كيف استخرج اثبات لولدي

[ام مرضي]

انا مطلقه من رجل سعودي عندي ولد منه وانا غير سعوديه بس من مواليد السعوديه
طليقي مسجون عندي للولد صك حضانه واعاله
المهم الولد عنده كرت عايله والكرت عند جده والجد انكر ان عند الولد كرت عايله
وماعندي للولد اي شي من الاوراق الرسميه الا شهاده ميلاد مصوره يعني مو الاصل
الحين لما اروح اي مكان يطلبون مني شي رسمي ((اثبات ))
وش اسوي
ابغا اروح للاحوال بس هل بيطلعون لي كرت عايله للولد او ماادري وش اسوي
وش الاوراق اللي اخذها معاي عشان اوديها للاحوال وهل بيطول لين يطلعون لي اثبات للولد
تكفووون ساعدوني الله يجزاكم خير لاني مظطره لاوراق رسميه للولد
الجد مستحيل يعطيني اي شي يثبت الولد حتى كرت التطعيم معاه

[ام مرضي]

رحت للاحوال وماقدرت اطلع بدل فاقد وقالو لي ان الاصل عند الجد
هل اقدر استفيد من القرار هذا
http://www.al-madina.com/node/556099
او على الاقل يعطوني صوره مختومه بطبق الاصل وفقا للماده 23و71
ارجو منكم تفصيل هذا الامر الله يخليكم

[ام مرضي]

اشكرك اخوي ياسر بس للاسف ماعندي بطاقه للاب ولااي شي غير شعهاده الميلاد المصوره

[ام مرضي]

رحت للاحوال وماقدرت اطلع بدل فاقد وقالو لي ان الاصل عند الجد
هل اقدر استفيد من القرار هذا
http://www.al-madina.com/node/556099
او على الاقل يعطوني صوره مختومه بطبق الاصل وفقا للماده 23و71
ارجو منكم تفصيل هذا الامر الله يخليكم

http://www.alriyadh.com/973706

[ابو محمد 2]

تقدمي لامارة منطقتكم بمعروض تشرحين فيه وضع طفلك وتطلبين الحل لمشكلتك وتابعي طلبك وستحل مشكلتك بإذن الله تعالى يلزمك قليل من الصبر مع المتابعة حتى الانتهاء بالاحوال المدنية..
كان الله في عونك ويسرك أمرك

[ابو محمد 2]

هل سيوجه القاضي خطاب بذلك أخي الكريم ياسر 2 رعاك الله وسددك أفدنا جزاك الله خير

[ام مرضي]

اشكرك اخوي ابو محمد واخوي ياسر
طيب لو اروح الشرطه واكتب معروض واطلب فيه ان يسلمني جد الولد اوراق الاثباتات
هل الشرطه ستجبر الجد بتسليمه لي الاوراق
لان ماودي بالمحاكم تعبت منها افيدوني بارك الله فيكم

[ابو محمد 2]

لا تروحين للشرطة. كما أفدك الاخ ياسر2 جزاه الله خير وأعانك الله على طول المدة والمعاناة بالمحكمة. أو تختصرين الوقت للامارة وهي ستوجهك للجهة المختصة لإلزامه. أصبري فموضوعك يستحق ذلك. كما يوجد جمعية لحقوق الطفل وحقوق المرأة يمكنك التواصل معهم هاتفياً أطرقي الابواب وستجدين من يساعدك فأنتي على حق وصاحب الحق منصور بإذن الله تعالى.
أعانك الله ويسر أمرك

[ابو محمد 2]

المحكمه هي الجهه المختصه بذلك.
وليست الشرطه او لاماره حتى لو كتبت معروض لاماره سوف يتم تحويل المعامله المحكمه الشرعيه
ان معاملات الدوائر بقضايا خاصه الشرطه من مضاربات او قضايا حقوقيه او لاسريه يتم تحويله المحكمه
يعني باختصار المفيد قضيتك بالمحكمة

و

شكرالله لك وسددك

[ام مرضي]

اشكركم اخواني الله يعطيكم العافيه
كلمته اليوم قالي بيعطيني صوره من كرت العايله هل تكفي الصوره في الدواير الحكوميه
خاصه الجوازات لاني ابغا اسوي لي اقامه دائمه لام السعودي