افيدوني ضروري جداً جداً

[t3l3l]

يا اخوان علي قضيه قبل عشر سنوات حيازه مخدرات حبه كبتاجون
وجاني إيقاف خدمات من المخدرات ورحت راجعتهم بصموني على ورقه بانهاء ومراجعة المحكمه الجزئيه وقالوا لي خلال عشرة أيام بنتصل عليك عشان المحكمه ولي الان أسبوعين ماكلموني وبعد اتصالي بشخص قريب شغال معهم اتضح أن قضيتي مفقودة وانا الحين ابي اخلص وارفع الايقاف وش الحل

[t3l3l]

طبعا ما اقدر اقولهم أن قضيتي مفقوده

[Riyadh20]

....... عشر سنوات وين الاجراءات طول هالمدة
الزبدة اذا ماعليك سوابق واول مرة اتوقع ماعليك خوف وبيشملك العفو
واذا على رفع الايقاف روح لمديرهم واشرح له الموضوع وانك وقعت اقرار حضور المحكمة وخلهم يتحملون مسؤلية ضياع المعاملة
وبيرفعون لك التعميم .......

[t3l3l]

ماعلي سوابق واول مره واخر مره ولله الحمد

يعني اراجعهم

[سهم الحقيقة]

اولا : أسال الله ان يصرف عنك وعن كل مسلم شر هذه الافة القاتلة وان يجعلها توبة نصوحا لوجهه الكريم
ثانيا :
لاتكن في موقف الضعيف فموضوعك بسيط بحول الله وطالما لاسوابق لديك فسيشملك العفو في حال صدر حكم ضدك
وقد ربما يلطف بك الله وتحال الى قاض يرى فيك الخير ويقرر بحقك حكم بديل او يتعاون معك

لذلك لاتضيع الفرصة وراجعهم وهم من يتحمل فقدان المعاملة واطلب من المسؤلين في الادارة ان يرفعوا عنك ايقاف الخدمات لتضررك وانك جاهز لتوقيع اقرار بمراجعة المحكمة متى ماطلبوك

واستغرب حقيقة لماذا تقول : اخاف ان اقول لهم معاملتي مفقودة .. فهل لك يد في فقدانها ؟

[t3l3l]

الله يسعدك ياغالي اللي علمني ان المعامله ضايعه واحد شغال معهم يعني لو قلت لهم انها ضايعه بيسالوني وش دراك وباذن الله ينفذ كلامك حرفيا

[سهم الحقيقة]

الله يسعدك ياغالي اللي علمني ان المعامله ضايعه واحد شغال معهم يعني لو قلت لهم انها ضايعه بيسالوني وش دراك وباذن الله ينفذ كلامك حرفيا

ليش تقول لهم ضايعة ؟
انت راجعهم واطلب رفع ايقاف الخدمات وانك جاهز للحضور للمحكمة وكتابة اقرار بذلك
ولاتفتح باب ضياع المعاملة او انك تعرف اي شئ عنها
وبالمناسبة ياعزيزي قضيتك جدا بسيطة ولاتستحق الخوف والقلق وكل هذه الامور
ومن مصلحتك احالتها حاليا للمحكمة لتدخل العفو في رمضان بحول الله
وفقكم الله

[فهد١٢]

!!!!! غررررريبه يعني القضيه قبل عشر سنوات وتوهم يتصلون!!!! طيب ليش ماشملك عفو العشر سنوات هذي !!!! ولا انا فاهم غلط.

[ابو محمد 2]

يأخوان جزاكم الله خير يرجى عدم التعليق الغير مفيد والالتزام بشروط المنتدى. المنتدى خيري جزا الله من أسسه خير الجزاء. ورسالة لأخونا المستشير نفذ ما وجهك به سعادة المستشار سهم الحقيقة فقد افادك وكفا ووفا جزاه الله خير الجزاء ونفعنا الله بعلمه وتوجيهاته. ودمتم جميعاً على خير حال.

[t3l3l]

الله يوفقكم ويسعدكم شكرا لافادتي