ارجو منكم الرد على قضيتي الغريبه

[سامي123]

السلام عليكم ورحمة الله وبركاته
اسأل الله ان يكتب اجركم على ماتقدموه في هذا المنتدى

في الحقيقه انا قضيتي غريبه وغبيه والغباء كله من راسي
ذهبت للرياض لزيارة الاقارب بعد انقطاع دام فترة في الرياض
وسبب الانقطاع مريت بحاله نفسيه سببت لي قلق حاد ورهاب اجتماعي
لهذا لا اخرج من البيت وكنت اتعالج بالادويه التي فادتني ولله الحمد
حينها قررت كسر هذا الحاجز والتوجه للرياض لزيارة الاقارب وصلنا ولله الحمد الرياض
نزلو الاهل وانا نزلت معهم بعدها قلت بطلع اتمشى وضعت ماعرفت ارجع وطلبت من
قريبي ارسال الموقع على الواتساب وحيهم السكني البيوت تقريباً كلها نفس الشيء
انا دخلت حي البيوت تتشابه والموقع عاطيني بيت وانا افكره بيت اقاربي
المهم دخلت وطقيت الباب داخل الحوش وخرج لي واحد ويصرخ من انت ووش دخلك بوجهي خفت وارتبكت ولا عرفت اتصرف
وهربت بس كان سريع ويصرخ حرامي وحرامي انا جاتني حاله ماعاد عرفت وش الي صاير حالتي انتكست وبقوه
ومسكني وضربني براسي بسلاح ابيض حديد وطحت وجلس يضربني لين انكسر سن عندي ووعيت الا انا مربوط والجيران حولي والشرطه اخذني الضابط على جنب قالي وش عندك قلت مدري مو بوعيي بعدها قال الضابط*جاي
تسرق ولا ديت ماعرفت وش يعني ديت اثاريه يقصد بنت انا هزيت براسي بس كلم الرجال عشان بنت جاي وهذاك قال اسمها عندي انا ماعاد عرفت خايف ومتوتر ومضروب وحالتي يرثى لها
المهم اخذوني التوقيف حققو معي قلت مضيع قالو ندري بالسالفه ولا افهم بهذي الامور تحقيق او شيء
قلت دخلت بالغلط افكره بيت خويي
ويوم رحت التحقيق جلس يصرخ ومدري ايش انت تبغى تسرق قلت والله اقول بنت اهون
وبعدها احالوني للسجن العام واخوي وكل محامي لانه عارف حالتي وخلاه يدبر كل شيء
سألني القاضي حول دعوى المدعي العام قلت غير صحيحه قال والكلام قلت ماكنت اعرف وش اقول
عطاني اكتفاء مده وحولها للاستئناف قبل رمضان عشرين يوم قضيتها فقط ردوها الاستئناف بعد رمضان بأن الحكم غير كافي وهذا انتهك حرمة منزل بقصد خلوه غير شرعيه او هتك عرض
وحكمني اربع شهور قدم المحامي اعتراض وارفق تقرير من الصحه النفسيه وتقرير الضرب
ولها فترة تقريباً 5 شهور ماجات معاملتي
هل يشملني عقو رمضان لانها قبل؟
وهل في احتمال اطلع منها برائه ؟
وعلموني وش موقفي حتى الان

[عبدالله الدالي]

وعليكم السلام ورحمة الله وبركاته
يشملك العفو عن الحق العام
أما بالنسبة للحق الخاص لا
أما مسألة البراءة من عدمه تتوقف على الوقائع وهل اعترفت أم أنكرت وفوق كل ذلك تقدير القاضي
كان مفترض على محاميك أن يربط تقرير الصحة النفسية بالوقائع من بداية الدعوى
وأن يربط الوقائع بالخطأ الغير مقصود الذي تم ويركز عليه
وأفضل من يفيدك في موقفك هو محاميك باعتباره مطلع على كافة الوقائع

[سامي123]

وعليكم السلام ورحمة الله وبركاته
يشملك العفو عن الحق العام
أما بالنسبة للحق الخاص لا
أما مسألة البراءة من عدمه تتوقف على الوقائع وهل اعترفت أم أنكرت وفوق كل ذلك تقدير القاضي
كان مفترض على محاميك أن يربط تقرير الصحة النفسية بالوقائع من بداية الدعوى
وأن يربط الوقائع بالخطأ الغير مقصود الذي تم ويركز عليه
وأفضل من يفيدك في موقفك هو محاميك باعتباره مطلع على كافة الوقائع

هم مايبغو شي من الحق الخاص ولا احد طالب فيه مافي اي اضرار والقضيه متضاربه فيها الاقوال
انا الي ابغى اعرفه الحين خلاص شملني العفو بما انها قبل او راح يستدعوني ؟
لان المحامي اعترض وطلب*بعد*ماطلب
صوره من الصك ارفق فيها التقرير لان المستشفى ماطلعوه لنا بسرعه

[عبدالله الدالي]

ذكرت لك انه يشملك العفو في الحق العام
وطالما مر عليها خمس شهور كما ذكرت فربما يكون شملها العفو
ويفضل أن تذهب للمحكمة للسؤال عنها أو تسأل محاميك حتى يطمئن قلبك

[سعد الهوارى]

بالاضافة الى اضافة الاخ المستشار
لابد من التاكد من ملاحظات الاستئناف الاول حيث انه لو تم تعديل القيد والاوصف للجريمة وقيدت ضدك انتهاك حرمة منزل فلم يشملك العفو لانها من الجرائم الكبرى المنصوص عليها فى القرار الوزارى رقم 2000
تحيااتى

[سامي123]

بالاضافة الى اضافة الاخ المستشار
لابد من التاكد من ملاحظات الاستئناف الاول حيث انه لو تم تعديل القيد والاوصف للجريمة وقيدت ضدك انتهاك حرمة منزل فلم يشملك العفو لانها من الجرائم الكبرى المنصوص عليها فى القرار الوزارى رقم 2000
تحيااتى

لم يأتي ذكر العفو او لا يشمل في الملاحظات سوا انهم ذكرو ان الحكم قليل لانتهاكه حرمة منزل
هذا ماقاله القاضي اساساً القاضي قال اعترضو هو ماسجل اقوال المحامي واقوالي ابداً
انا مستغرب مشاها عطول