استفسار بخصوص قضية

[الخاطر]

السلام عليكم ورحمة الله
اخواني حصل علي حادث قبل فتره صدمت في جدار مبنى حكومي بسبب تعطل الفرامل واتهموني اني سكران واعد محضر استشمام وسلموني القسم وانا منكر وسوا الضابط محضر استشمام وانكرت وخرجت بكفالة وسيارتي لازالت محجوزة وسوو لي بصمات الادلة حقت كشف سوابق وانا علي وحده قديمة قبل كم سنة حد شرعي وبعدها انسجنت في حيازة مسكر وماطلعت الأولى والان خرجت من السجن قبل فتره وباقي القضية الثانية توها وصلت الاماره ماتنفذ الحكم مدري تطلع او بعد التنفيذ وفرضآ لو طلعت لاسمح الله الاولى حد شرعي والثانية حيازة مسكر وش بيكون نظرت القاضي هل فيها سجن وانا موظف وخايف ع وظيفتي خايف توصل العمل ويفصلوني وانا منكر وراح انكر امام القاضي .
امس جاتني رسالة تم تسجيل القضية رقم ** وتاريخ ** وتم احالتها الى ** مدري من وين المرسل BIP-
وش رائيكم ارجو الإفادة للي يعرف ..

[الخاطر]

احد يفيدنا اذا ممكن ..

[سواااابق]

00009

[سواااابق]

بخصوص العمل . ماله دخل فذ القضايا السابقة
انت مشكلتك الان مع الشيخ
الشيخ طبعاً اذا طلعت السوابق القديمة تؤيد محضر
الاستشمام في نظر الشيخ
وبيحكمك اذا انكرت السكر ب التطهير ممكن 79 جلدة
وممكن يعزرك بشهر سجن
لكن عموماً لا تفصل من وضيفتك الا بحد شرعي
يعني اذا اعترفت انت با شرب المسكر

[سعدد]

انت خذ تقرير أن الفرامل كانت متعطلة في ذلك اليوم وممكن تشوف طريقة يكون من الشركة عن طريق الطلب من القاضي بالكشف على السيارة المحجوزة من الشركة الاصلية للسيارة وحاول تسأل عن الطريقة كيف يساعدوك للاثبات ولا تقول سكر وغيروا محد يساعدك وقتها وان شاءالله يساعدك هذا الامر في الخروج من المشكلة.

[الخاطر]

ياخي كيف القاضي يطلب تقرير ما اعتقد القاضي يبي يعرف بس هل شربت المسكر او لا الحادث اختصاص المرور اعتقد انا اللي خايف منه السوابق هل تأيد حكم الشيخ ويقيم الحد ويسجني او لا واذا طلب البينة وجو وشهدو
لكن فعلآ انا ماشربت بس بيسلمون حاله عشان يروحون ينامون ببيوتهم كل الموظوع حادث مروري وكنت دايخ منه لان راسي ضرب في الدركسون
وبرضه وطلبتهم اسعاف ماجابو لي وايضآ في القسم طلبتهم اسعاف ولا بندول ومطنشين يقولون حقق ونشوف ورفضت ابصم بعد التحقيق لين اقراء وعصب الضابط وقام يرفع صوته ويبي يمد يده بعد وكتب الضاط هل تعاطيت المسكر ؟
جاوبته لا
سألني عن الحادث يقول انت ماتعرف تسوق يبي يستفزني قلت ايوه ما اعرف اسوق وكتبها الظاهر مادري ماقريت غير اول سؤال وبعدها بصمت ع الباقي لان راسي مصدع وابي علاج ولا يودوني مستشفى ولا اسعاف ولا جابو لي دخلوني التوقيف وقالو جيب كفيل
ايضآ طلبتهم يسوو لي تحليل عشان يتأكدو اني ماني متعاطي ولا لا مافي فايده يبون يسوون قضية

[سهم الحقيقة]

الحيازة في قضيتك غير موجودة
فكما ذكرت انت اعلاه لم يعثروا معك على اي مسكر .. اذن الحيازة هنا معدومة
محاضر الاستشمام وحتى لو تم دعوة رجال الشرطة كشهود واكدوا محاضر الاستشمام فأنها تظل قرينة ولايمكن تطبيق الحد عليك بالقرائن فقط خصوصا مع استمرار انكارك حتى في المجلس القضائي
لذلك اتوقع ان يتم توجيه تهمة الاشتباه ويتم تعزيرك خصوصا مع تكرر سوابق مماثلة بذات الشان والتي قد تكون فقط هي العقبة الوحيدة امامك في هذا الامر
اسال الله ان يفرج عليك ويرزقك التوبة الخالصة لوجهه الكريم

[الخاطر]

طيب التعزير إحتمال يكون جلد أو سجن ؟
ومتى السجن وقت التنفيذ ؟
وانا للأن مارحت إدعاء عام يمكن يوقفني الإدعاء لأنه موظوع حادث وماتنازل الطرف الأخر لكن مافي إصابات فقط كذبت الفرامل وصدمت في سور مبنى حكومي