الفزعة يبغى يشتكي ويقول صكه اقدم من صكنا

[ساجد]

السلام عليكم ورحمة الله وبركاته
تكفون ساعدوني
لنا ارض ورثناها عن الوالد رحمه الله، والوالد قد اشتراها من رجال قبل اربعين سنة بصك شرعي من كتابة العدل ، وصك الرجال اللي شرى منه الوالد هو حجة استحكام لهذي الارض .
والارض في مدينة جدة في موقع طيب

وقمنا بتطويرها وعملنا عليها محلات تجارية
ولكن الحين نشب لنا رجال يقول هذي الارض لوالده المتوفي ، ومعاه صك شراء للارض من الدولة قبل صك حجة الاستحكام بعشرين سنة ، و وراني الصك ، ويقول ان الصك حقه ينطبق على ارضنا وان الامانة هي اللي حددت له الموقع
ويبي يشتكي علينا في المحكمة

وابغى الفزعة بشوركم سلمكم الله ، بالي مشغول من يومين و قلت قبل لا اوكل محامي تبغى افهم الهرجة و هل له حق فعلا ولا ان ما عنده سالفة
تكفون

[ابو محمد 2]

وعليكم السلام ورحمة الله وبركاته

= إذا البلدية أكدت ما يدعيه وحددت الارض فهذا يعني أن من باع على والدكم قد وضع يده على الارض واستخرج عليها حجة استحكام وهي من ضمن مخطط معتمد لديها. وفي هذه الحالة سيحكم لكم بالعودة على من باعكم أو على ورثته أما الارض فستسلم لصاحب الصك الاقدم الذي اشترى من الدولة في ذلك الوقت.
= النصيحة: حاولوا في الصلح الصلح خير إذا كان لوكيل الورثة صلاحية الصلح ولا يوجد قاصر من ضمن الورثة الذين وكلوه. والله أعلم وأحكم.

[ساجد]

حياك الله يا الغالي
ولكن قول غير هالكلام الله يبقيك
الكاع حنا متملكينها من اربعين سنة وينهم عنها كل هذا الوكت ، اللي ابغاه واللي يرحم والديك انت وكل من عنده خبرة ، تكفون ، لو في اي مخرج قانوني ، ممكن يساعدني برد دعواهم عشان اتوكل على الله و وكل محامي ، ث يا بو محمد اللي وصلني من بعض العارفين ان اقدر ادعي ان حجة الاستحكام تمت قبل صكه ، وكذا يكون صكه باطل ... صحيح هالكلام ولا كيف
وجزاكم الله كل خير
وانا لله وانا اليه راجعون

[المحامي زهير القرني]

السلام عليكم ورحمة الله وبركاته
الموضوع ليس واضح التفاصيل كاملة ولكن عليك الذهاب إلى أمانة جدة ومعرفة الخطأ إن وجد ولا بد من معرفته حالياً

[هيزع البركاتي]

القاعدة الشرعية المعتبرة ( ان العبرة بقدم التملك لا بقدم الصك ) فإذا أثبت أن تملككم أقدم بالبينة حكم لكم .