الله يسعدكم دنيا واخرة الفزعة فلوسي بتضيع الحقووووني تكفون

[سعيد الرفدي]

يالربع الله يسعدكم انا عندي شركة تقسيط وكان جنبنا مقيم كبير بالسن مع اهله في حارتنا من حنا بزران
الرجال طلبني دين 50 الف
واعطيته بضاعة مقابل مبلغ 75 الف واستمر يسددني سنة تقريبا ووصلني منه 15 الف
المهم الرجال له شهرين موقف سداد وكل يوم يقول الاسبوع هذا والي بعده

قبل يومين جاني خبر ان الجوازات مسكوه يشتغل عند محل مو على كفالتهم وانه في الترحيلات وبصموه على اساس بيترحل هاليومين
انا على طول للترحيل وقابلت الضابط وقال لي وش اسوي لك شايفني محكمة روح دبر نفسك

المهم الي سمعت انهم يرحلونهم كل يوم اثنين
وش السواة فلوسي بتروح يااخوان كيف يرحلون شخص واهله هنا ولايشوفون اذا مطلوب فلوس لناس والا غيره
انا الله جاب لي شخص علمني والا كان مادريت بالموضوع
والمقيم مبسوط بالترحيل لانه بيفتك من فلوسي وبتطيح براسي

المصيبة مااخذت كفيل عليه لثقتي فيه
وعندي عقد بيع وسند لامر بالمبلغ كامل ضده
وش اسوي كيف اوقفهم لايرحلونه لين يعطيني فلوسي ولمين اروح
عطوني الحل الله يحل همومكم

[سمير عبدربه احمد]

تحتاج تسوي تنفيذ الكتروني ثم تراجع قاضي التنفيذ وتشرح له وضع خصمك وانه سيتم ترحيله وهذا يعني خسارة اموالك
واطلب من القاضي مخاطبة ادارة الترحيل بشكل عاجل لايقاف الترحيل حتى النظر في موضوعك

[كشف القناع]

سند الامر يمنحك الحق فى التوجه الى محكمة التنفيذ مباشرة تقدم بطلب مستعجل بوقف ترحيل المدين حتي يتم الوفاء بالدين


ابو محمد مستشار قانوني