Yas
11-08-2016, 03:00 AM
السلام عليكم ورحمة الله وبركاته
انا بنت عمري 19 سنة وعندي 3 اخوات اعمارهم 15 و 12 و 9 سنوات
واخين اعمارهم 17 سنة و 13 سنة ، يمنيين لكن مواليد جدة ومقيمين في جدة
..
ابويا طلق امي قبل 4 سنوات تقريبا وسكن في الشقة اللي فوقنا وكان متزوج حرمة من المدينة يروح لها كل اسبوع
قبل سنتين تقريبًا طلق مرتو التانية اللي بالمدينة
طبعا بشكل شبه يومي نشوفو بحكم انو ساكن معانا بنفس العمارة، اخواني كل ما نزلو المسجد يقابلهم ويقول نادي اخواتك يطلعو وكذا
..
مرة من المرات كان رمضان وقلنا نطلعلو فطور ونعتبرو واحد من الجيران، وزي ما نعطي جيراننا نعطيه، على اذان المغرب انا طلعت له تبسي كله اكل
قام قالي ادخلي جوا وقفلي الباب قلتلو ابويا اذن المغرب بنزل افطر صرخ عليا وقال ادخلي، انا خفت وخرجت من شقتو اجري نازلة لأمي اقولها ما تطلع اخواني
وما انتبهت لأخويا واختي وهما طالعين
ما وصلت شقتنا الا اسمع صرخة اختي وهي تقول ألحقوني بيقتلننني
تجمعو الجيران كلهم قام قفل باب شقتو وضربها ضرب فعلا كان مميت
ما فكها الا لما كانو بيكسرو الباب فوقو الجيران ونزلت لنا اختي راسها كلو دم وجسمها معلم من كل جهة
بس كنا ما نفهم موضوع شرطة وما شرطة، ما رحنا بلغنا عليه
..
غير انو ما يصرف علينا الا مقطع واوقات يمر الشهر والاثنين والثلاثة ما يصرف ولا ريال واوقات يحط بس 500 ريال لنا كلنا الستة في الشهر
واذا كلمناه يقول عندي إلتزامات وأولويات وامي من النوع اللي ما تحب تدخلو محاكم لأنها تقول كان بيننا عشرة وابو عيالي
..
المهم انو هادي الفترة من بعد طلاقو من مرتو التانية وعيشته لوحدو فوق بالشقة تغير كثير كثير كثير
هو اللي يوصل اخواني المدارس واختي اللي عمرها 15 سنة تقول اخاف منو يجلس يطالع في المرايا في السيارة عليا ويطووول بشكل يخوف
اخويا يوميًا يصحيه الصباح عشان يصلي الفجر ويوصلهم المدارس، يقول اخويا ابويا سار شكلو يخوف لما يصحى من النوم عيونو مرة حممممرا، زمان ما كان كدا
يعني حمرا حمار يخوف
..
عندو ولد وبنت من مرتو التانية اللي في المدينة اعمارهم البنت 6 والولد 4
جاني قبل فترة قالي انه يبا ياخدهم من امهم ويعيشهم عندو في الشقة ويباني انا اطلع اربيهم، طبعا انا اعترضت بس ما فاد اعتراضي بشي
وبعدها طلعو اخواني يسلمو عليه قالهم انزلو طلعو بجايمكم تنامو عندي، اخواني اصلا خلقة يخافو منو لأنو تعاملو سيء سيء مرة معاهم بس متحملينو من كلام امي انو ابوكم وزي كدا
بس لما قال تطلعو تنامو عندي جلسو يبكو وخايفين ما يبو فما طلعو وسار بعدها اخويا ما يبا ينزل المسجد عشان لا يقابلو قرابة ثلاث اسابيع
بعدها صادف اخويا ابويا وقالو ابويا اطلع السيارة
وجلس يهدد فيه تهديد قوي! يقولو انو تاركنا بمزاجو عند امي نعيش
واحنا اصلا حق له هوا
وانو لو يبغا دحين حالًا يرحل اخويا اليمن
ف أمي خافت من كلامو دا وانو مجرد ما يفكر كدا !!
وقررت تقدم في المحكمة خلاص دعوى حضانة وضم بالغين ونفقة، عشان تضمنا وتضمن حقنا
..
محنا عارفين لو قدمنا هل ممكن يحكمو له لو يوم واحد ننام عندو ؟
لأنو فيه ناس قالو لأمي يحكمولو على الأقل يوم واحد مبيت ؟
مجرد ما نقابلو الكم ساعة في اليوم دي تتعبنا، ونخاف منو كلامو مرة مو كويس معانا
وفيه كتير مواقف ما كتبتها يعني كان يحبس اخواتي الصغار، مرة حبس اختي اللي عمرها 8 سنين ولا حتى خلاها تروح الحمام وانتو بكرامة
نزلت لنا وهي ملابسها كلها معدومة، سوت على نفسها
هذا الشي اللي متخوفين منو، لأنو بصراحة ما سرنا قادرين نستحمل اكتر من كدا
تعبنا نفسيًا اكتر من التعب الجسدي.
ايش تنصحونا نسوي ؟
انا بنت عمري 19 سنة وعندي 3 اخوات اعمارهم 15 و 12 و 9 سنوات
واخين اعمارهم 17 سنة و 13 سنة ، يمنيين لكن مواليد جدة ومقيمين في جدة
..
ابويا طلق امي قبل 4 سنوات تقريبا وسكن في الشقة اللي فوقنا وكان متزوج حرمة من المدينة يروح لها كل اسبوع
قبل سنتين تقريبًا طلق مرتو التانية اللي بالمدينة
طبعا بشكل شبه يومي نشوفو بحكم انو ساكن معانا بنفس العمارة، اخواني كل ما نزلو المسجد يقابلهم ويقول نادي اخواتك يطلعو وكذا
..
مرة من المرات كان رمضان وقلنا نطلعلو فطور ونعتبرو واحد من الجيران، وزي ما نعطي جيراننا نعطيه، على اذان المغرب انا طلعت له تبسي كله اكل
قام قالي ادخلي جوا وقفلي الباب قلتلو ابويا اذن المغرب بنزل افطر صرخ عليا وقال ادخلي، انا خفت وخرجت من شقتو اجري نازلة لأمي اقولها ما تطلع اخواني
وما انتبهت لأخويا واختي وهما طالعين
ما وصلت شقتنا الا اسمع صرخة اختي وهي تقول ألحقوني بيقتلننني
تجمعو الجيران كلهم قام قفل باب شقتو وضربها ضرب فعلا كان مميت
ما فكها الا لما كانو بيكسرو الباب فوقو الجيران ونزلت لنا اختي راسها كلو دم وجسمها معلم من كل جهة
بس كنا ما نفهم موضوع شرطة وما شرطة، ما رحنا بلغنا عليه
..
غير انو ما يصرف علينا الا مقطع واوقات يمر الشهر والاثنين والثلاثة ما يصرف ولا ريال واوقات يحط بس 500 ريال لنا كلنا الستة في الشهر
واذا كلمناه يقول عندي إلتزامات وأولويات وامي من النوع اللي ما تحب تدخلو محاكم لأنها تقول كان بيننا عشرة وابو عيالي
..
المهم انو هادي الفترة من بعد طلاقو من مرتو التانية وعيشته لوحدو فوق بالشقة تغير كثير كثير كثير
هو اللي يوصل اخواني المدارس واختي اللي عمرها 15 سنة تقول اخاف منو يجلس يطالع في المرايا في السيارة عليا ويطووول بشكل يخوف
اخويا يوميًا يصحيه الصباح عشان يصلي الفجر ويوصلهم المدارس، يقول اخويا ابويا سار شكلو يخوف لما يصحى من النوم عيونو مرة حممممرا، زمان ما كان كدا
يعني حمرا حمار يخوف
..
عندو ولد وبنت من مرتو التانية اللي في المدينة اعمارهم البنت 6 والولد 4
جاني قبل فترة قالي انه يبا ياخدهم من امهم ويعيشهم عندو في الشقة ويباني انا اطلع اربيهم، طبعا انا اعترضت بس ما فاد اعتراضي بشي
وبعدها طلعو اخواني يسلمو عليه قالهم انزلو طلعو بجايمكم تنامو عندي، اخواني اصلا خلقة يخافو منو لأنو تعاملو سيء سيء مرة معاهم بس متحملينو من كلام امي انو ابوكم وزي كدا
بس لما قال تطلعو تنامو عندي جلسو يبكو وخايفين ما يبو فما طلعو وسار بعدها اخويا ما يبا ينزل المسجد عشان لا يقابلو قرابة ثلاث اسابيع
بعدها صادف اخويا ابويا وقالو ابويا اطلع السيارة
وجلس يهدد فيه تهديد قوي! يقولو انو تاركنا بمزاجو عند امي نعيش
واحنا اصلا حق له هوا
وانو لو يبغا دحين حالًا يرحل اخويا اليمن
ف أمي خافت من كلامو دا وانو مجرد ما يفكر كدا !!
وقررت تقدم في المحكمة خلاص دعوى حضانة وضم بالغين ونفقة، عشان تضمنا وتضمن حقنا
..
محنا عارفين لو قدمنا هل ممكن يحكمو له لو يوم واحد ننام عندو ؟
لأنو فيه ناس قالو لأمي يحكمولو على الأقل يوم واحد مبيت ؟
مجرد ما نقابلو الكم ساعة في اليوم دي تتعبنا، ونخاف منو كلامو مرة مو كويس معانا
وفيه كتير مواقف ما كتبتها يعني كان يحبس اخواتي الصغار، مرة حبس اختي اللي عمرها 8 سنين ولا حتى خلاها تروح الحمام وانتو بكرامة
نزلت لنا وهي ملابسها كلها معدومة، سوت على نفسها
هذا الشي اللي متخوفين منو، لأنو بصراحة ما سرنا قادرين نستحمل اكتر من كدا
تعبنا نفسيًا اكتر من التعب الجسدي.
ايش تنصحونا نسوي ؟