اخرة الفزعه خابور

[ابوتركيي]

السلام عليكم ورحمه الله وبركاته،،،،
يجماعه ابي استشارتكم بموضوع اولتها فزعه وبالاخير تورطنا كانت لدى الوالد مزرعه حجة استحكام وباعها على شخص قريب لنا والشخص باعها على اخر وعطاه الوالد وكاله عامه قبل ١٦ سنه واستخرج قرض زراعي فوق ٣٠٠ الف وسدد منها ثلاثه اقساط علما بان القسط مقداره ٣٠ الف ريال وتم اصدار صك المهم بعد فتره بسيطه اتصل على الوالد وقال تعال عند العدل ابي افرغ وقال الوالد كيف تفرغها وهي مرهونه لدى البنك الزراعي قال وهل من المعقول افرغها وهي مرهونه مستحيل سددتها اقتنع الوالد عن حسن نيه وافرغها
المصيبه بعد كم سنه جاتنا الزراعه يطالبون باقي القرض وقدره ٢٤٥ الف ريال قالهم الوالد الارض صدر لها صك وافرغتها باسم شخص ثاني قالوا المزرعه مرهونه وعليك التسديد رحنا للعدل نبغى نعرف كيف افرغها بموجب ايش طلبوا منا رقم الصك والصك عند راعيها وتورطنا والحين يخصم من الوالد خرجيته السنويه صارله ٤ سنواات؟؟


يجماعه حلها ايش هالقضية وجزيتم خيرا لانها قضيه اتعبتنا نحن الاولااد ؟

[ابو محمد 2]

وعليكم السلام ورحمة الله وبركاته
= تستطيع فسخ عقد البيع واستعادة المزرعة منه. بحجة انها مرهونة للبنك حيث المرهون لا يصح بيعه.

[ابوتركيي]

شلون ياخوي والصك باسمه بدون رهن والقرض باسم الوالد. اللي مجنني كيف نقلها ؟ وماهي الطريقه اللي اعرف فيها رقم الصك لاني رحت للبنك الزراعي قالوا ماعندنا لها صك والوالد مفرغها عند كتابه العدل الحين يجماعه تعبت وانا ادور رقم الصك على شان اعرف بموجب ايش نقلها لان البنك الزراعي يقول ماطلع مننا خطاب بخصوصها

[أمام]

هل تواصل والدك مع هذا الشخص ام لا ليعرف تفاصيل الموضوع ؟!

ان لم يتسير بامكان والدك رفع دعوى ضده ، وتقديم وكالته له في استخراج القرض

[ابوتركيي]

تواصل مع الشخص والدي وزرته الاسبوع الماضي وقال لي ان والدك ماله علااقه بالموضوع والقرض استفدت منه انا وانه راح يبيع المزرعه ويسدد القرض

لكن ياخوان كيف اضمن انه راح يسدد فعلن ولايوجد بيننا اوراق او اي شي يثبت مزرعه باسمه والقرض باسمنا

[ابوتركيي]

والله اني في حيره لايعلمها الا الله لكن ياخوان ان كان في طريقه اقدر اطلع رقم الصك لكي ابحث عنه بالعدل واشوف كيف افرغها باسمه وهي مرهونه لان الزراعه يقولون ماعطيناه خطاب افراغ ابدا

[أمام]

اذا كان هو مستعد بالسداد
فحتى يثبت مصداقيته يذهب معكم للبنك الزراعي ويقر بذلك حتى يتخذ اللازم من قبلهم وتتحول المطالبه عليه

[ابوتركيي]

هل توجد فقره بالزراعه تسمح في حال انه موافق ينقل القرض عليه

[ابو محمد 2]

= ما دام أنك زرته واستعد بسداد القرض يفترض أنه يكتب لكم اقرار بذلك. وفي حال لم يسدد تطالبونه بموجب اقراره.

[مستشير1]

إذا وفى بما قاله فالحمد الله على ذلك وإلا تقام عليه دعوى تسليم مستندات أو صكوك في المحكمة المختصة

[ابوتركيي]

تاكد من العدل ان الصك غير مرهون وانه اخرج القرض بموجب قرار زراعي وبعدها اخرج الصك
بس اللي مجنني ليش مارهن الصك

[ابوتركيي]

عساه بس يوافق انه يكتب ورقه بباقي مبلغ القرض وافتك من هالموضوع اللي مزعجني

[ابوتركيي]

ابي افهم اجراءات اصدار الصك هل الزراعه لها علاقه وشلون الزراعه ماستفسرت من البنك الزراعي هل الارض عليها قرض بموجب القرار الزراعي ؟ اللي يقدر يفيدني هل ادين الزراعه او القانون لايحمي المغفلين

[ابو محمد 2]

= توجه للزراعة وقلهم عندنا قرار زراعي عليه قرض ومعاملة تسليم الصك تحت الاجراء هل القرض سيكون عائق في تسليم الصك أم أن الصك سيكون مشروح عليه بان المزرعة مرهونة بسداد القرض وستجد الجواب عندهم.

[ابو محمد 2]

= كذلك برقم القرار يمكنكم البحث في ملفات الزراعة برقم القرار لمعرفة صدور خطاب الافراغ .
= وإن تعقدت الامور فمالكم إلا رفع دعوى ضد المذكور كما اشاروا الزملاء لتسليم المستندات أو الاقرار بسداد الدين كما وعد كونه من استفاد منه وفي هذه الحالة سيكون ملزم بالسداد لوالدكم ووالدكم ملزم بالسداد للبنك.