مطب كسر لي القير مدري وش سوا فيه ياليت رأيكم لاهنتم

[البخاري]

السلام عليكم ورحمة الله وبركاته

يالغاليين ابغى استشاره منكم بخصوص مطب وسيارتي

كنت باحد احياء الرياض اتمشى وكان قدامي مطب طلعت فوقه بهداوة ومني مسرع والدليل لو انا مسرع كان طرت مو علقت سيارتي ولما نزل الكفر الامامي سمعت من تحت طررراخ وجيت امشي لقيت القير مو راضي يطلع من النمره الثانيه للنمره الاولى وعلق علي القير وطلعت ريحة كلتش

ااتصلت على المرور وجاني وقال اتصل على 940 الامانه والامانه قالي فتحنا لك بلاغ وراجعنا بعد ماتاخذ تقرير المرور

سؤالي يااخوان

الان اتوجه للامانه مباشرة او اتوجه لديوان المظالم او وش الحل لانه على حسب تقدير الفني الى جاني البيت قالي القير انكسر من تحت الى هو ( جرم القير غطا الغير ) وانحرق القير او الكتش واحد منهم


السيارة نادره ورياضيه وقيرها بالوكاله بحوالي 45 الف ريال ومستحيل بالشرق الاوسط كامل القى قير تشليح... ومو معقوله ادفع انا المبلغ بسبب المطب الى المفروض يكون مطب لتهدئة السرعة مو كبر رصيف

ساعدوني الله يسعدكم دنيا واخره يارررب

وهذي الصور للسيارة وهي عالقه

http://im84.gulfup.com/SPvuNy.jpg


http://im84.gulfup.com/DqJOoX.jpg



http://im69.gulfup.com/x3mA6n.jpg

[عرفات تركى]

راجع ولا الامانه وشوف ايه يصير
وبعدها ترفع دعوى امام الديوان

[البخاري]

طيب يالغالي ممكن رايكم بالموضوع كم يستغرق ؟ وهل احتاج الى شوشره الموضوع اعلامياً ( صح الكترونيه كسبق )

وهل الديوان يحتاج مدة معينه عشان اشتكي او لاتسقط الدعوى ؟

وهل احتاج محامي او عادي اروح انا او الوكيل الشرعي ( لانه السيارة باسم اختي ) ؟

اعذرني على كثر اسئلتي

[ابو محمد 2]

اختك توكلك او توكل وكيل يشتكي الامانة او المقاول . ولكن أولاً قدم شكوى على الامين وخذ معك تقرير من الورشة بالتلفيات وصور المطب. وما عندك مشكلة اذا ما عاوضوك اطرح موضوع في الاعلام واحرجهم..
موفقين ان شاء الله

[البخاري]

رحت المرور اليوم وبالقوة اقنعت الضابط انه المطب كبير وخلاني اروح اصوره وبعدها طلبني خطاب اكتبه وحولني على لجنة في شعبة السير تطلع معي الاسبوع الجاي تشوف المطب ....

سؤالي يااخوان هنا

هل اذا طلعت لجنة السير وقالو لا الغلط عليك 100% لانه العسكري الى حضر قال الغلط علي 100% مع انه شاف كبر المطب وحجمه لكنه كان عنصري جداً واتضحت عنصريته بعد طلب الهوية الوطنيه ، فلو اللجنه حطت الغلط علي ثاني ايش الطريقة الى اقدر اكمل شكوتي فيها هل اقدر اشتكي في الديوان واطلب خروج مكتب هندسي او ايش القصة

هذي صورة المطب







http://im69.gulfup.com/ZuHpDm.jpg



http://im69.gulfup.com/xnVnQM.jpg

[عرفات تركى]

فى جميع الاحوال يمكنك تقديم دعوى للديوان بطلب التعويض اذا لم تسرى الامور فى صالحك
ويمكن لاختك توكيل ولا تحتاج لمحام

[البخاري]

سؤال اخير استاذي الفاضل واعذرني على الاطاله ولكن التفكير بمبلغ القير يخليني اهوجس

لنفرض ان من وضع المطب هو القصر الموجود على اليمين وليس الامانه وهو تابع للاميرعبدالعزيز بن بندر نائب رئيس الاستخبارات سابقاً هل اقوم برفعها للمحكمه العامة كتعويض فوق 20 الف او مالحل وقتها ؟

[عرفات تركى]

سؤال اخير استاذي الفاضل واعذرني على الاطاله ولكن التفكير بمبلغ القير يخليني اهوجس

لنفرض ان من وضع المطب هو القصر الموجود على اليمين وليس الامانه وهو تابع للاميرعبدالعزيز بن بندر نائب رئيس الاستخبارات سابقاً هل اقوم برفعها للمحكمه العامة كتعويض فوق 20 الف او مالحل وقتها ؟

فى جميع الاحوال المسئول هى الأمانة بصفتها المسئولة عن مثل هذه الاعمال ولا يمكن باى حال من الاحوال تحميل غيرها عن ذلك

[المحامي المعيوف]

بسم الله الرحمن الرحيم
اعتقد ان البينه الموصله لك ستكون في تقرير اللجنه لكن اعتقد ان اللجنة ستنتهي الا ان السياره شديدة الانفخاض وفي حال اعتبرت ان المطب مرتفع ارتفاع زائد عن ما هو معتاد فلك الحق باقامة الدعوى على الامانه والله الموفق

[البخاري]

المطب قسته عن طريق مهندس اعرفه

طلع غير مطابق للمعايير الى هي اقصى ارتفاع 10 سم وطلع ارتفاعه 14 سم ( المعايير طبعتها عن طريق موقع وزارة الشؤن البلديه )

لكن ابي اثبت هالارتفاع عن طريق مكتب هندسي فهل ديوان المظالم راح يعترف في التقرير ؟ او اصور المطب بالفيديو لانه احتمال الامانه بعد الشكوى تزيله ؟؟؟

لانه اللجنه أخرت الطلعه معي للاسبوع الجاي ومن كلام العسكري انه الخطأ علي حتى لو المطب كبر الجبل وكل شوي يقولي انت مسرع انت مسرع !!!! وتعرفون العسكر والضباط عندهم سياسه الاستقواء على البشر ... ورحت الامانه وطحت بموظف الله يسعده دنيا واخره قالي اذا المرور قال الغلط عليك اعترض وقلهم حولو لي الموضوع عند اللجنة المرورية للدراسات والتصاميم في البلديه هم عندهم مهندسين مختصين .