هل الي سواه القاضي صحيح ؟

[سعود الفهيد]

السلام عليكم
فيه شخص بيني وبينه منازعة تنفيذ على شيكات
طبعا الشيكات ملكي لكن التوقيع والبيانات مزورة وانا واثق من التزوير وارسلوها للادلة وننتظر الرد
بس اخر جلسة لنا انا وخصمي مع الشيخ لاحظت الشيخ يميل شوي لخصمي ويسمع له وينفذ طلباته ومواعيد الجلسات يحطها على راحة خصمي ويساله متى تبغاها وانا مالي اي اعتبار
تخيلوا اخر جلسة سال خصمي متى يناسبك وحدد خصمي يوم واعترضت انا وقلت للشيخ هاليوم مايناسبني عندي موعد طبي لزوجتي انتظره من 4 شهور قال الشيخ مالي شغل بموعدك تحضر الجلسة وبس
مدري هل علشان خصمي ملتحي وانا حليق ؟ للامانة انا محتار من هالتصرفات بس ثقتي بكشف الادلة للتزوير والي راح اسويه بخصمي بعد النتيجة هو الي مصبرني
الصدمة الثانية يااخوان كانت في جلسة الاسبوع الماضي واحنا جالسين نتناقش مع القاضي وبرحمة الله خلى الخصم ينطق الحق وهو مايدري وجاب سيرة العامل عطاني الشيكات " طبعا هذا عامل كان عندي وكشفناه مختلس "
انا ضحكت والشيخ ساله وقال : عيد كلامك
والرجال قام يتلخبط ويحاول يبرر بعدها الشيخ ناظر فيني وقال لو سمحت اطلع برى انتظر
قلت له : ليش ياشيخ ؟
قال عندي كلمة مع خصمك وفعلا انا طلعت يمكن حوالي 10 دقايق ونادوني
بس لاحظت وقتها خصمي مبتسم وواثق ومروق وماادري وش الي صار
سالت الشيخ بادب بعد الجلسة : وقت خروجي من عندكم ودي اعرف وش الي فاتني
قال الشيخ مافيه شئ والله معك روح

وش رايكم يااخوان ؟ هل يحق للقاضي يطلعني وينفرد بخصمي ولايعلمني وش صار وقتها ؟
وهل تاجيل الجلسات بمزاج خصمي دون مراعاة وضعي امر صحيح

[سعد الهوارى]

اذا كنت واثق من ان الشيك مزور فعليك ان تصبر وتحتسب حتى يرد تقرير الادلة الجنائية بالتزوير وبعد سوف ينقلب الحال وسوف تكون انت المدعى وهو المدعى عليه وكل هذا لا يؤثر على موقفك
تحياااااااااتى

[معلم شرقاوي]

الله يرحم الحال ويصلح الاحوال
تذكر حديث قاضيان في النار وقاضي في الجنة
وعلى القاضي ان يعدل في مجلسه بين المتخاصمين وفي النظر له وعليه ان لا يميز واحد عن الاخر بكلام او بسماع ..

[smsm762010]

عزيزي عليك الإنتظار والصبر مع كثره الدعاء كما اشار لك اخونا المستشار سعد الهواري
اما الحديث الذي ذكرته فلا يصح وهو ضعيق والأقوى منه تذكر حديث إذا اجتهد الحاكم فاصاب فله اجر وإذا اخطأ فله اجران
وبإختصار انت مدعى عليك فالقول قول المدعي حتى يثبت العكس وعلى العموم انت لدى قاضي تنفيذ وليس قاضي المحكمه الإبتدائيه حتى يكون هناك جلسات تقاضي ومساواه وغيرها