ارجوكم ساعدوني مع راعي البيت والحقوق المدينه طالبيني

[الله ينصرني يارب]

السلام عليكم

اخواني انا حرمه مستأجر دور بالرياض واسدد الايجار للمالك ولاعندي شي متخلفه عنه سبعه سنين ساكنه عنده لكن قبل سنتين البيت هرب مويه وكان اخوي - خارج السعودية - يكلم المالك ويرسله رسائل بالي يصير من تهريب وكان يماطل ومايبغى يشوف المشكلة ------ وقتها هرب الماء لداخل المجلس والمكتبه وتضرر المجلس وكتب بقيمة 10000 ريال وكلمته ولا سوا شي مثل العادة قال مو شغلي مع العلم ان التهريب كان سببه الجار الى تحت لانه كان يشغل الماطور 24 ساعه وكان الخزان يفيض ويدخل علينا من الجدار وعلى علم من المالك ، سكت لين طفح الكيل فيا ورحت قدمت شكوى للمحكمه الجزائية بالرياض بخصوص الاضرار بالكتب والعفش وقبلوها لكن المالك وقتها قالي راح اعطيك المبلغ او اصلح الخراب واخصم من الايجار ، واتفقنا على كذا وانا نسيت الموضوع بحكم اني ابغى اجلس بالبيت ماابغى انقل واتعب ومصاريف ، لكن فجاءة جابلي ورقة من الحقوق المدنية وموعد يوم الاحد ولما كلمته قالي انا أرسلت لااخوك رساله بعيد الفطر ثاني يوم باخلاء المنزل بعد انتهاء العقد ( عقدي ينتهي 15 ذو القعدة ) وهو عارف انه اخوي غالباً مو موجود ومسافر + العقد باسمي انا ويقدر يدق الباب ويبغلني لكنه مدري اشفيه

الان ابغى حل يااخواني حالياً مااقدر انقل يبغالي 3 او 5 شهور واخاف الحقوق يغصبوني ؟ وكيف اقدر استفيد من شكوتي القديمه ضده بالمحكمه الجزائية ؟ ارجوكم ساعدوني

انا سويت وكاله لزميل اخوي بيروح هو الاحد لكن ابغى استشيركم

[راعي طلايب]

وعليكم السلام......موضوع سهل ان شاء الله.

جاوبي على هذه الاسئله حتى تكون الاجابه مصيبه للهدف :

1- العقد اللي بينك وبينه سنوي ام ماذا ؟

2- هل دفعتي له جزء من المبلغ الذي حل عليك في منتصف ذي القعده الماضي ؟

3- تعرفين رقم حسابه البنكي ؟

4- تعرفين المكتب الذي ابرم العقد بينكم ؟

5- هل تقصدين بالاحد الذي بعد اجازة الحج ؟

6- هل اخوك الذي ارسل له الرساله هو من ابرم العقد مع المالك ام انتي ؟

جاوبي اختي على هذه الاسئله وسيتم جوابك وتوجيهك ان شاء الله

[الله ينصرني يارب]

1- العقد اللي بينك وبينه سنوي ام ماذا ؟

العقد سنوي ينتهي كل سنه في 15 ذو القعده

2- هل دفعتي له جزء من المبلغ الذي حل عليك في منتصف ذي القعده الماضي ؟

ادفع له كل 6 شهور ، ومارضى يقبل مني أي مبلغ هالمره لاني ابلغه قبل التحويل .

3- تعرفين رقم حسابه البنكي ؟

انا ادفع له تحويل على حساب والده المتوفي لانه لما توفي ابوه الله يرحمه من سنتين جوني 3 اخوان من ابوهم يطالبوني بالايجار كل واحد يقول ادفعي لي انا وانا ماعرفت اعطي مين وطلبت منهم وكالة ورفضو فقلت لهم بحول على نفس الحساب الى احول عليه من يوم نقلت عندكم وهو حساب ابوهم الله يرحمه

4- تعرفين المكتب الذي ابرم العقد بينكم ؟

المكتب ابرمنا العقد معه سنه وبعدها ابوهم قال ماابغى ادفع للمكتب شي خليها بينننا

5- هل تقصدين بالاحد الذي بعد اجازة الحج ؟

لا الاحد الى بعد بكره قبل عيد الحج

6- هل اخوك الذي ارسل له الرساله هو من ابرم العقد مع المالك ام انتي ؟

لا الى وقع العقد بالمكتب وسلم اول مبلغ انا

[راعي طلايب]

افهم منك ان العقد بينك وبين الاب المتوفي.....وافهم منك انك تحولين لحساب الاب المتوفي....وافهم منك انك سددتي 6 شهور وباقي عليك 6 شهور (قسط ثاني ) وحل عليك في 15 ذي القعده....صح ؟

[الله ينصرني يارب]

افهم منك ان العقد بينك وبين الاب المتوفي.....وافهم منك انك تحولين لحساب الاب المتوفي....وافهم منك انك سددتي 6 شهور وباقي عليك 6 شهور (قسط ثاني ) وحل عليك في 15 ذي القعده....صح ؟

العقد مسجل بالمكتب باسم الابن الى الان يطالبني بالخروج لانه ابوه وقتها ماكان يعرف يقرا ولا يكتب فالمكتب قال لولده العقد باسمك ولكن صك البيت باسم الاب وليس الابن.. تحويل المبالغ كلها الى حساب والده من سكنت الى بيت الى اخر مبلغ دفعته لهم تحويل على حساب الوالد الله يرحمه حسب اتفاقي مع ابوه

لكن بخصوص العقد انا اول ما اجرت البيت كان بتاريخ 15 القعده وصار كل 6 شهور ادفع نص المبلغ للمالك يعني في 15 القعده الماضيه انتهت 7 سنوات كامله في هالبيت

[راعي طلايب]

1- طالما تعرفين الحساب قومي بالتحويل فورا للحساب.

2- دعي وكيلك يقول انك سددتي الايجار لحساب صاحب العقار كما جرت العاده طوال السنوات الماضيه.

3- دعي وكيلك يقول ان الابن ليس صاحب العقار...وعلى صاحب العقار ان يتقدم بالشكوى او اذا كان متوفي ان يكون الابن وكيل عن جميع الورثه...وادعيه يقول ان الابن ليس له صفه في الدعوى غير كونه

وريث فقط.

4- دعي وكيلك يطلب تحويلها للمحكمه فورا حسب الاختصاص بسبب ان مالك العقار متوفي.

5- لو قال ان العقد المبرم بينك وبين الابن.....دعي وكيلك يقول ان العقد عندما كان الاب حي وحاليا هو متوفي....والعقار انتقل الى الورثه.

6- دعي وكيلك يقول انك لم تشعرين باخلاء العقار شخصيا"....والمفروض ان تشعرين بخطاب رسمي من المالك وتوقعين على ذلك - حسب النظام-.

7- دعي وكيلك يقول طالما ان المده تنتهي في 15 ذي القعده ولم تشعرين بالاخلاء قبلها رسميا وبخطاب....فالعقد يعتبر تجدد تلقائيا سنه كامله....وانك على استعداد لدفع السنه القادمه في وقتها.

اهم شئ.....ادفعي المتأخر قبل حضوره.

موضوعك سهل.....واعتقد طالما انك لم تشعرين قبل انتهاء العقد فالعقد تجدد تلقائيا......تابعي هنا مايحدث معك......وفقك الله

[الله ينصرني يارب]

يبدولي ان أمر دبر لي بليل

وكيلي راح اليوم وموظف الحقوق رفض يسمع لااي شي له حتى لما قاله انه الابن يطفي الكيبل قاله الموظف من حقه لانه بيته !!! طبعاً احضر وكاله عن الورثة

وطلبنا منه حقوقنا وشكوانا بالمحكمه ورفض

وطلب من موكلي توقيع إقرار بافراغ المنزل فوراً ورفض موكلي فقال له الموظف لن تخرج من القسم الا بالتوقيع او مافيه خرجه !! فطلبت منه بالتوقيع مع انه لا يحق لهم اجباره ولكن .....

فما رايكم الله يجزاكم خير

[راعي طلايب]

اجراء غير صحيح نهائيا ومخالف للنظام.....هل في الوكاله حق الاقرار ؟

[الله ينصرني يارب]

اجراء غير صحيح نهائيا ومخالف للنظام.....هل في الوكاله حق الاقرار ؟

الوكاله فيها مع حق الإقرار والانكار والصلح .........

الوكيل بلغني انه حيروح بكره لمديرشرطة الرياض سعود الهلال لتصعيد إيقافه لديهم وقالي بيقدم نفس الطلب لهم فهل يصير هالشي ؟ وانه اجبروه على التوقيع او التوقيف

[راعي طلايب]

لابد من تصعيد الموقف الى امير المنطقه......ولاتنسي ان القاعده الفقهيه والقانونيه تقول ( الوكيل لايحلف ولايكلف ) ....كيف يوقف في السجن وهو وكيل ؟؟؟

وبالاصل ان موضوع الاخلاء له ضوابط وتدرج وله خطوات معمول بها.

لايجب السكوت....لابد من تصعيد الموقف اذا كان ماذكرتي صحيحا" 100%

[راعي طلايب]

لابد من تصعيد الموقف الى امير المنطقه......ولاتنسي ان القاعده الفقهيه والقانونيه تقول ( الوكيل لايحلف ولايكلف ) ....كيف يوقف في السجن وهو وكيل ؟؟؟

وبالاصل ان موضوع الاخلاء له ضوابط وتدرج وله خطوات معمول بها.

لايجب السكوت....لابد من تصعيد الموقف اذا كان ماذكرتي صحيحا" 100%

[الله ينصرني يارب]

لابد من تصعيد الموقف الى امير المنطقه......ولاتنسي ان القاعده الفقهيه والقانونيه تقول ( الوكيل لايحلف ولايكلف ) ....كيف يوقف في السجن وهو وكيل ؟؟؟

وبالاصل ان موضوع الاخلاء له ضوابط وتدرج وله خطوات معمول بها.

لايجب السكوت....لابد من تصعيد الموقف اذا كان ماذكرتي صحيحا" 100%

اخوي

رفعت برقية للاماره من الجمعه الماضي وماجاني أي رد ، ووكيلي قدم معروض يدوي بطلب محاسبة مدير شرطة الحي وإلغاء التوقيع بناء على قول الرسول عليه الصلاة والسلام ( إن الله تعالى وضع عن أمتي الخطأ والنسيان وما استكرهوا عليه ) واحيل الى لجنة اسمها لجنة اساءة السلطة وننتظر ردهم ( وكيلي رفع شكوى باسمي في مدير شرطة الرياض من قبل العيد وماجانا رد وكل مايروح الوكيل يقول استنى )

عموماً اخوي ابغى اسالك كم سؤال اذا سمحت

الية اغلاق الكهرباء على المنزل من الامارة كيف طريقته ؟ هل لها نقاط يجب ان تستوفى ؟ ممكن التدرج النظامي والجهات الى يروح لها الامر

وايش هي الجهة ( الإدارة ) في الامارة الي تطفي الكهرباء عليا لما يجي 1/1 وماخلصنا موضوعنا ؟

الله يسعدك ويوفقك ويستر عليك دنيا واخره ويرزقك ماتتمنى وأكثر يارب