انا في ضيق وكدر بسبب هذا الموضوع

[حسن سالم 88]

السلام عليكم ورحمة الله وبركاته
الموضوع باختصار يااخوان
اني رجل ابو اسرة ولدي اطفال واعيش حياة مستورة على قد حالي
موظف مدني وبعيد عن المشاكل والمحاكم

قبل سنة اتصلت فيني خالتي وقالت تكفى يافلان ولدي محمد بيعطونه افراج ويبغون كفيل وليتك تراجع بموضوعه في التنفيذ
ورحت للتنفيذ وسالت وقال لي القاضي بطلعه يدبر اموره مؤقتل ويحل مشاكله مع خصمه وقال تكفله ؟
قلت اكفله على ايش ؟
قال : انك تجيبه للجلسات القادمة مع خصمه
قلت ابشر اجيبه
وكتب الشيخ على ورقة بيضاء كلام ماقريته بس قال وقع هنا واخذ رقم جوالي وسجل رقم هويتي
واعطاني اطلاق لقريبي للشرطة

وطلع قريبي قبل سنة
وحضر قريبي الجلسات مع خصمه بعد خروجه وتاكدت انا من هالشئ


الان لي ثلاثة ايام يتصلون فيني التنفيذ ولا ارد عليهم
وسالت من تحت لتحت عن طريق ناس وقالوا لي ان قريبي صدر عليه تنفيذ واعادته للسجن
وهم يتصلون الان فيني على اساس اني كفيله

الرجال ادور عليه لي 3 ايام وللاسف الرجال هارب
رحت لخالتي وقلت لها ليش يسوي فيني كذا وانا رجال سويت فيه خير
وللاسف انها عجوز ضعيفة لاحول لها الا البكاء

الان وش الحل يااخوان ؟
وش اسوي معهم ؟
مع العلم كفالتي فقط حضورية وليس غرم

انا رجل رب اسرة وفي حالي واخاف اروح لهم يلزموني بتعهد او يوقفوني واخاف على اسرتي وعملي

هل القانون يلزمني باحضاره ؟ حتى لو كان هارب واجهل مكانه
وليش الي يتصل فيني التنفيذ ؟ مو المفروض ان المعاملة تحول للشرطة وهم يتصلون فيني ؟


ساعدوني حرم الله وجيهكم عن النار

[سواااابق]

السلام عليكم
نصيحة من بكرة الصبح تتجاوب مع التنفيذ وتروح لهم وتشرح لهم انك كفلته وحضرته لجميع الجلسات والان الشخص هارب وبحثت عنه في بيتهم وفي كل مكان وانك لم تجده وتطلب يوقفون خدماته ويحضرونه بطريقتهم . .
لكن اذا انت لم تتجاوب مع التنفيذ وما ترد على مكالماتهم رح يوقفون خدماتك انت وبعدين راح يصعب موقفك في التنفيذ