اخوي جاب لنا الامراض والفضيحة قدام الناس

[ابا المظاليم]

صبحكم الله بالخير اخواني
انا عندي اخ عمره 28 سنة بس للاسف انه شخص مايعرف المسؤليه وسفيه
فضحنا قدام خلق الله ومع الناس
الولد منحه الله شخصية قوية ولباقة وقدرة على الاقناع ويحب المظاهر والفشرة الكذابة واستغل كل هذا في عمليات نصب كثير
تخيلوا كل شهر يدق بابنا شخص او اثنين يطلبوه فلوس
فتح مؤسسه واستغلها في النصب على اشخاص كثير بعقود مزروة ووهمية لعمليات تقسيط والصدمة كل واحد يطق بابنا يقول اخذ مني مليون والي يقول مليون ونص
والصدمه عندهم شيكات منه لانه انسان تافه وتغلغل النصب بدمه لدرجة ممكن يسوي اي شئ علشان بس ياخذ فلوس ويضيعها في شراء سيارات فاخرة ويكشخ بها شهر ثم يبيعها بخسارة كبيرة ومضيع عمره سفريات وكله بفلوس الناس
طبعا اشتكوه كثير ونفذوا عليه وهو مسجون حاليا

الي موجع قلبي ان بعض الي اشتكواه انا شاك في مبالغهم
لان شخص كان يتردد على بيتنا يقول عنده لي 200 الف
وبعدها بشهرين يقول عنده 400 الف
واخر شئ مقدم شكوى بمبلغ مليون و 200 الف

وطبعا اخوي النصاب اذا قابل اي واحد من الي يطلبونه يكون وقتها اهم شئ عنده انه يفك نفسه ويختفي وممكن يعطي اي واحد منهم شيك لو بمليون اهم شئ يخلص نفسه
ايضا سبق وقال لي واحد انتبه ترى اخوك لو احد يطلبه 5000 وقال له اكتب لي شيك بـ 100 الف ماراح يرفض اخوك

الحين اخوي مسجون وهذا مو مشكلتنا
المشكلة انا شاكك في المبالغ الي العالم قدمتها ضده
الناس تطالبه بحوالي 6 مليون والرجال طفران ولو قلنا على اسؤ تقدير يمكن لعب بحوالي 200 الف
لكن 6 مليون مستحيل

كيف اقدر اخلي هالعالم تقر بالمبالغ الحقيقية ؟
مع ان واحد منهم يدعي ان له مليون ونص قابلته صدفة وقلت له تحلف بالله في هالشهر الكريم انه اخذ منك مليون ونص ورفض وقال موضوعنا عند الشيخ

كيف يااخوان اقدر اثبت المبالغ الحقيقية لهالناس؟

[ابو محمد 2]

= ما مضى لا تستطيعون عمل شيء خاصة إذا كان أوخوك قد أقر بهذه المبالغ.
= حالياً وتدراك لما قد يقوم به مستقبلاً بعد خروجه من السجن مالكم إلا إثبات سفهه لدى المحكمة وإقامة ولياً منكم على تصرفه وسيتجنب الناس التعامل معه. ومن تعامل معه يتحمل الخسارة حيث السفيه لا يؤخذ باقراره وتصرفاته محكومة بالولي.
= أو طالما أنه اختار هذه الطريق ( النصب والاحتيال ) فسيتعب في حياته ويتأدب من السجن وملاحقة الناس له.

[سواااابق]

اطلب من الشيخ مراجعة حسابات اصحاب الشيكات
وتحويلاتهم البنكيه . يمكن يكون فيها مخرج بسيط

[ابا المظاليم]

= ما مضى لا تستطيعون عمل شيء خاصة إذا كان أوخوك قد أقر بهذه المبالغ.
= حالياً وتدراك لما قد يقوم به مستقبلاً بعد خروجه من السجن مالكم إلا إثبات سفهه لدى المحكمة وإقامة ولياً منكم على تصرفه وسيتجنب الناس التعامل معه. ومن تعامل معه يتحمل الخسارة حيث السفيه لا يؤخذ باقراره وتصرفاته محكومة بالولي.
= أو طالما أنه اختار هذه الطريق ( النصب والاحتيال ) فسيتعب في حياته ويتأدب من السجن وملاحقة الناس له.
الله يجزاك الخير ابومحمد بس هو الى الان منكر المبالغ وجالس يقول هذه الشيكات مقابل بضاعه ومرة يقول هذا الشخص سرق شيكاتي والى الان القاضي حق التنفيذ راسه شيب منه كل شوي طالع بعلم وسالفة جديدة
ويضبط قصص يخليك تقتنع وتحس انه ضحية وتتعاطف معه والمصيبة الي انا شاك فيها ان الخصوم يطلبونه فلوس بس مو بهالحجم
لان اغلبهم يرفض اليمين وبعضهم اخوي طلب جلسات ضدهم في المحكمة ويتهربون من الحضور

[ابا المظاليم]

اطلب من الشيخ مراجعة حسابات اصحاب الشيكات
وتحويلاتهم البنكيه . يمكن يكون فيها مخرج بسيط

الشيخ في التنفيذ يقول الشيكات صحيحة والاعتراض عليها صحيح من البنك والرجال مقر انه كتب الشيك بس انه يقول كتبه لاغراض واتفاقات ثانية زي بضاعة وغيره
علشان كذا القاضي يبي يريح راسه ومخليه بالسجن

[سمير عبدربه احمد]

كلام اخونا ابومحمد2 مضبوط لازم تثبتون سفهه لتكفوا شره عنكم وعن الناس
ودام انه منكر المبالغ يروح للمحكمة ويرفع عليهم دعوى ويجلس معهم وكل واحد بيثبت حقه قدام القضاء