانك الله ويسر أمرك

[أبو عبدالرحمن 1]

وكذلك بإمكانك أن تتقدمي بدعوى حضانة البنت عندك ............ إذا كان مناسبا لك أن تبقى البنت عندك ، وزوجك الجديد موافق
بإمكانك طلب حضانتها
عندي الآن قضية في أحد محاكم المملكة : البنت عاشت مع أبيها منذ كان عمرها سبعة سنوات حتى 12 سنة
وأمها متزوجة ، فأخذتها أخيرا زيارة وما ردتها لأبيها ، فرفع الأب دعوى على الأم بالحضانة ، فجاءت الأم المحكمة وطلبت حضانتها ، فاستدعى القاضي زوج الأم الجديد ، وقال له : أنت موافق في أن تبقى بنت زوجتك معها ؟ فوافق ، فحكم القاضي بالحضانة للأم مع أنها متزوجة ........مع العلم بأنها الزوجة الثالثة لدى زوجها الجديد
فحكم القاضي الآن لها ، والأب معترض ، وما زالت منظورة في محكم الاستئناف

فإذا كان وضْع البنت عندك مستقرا ، وأفضل لها من بقاءها في بيت أبيها ، فبإمكانك أن ترفعي دعوى حضانة ، والقاضي سيسمع من الطرفين وسيحكم بما هو أصلح للمحضون

إو لم يكن مناسبا حضانتها عندك ، فلك دعوى الزيارة ، كما ذكر لك الزملاء

أعانك الله

[ابو مروان العطوي]

الله يكون بعونك

[يارب تنصرني]

اشكر كل من قام بالرد عليه
والله بالنسبه لوضعي بعد الزواج يسمح لحضانة بنتي وزوجي موافق ماعنده مانع
انا مقري بجده وبنتي بالرياض
بس بإمكاني اوكل اخويه وهوه يرفع قضيه على ابو بنتي

[يارب تنصرني]

اشكر كل من قام بالرد عليه
والله بالنسبه لوضعي بعد الزواج يسمح لحضانة بنتي وزوجي موافق ماعنده مانع
انا مقري بجده وبنتي بالرياض
بس بإمكاني اوكل اخويه وهوه يرفع قضيه على ابو بنتي

[أبو عبدالرحمن 1]

انا مقري بجده وبنتي بالرياض
بس بإمكاني اوكل اخويه وهوه يرفع قضيه على ابو بنتي
نظام المرافعات يسمح لك بأن تقيمي الدعوى في مقر إقامتك أنت (جدة)
والزوج ملزم بالحضور إلى جدة أو يوكل
فاطمأني ، وارفعي الدعوى في جدة ، وقاضي جدة سيخاطب محكمة الرياض ، ومحكمة الرياض ستسدعيه ، وتلزمه بمراجعة محكمة جدة

وفقك الله