بخصوص ايقاف الخدمات

[يارب غفرانك]

صديقي مسجون على ذمة قضية شيكات بدون رصيد
امس وصلته رسالة عن ايقاف الخدمات الخاص فيه ودخل على ابشر لقى ان ايقاف الخدمات صادر من الضبط الجنائي لشرطة في منطقة اخرى غير منطقته ولايدري ايش الموضوع

طبعا هو عنده تسويات مالية من صاحب الشيكات وبيعطيه مهله للسداد ويطلعه من السجن
هل ايقاف الخدمات هذا يعرقل خروجه؟ وهل ايقاف الخدمات اذا خرج وتوقف في نقطة تفتيش او غيرها سبب في انهم يوقفوه ويحجزوه؟
واذا راجع الجهه الي فيها التعميم يوقفوه والا بس يشعروه ان عنده اجراء او مشكلة ضده؟ مع العلم يقول ماجاه اتصال ولاتبليغ ابدا في اي قضيه او مشكله

[سعد الهوارى]

سبب ايقاف الخدمات هو مراجعة الجهة التى قامت بوضع التعميم وبما انه مسجون سوف يقوم قسم الشرطة بالكتابة الى هذه الجهة التى اتخذت اجراء التعميم والافاده حول طلب المسجون الى هذة الجهه محبوس من عدمه
تحياااااتى

[adel50]

ايقاف الخدمات يسوونه الجهات الحكومية لاجبارك على المراجعة طواعية زي الي يكون عنده جلسة او موعد حقوقي ولاقدروا يوصلون له يبلغونه فيحطونه عليه ايقاف الخدمات علشان يراجع لرفع التعميم ويعرف وش المطلوب منه
لذلك اتوقع انه يطلع وينبهونه للتعميم انه يراجع ومااتوقع يخاطبون الجهه الي سوت التعميم لان هذا بس في حال كان موجود عليه تعميم او امر قبض بس

[حسن سالم 88]

اتوقع ماراح يطلعونه لين يكلمون القسم الي موقف خدماته يشوفون وش سالفته