قضيتي بين الإستئناف والقاضي أخذت وقت طويل

[ريم الحربي]

السلام عليكم ورحمة الله وبركاته

القاضي حكم على زوجي بالسجن والجلد لأنه نكل عن اليمين وماحلف..

القضية رفعتها العام الماضي وبعد شهور طويله كسبتها لكن قضيتي معطله لحد الآن القاضي مارد على الملاحظات الي جات من الإستئناف أخذت شهور عند الإستئناف وماصدقنا تجي والحين لها شهور والقاضي مارد على الملاحظات أنا تعبت من الإنتظار الطويل وأخاف بعد كل هالإنتظار تضيع حقوقي ولا يصدقون أو يرجعون القضية بملاحظات مره ثانية وثالثه ويعطلوني وتاخذ القضية معايا للسنة الجاية وتصير ثلاث سنوات لا قدر الله أو ينقضون الحكم مدري إذا من صلاحياتهم النقض أو فقط إرسال ملاحظات هذا أهم سؤال عندي؟؟؟؟؟؟

كمان ماعطونا أي إفادة أبوي راح لهم والموظف بس يقول القضية عليها ملاحظات وقال له وين القاضي مايرد عليها قال القاضي الي راح المدينة ماندري عنه!!! طيب ارسلوها له ليش قاعدة عندكم شهور وإذا هم مايدرون عنه مين يدري؟

آسفه ع الإطاله بس ايش هي حقوقي في هذا الوضع أبغى اي شي ممكن يفيدني هل القاضي الجديد يقدر يفتحها عشان نعرف ايش الملاحظات أو أقدر أتواصل مع الإستئناف عن طريق رقم؟

شـگرا وجزاگــم الله كل خير

[ابو محمد 2]

وعليكم السلام ورحمة الله وبركاته

= قد يكون القاضي منقول أو في دورة. وعليكي تقديم طلب لرئيس المحكمة تشرحين فيه موضوعك كما طرحتيه هنا وتطلبين منهم الرد على ملاحظات الاسئناف فقد يبلغك أن القاضي سيعود خلال مدة قريبة أو بقاضي سيخلفه, موضوعك يحتاج منك المتابعة والصبر فاغلب القضايا يحصل فيها مثل ما حصل معك بسبب تنقلات القضاة والدورات التي تعقد لهم , وهي فترة وستستقر الأمور إن شاء الله.

[ريم الحربي]

نعم القاضي نقل وأخذ ترقيه على حسب علمنا والله أعلم والقاضي الجديد جاء له شهر تقريبا بس ماتم الرد على الملاحظات هم قالوا قبل القاضي يرد عليها وترجع للإستئناف أكيد ينتظرون القاضي الي حكم لي بـــس مافيه إجابه بخصوص سؤالي عن النقض؟

[ابو محمد 2]

= نقض الحكم في حال الرد على الملاحظات بما يستوجب النقض وقد لا ينقضونه ويخفف الحكم. والله أعلم وأحكم