اخوي سرق المحمول تبعي وفيه تقريبا أفلام صورة شخصيه ا

[رحاب مكه]

السلام عليكم ،،،،،عندي مشكله من شهر شوال الماضي اخوي سرق المحمول تبعي يقول باعه وانا مدري هو صادق او كاذب ومرة يقول انه سكن في فندق ومدافع فلوس الفندق وراعي الفندق حجز الأغراض ومن ضمنهم الجهاز ومن شهر شوال الين الحج وانا وامي نراجع الفندق عشن نقابل المدير وهو رافض مرة نروح صبح ومرة ليل ومرة عصر وفي شهر الحج روحنا الشرطة لان الموضوع ما انحل بالطيب وفي الشرطعه أرسول معاي مباحث عشن يكلموراعي الفندق وتم تفتيش الأغراض المحجوزة ومالقينا الجهاز ،،،،،،،،،دحين بعد الشهور هذي كلها اقدر ارفع عليه قضيه في المحكمة ،،،،لان هو. أكيد شغل الجهاز وشاف صوري وصور أخواتي وصور زواجي وقام أتصرف في الجهاز يا أعطاها احد أصحابه يا باعه ،،،،رغم ان الجهاز ما يسوي ثلاثمئة ريال وانا الجهاز هامني لان الصور الا فيه ،،،،،،،كيف ارفع عليه قضيه وهذي تعتبر قضيه عرض وشرف نفسي ينسجن لو سته شهور عشن يتأدب وانا ،،،،،،والله أني مما نام أليل من القهر والخوف من الفضيحة ،،،حسبي الله ونعم الوكيل ،،،،،أرجو الرد جزاكم الله خير

[رحاب مكه]

علما ان الموضوع أتأخر كذا لان كان نبغى نحله ودي امي كانت تحاول في اخويا ،،،،وأبرئ كان رافض أني اشتكي اخوي في الشرطعه ،،،،،وانا سكت وسكت وب الأخير أشتكيته لان صوري وخاي فيه تروح في يد اصحاب اخوي وكلهم اصحاب حشيش وبلاوي ،،،،،لو رحت المحكمة واشتكيت اخوي ،،،هل أبوي يقدر يشتكي نئ عند الشيخ ويقول أني عاصيه ،،،،وبنفس الوقت الي صار فيها المشاكل كان عندي مشاكل تأنيه كنت ارجع المحاكم عشن طلاقي يعني مشغول وله ،،،،،أفيدوني الله يستر على عرضكم

[عرفات تركى]

اشتكيه للشرطه
حتى تعلمو الصدق واعطاه لمين

[راعي طلايب]

الموضوع من شوال.....يعني له 6 شهور....وهذا اخوك ...واذا هو مبتلى بالمخدرات فلا تصبي الزيت على النار واستري عليه لعل يهتدي.

6 شهور ولم يحدث فضايح بخصوص الصور....اهم شئ اخبري زوجك لكي يكون على إطلاع....اخوك استري عليه...واكسبي أجره.

فرضا لو اشتكيتيه :

هل لديك دليل ؟ لايوجد دليل....وستكسبين عداوته......اختي فكري جيدا حتى لو كان الحق معك....مثل هذه المواضيع حساسه جدا....والصور اخبري زوجك...والجوال ثمنه قليل.

وفقك الله

[العقل المدبر]

رأيي من رأي اخي راعي طلايب
واضافه بسيطة ، اذا قيمة المحمول 300 ريال
واخيك مدمن حسب كلامك . اعرضي عليه 1000 ريال مقابل المحمول بما فيه
ولا تسلمينه المبلغ حتى تتفقدين الجهاز

قد يستغل هذه النقطه في ابتزازك وقتها تستطيعين ان تدينيه

[رحاب مكه]

يا راعي طلايب والعقل المدبر ،،،،،يوم اخوي أخذ الكمبيوتر وفيه صوري مايخاف عليا من الفضيحة ،،،،دحين انا أجي استر عليه ،،،، ياليت الي يتكلم يحط نفسه في مكاني ويتكلم الحق او ألزم الصمت

[راعي طلايب]

وهل تشبهين نفسك بمدمن مخدرات ؟

انا اقول لكي استري عليه بحكم انك انسانه عاقله وراشده....ام هو فمدمن...والمدمن يتصرف تصرفات لا اراديه...انا لا اعطيه العذر ولكن اقول ان موضوعكم بسيط ولايستاهل ردة فعل عنيفه.

الحق معك........ومعكي حق تشتكينه......وتعاقبينه....ولكن الذنب محدود...والمال قليل....والقرابه أخ...........وفي النهايه انا قدمت لكي نصيحه من باب صلة الرحم.

اذا لاتتقبلين النصيحه وتطالبين بحقك :

ارفعي شكوى في المحكمه الجزئيه فورا....واطلبي حضوره....وتابعي معنا هنا لتوجيهك.