monaa
22-07-2018, 12:12 AM
السلام عليكم ورحمة الله وبركاته
ارجو منكم اخوتي مساعدتنا في مشكلتنا هذه لاننا ناس على باب الله ولاعندنا حتى فلوس نستشير محامي
الموضوع ,
احنا عائلة من جنسية عربية مقيمين في السعودية من اكثر من 25 سنة ومع الرسوم الجديدة والقرارات قرر والدي الكبير في السن يسوي لنا خروج نهائي لان راتبه ضعيف ولايقدر على الرسوم للمرافقين , راح والدي يسوي خروج نهائي من ابشر رفض وطلب تسديد مخالفات مرورية على والدتي , والدي انصدم وبحث برقم هوية امي وحصل مبلغ مخالفات 25 الف ريال واحنا ماعندنا اي سيارة اصلا حتى والدي معاه سيارة العمل وبأسم العمل , راح والدي وهو مصدوم للمرور وطلب برنت وقالوا له عندك سيارة بأسم زوجتك واعطوه بيانات وبرنت كامل عن السيارة , الصدمة السيارة المذكورة لنا 4 سنوات نشوفها مع اخي الاكبر وكان يقول انها لصاحبه والسيارة فخمة جدا وقيمتها نقدا 189 الف وتقسيط 214 الف ريال , بعد بحث ومراجعة لمعرض السيارة اكتشفنا الصدمة , السيارة مسجلة بأسم امي من قبل 4 سنوات رغم ان امي ماعمرها راحت معرض ولاوكالة ولاوقعت عقد ولاتعرف امي اصلا توقع لانها ماتعرف تقرأ وتكتب الا بشكل ضعيف لانها كبيرة بالسن , يمكن البعض بيقول لكم 4 سنوات وتنزل مخالفات ولاعرفتوا ؟ اي والله ماعرفنا الا الآن لان رسائل المخالفات ماتوصل الا لشخص عنده حساب ابشر ورقم في ابشر وامي تابع مع والدي في الاقامة ولالها ابشر , ايضا ماعمرنا سافرنا والا كان بنعرف لكن الان فكرنا نغادر وطلعت لنا المخالفات وكشفنا الموضوع , المهم الي فهمناه ان هالنوع من السيارات فخم ومايعطى اصلا لاي اجنبي بالتقسيط مهما كانت الضمانات , والسعودي مايقدر ياخذ هالنوع من السيارات الا بشرط يكون راتبه 13 الف واعلى , فكيف الشركة تصدر تقسيط لسيارة بأسم تابع لمقيم بدون اي ضمانات والتابع لايعمل حتى ؟
والدي مسك اخوي الكبير وحقق معاه وطلعت معنا هالمعلومات :
اخوي قبل اربع سنوات كان يعمل في شركة اتصالات وجاه موظف من جنسية عربية شغال في شركة السيارات الي فيها المشكلة وتعرف عليه وخدمه اخوي في شركة الاتصالات وتعرفوا على بعض وقام الموظف عرض على اخوي اذا يبغى سيارة من شركتهم ووافق اخوي ومر عليهم وشاف السيارات واختار افخم شئ والموظف قال له صعبة احطها بأسمك لانك عندك سيارتين بأسمك لكن هات لي اي شخص تثق فيه احط اسمه مفوض من طرفنا فيقول اخوي انا مالقيت افضل من امي ويقول اخوي كانت معي صورة اقامة امي في الجوال واعطيته وطلب مني مبلغ علشان يكمل لي الاجراءات من تحت لتحت ويقول اخوي عطيته 8000 ريال اتعابه وخلص لي الموضوع ,
اخوي استمر يسددهم 4 شهور وبعدها وقف لانه طلع من شركة الاتصالات والغريب طول 4 سنوات لاسحبوا سيارته ولاعمموا عنه ولااشتكوه
ابوي راح للشركة قال لهم كيف تستخدمون اسم زوجتي بدون علمها وهي لاحضرت ولاوقعت ولاوصلت لكم ؟ لكن للاسف الموظف الي من جنسية عربية الي مشى الامور لاخي اتضح انه مختفي او ترك العمل او غادر مانعرف المهم ماعاد له وجود بالشركة , والشركة تقول موضوعكم حولناه للمحامي في منطقة اخرى روحوا تفاهموا معاه ,
الشركة الان بعد مارحنا لهم قدموا سندات لامر قديمة عندهم بتوقيع اخوي للتنفيذ يطالبونه بمبلغ متأخرات حوالي 30 الف , قلنا لهم انتوا واخوي بحريقة المهم طلعوا امي من الموضوع والا بنشتكيكم , قال موظفهم خل اخوك يسدد الي عليه المتأخرات وننقل التفويض عليه ونطلع امكم من السالفة , وقال الموظف انتوا خايفين من ايش ؟ نشتكي الام ؟ ماراح نشتكيها احنا نشتكي اخوكم بس , احنا خوفنا ياناس يشتكون امي ولاسمح الله يسجنوها وهي حرمة مريضة كبيرة بالسن ولادخل لها بكل شئ حتى التواقيع زوروها عليها وماتعرف بموضوع السيارة ,
هل نشتكي الشركة في الشرطة او المحكمة ؟ واخوي ماعلينا فيه لو تورط معهم اهم شئ امي اما اخوي ان كانه زور معهم فيستحق مايصير له
اخوي جالس يقول لابوي لاتشتكي لان امي مالها دخل ولايقدروا يشتكوا عليها لانها فقط مفوض باستخدام السيارة علشان كذا تنزل المخالفات عليها , وجالس يقنعنا ان المفوض ماعليه اي التزامات ولادخل وانه هو المشتري الحقيقي والمفوض مايلحقه شئ فهل هالكلام صحيح ؟
عندنا صورة استمارة السيارة مكتوب فيها :
المالك : اسم شركة السيارات
اسم المستخدم : اسم والدتي
ارجوكم الي له خبرة يقول لي هل فعلا امي هي المحاسب على اقساط السيارة ؟ او بس هي مفوض وماتتحمل شئ ؟
المخالفات المرورية من يتحملها ؟
هل رايكم نقدم شكوى على الشركة لانهم رافضين يطلعونا على اي عقود او اوراق ويقولوا اذا بتتشتكوا روحوا اشتكوا ؟
الله يسعدكم الي له خبرة يوجهنا بالحل الافضل
ارجو منكم اخوتي مساعدتنا في مشكلتنا هذه لاننا ناس على باب الله ولاعندنا حتى فلوس نستشير محامي
الموضوع ,
احنا عائلة من جنسية عربية مقيمين في السعودية من اكثر من 25 سنة ومع الرسوم الجديدة والقرارات قرر والدي الكبير في السن يسوي لنا خروج نهائي لان راتبه ضعيف ولايقدر على الرسوم للمرافقين , راح والدي يسوي خروج نهائي من ابشر رفض وطلب تسديد مخالفات مرورية على والدتي , والدي انصدم وبحث برقم هوية امي وحصل مبلغ مخالفات 25 الف ريال واحنا ماعندنا اي سيارة اصلا حتى والدي معاه سيارة العمل وبأسم العمل , راح والدي وهو مصدوم للمرور وطلب برنت وقالوا له عندك سيارة بأسم زوجتك واعطوه بيانات وبرنت كامل عن السيارة , الصدمة السيارة المذكورة لنا 4 سنوات نشوفها مع اخي الاكبر وكان يقول انها لصاحبه والسيارة فخمة جدا وقيمتها نقدا 189 الف وتقسيط 214 الف ريال , بعد بحث ومراجعة لمعرض السيارة اكتشفنا الصدمة , السيارة مسجلة بأسم امي من قبل 4 سنوات رغم ان امي ماعمرها راحت معرض ولاوكالة ولاوقعت عقد ولاتعرف امي اصلا توقع لانها ماتعرف تقرأ وتكتب الا بشكل ضعيف لانها كبيرة بالسن , يمكن البعض بيقول لكم 4 سنوات وتنزل مخالفات ولاعرفتوا ؟ اي والله ماعرفنا الا الآن لان رسائل المخالفات ماتوصل الا لشخص عنده حساب ابشر ورقم في ابشر وامي تابع مع والدي في الاقامة ولالها ابشر , ايضا ماعمرنا سافرنا والا كان بنعرف لكن الان فكرنا نغادر وطلعت لنا المخالفات وكشفنا الموضوع , المهم الي فهمناه ان هالنوع من السيارات فخم ومايعطى اصلا لاي اجنبي بالتقسيط مهما كانت الضمانات , والسعودي مايقدر ياخذ هالنوع من السيارات الا بشرط يكون راتبه 13 الف واعلى , فكيف الشركة تصدر تقسيط لسيارة بأسم تابع لمقيم بدون اي ضمانات والتابع لايعمل حتى ؟
والدي مسك اخوي الكبير وحقق معاه وطلعت معنا هالمعلومات :
اخوي قبل اربع سنوات كان يعمل في شركة اتصالات وجاه موظف من جنسية عربية شغال في شركة السيارات الي فيها المشكلة وتعرف عليه وخدمه اخوي في شركة الاتصالات وتعرفوا على بعض وقام الموظف عرض على اخوي اذا يبغى سيارة من شركتهم ووافق اخوي ومر عليهم وشاف السيارات واختار افخم شئ والموظف قال له صعبة احطها بأسمك لانك عندك سيارتين بأسمك لكن هات لي اي شخص تثق فيه احط اسمه مفوض من طرفنا فيقول اخوي انا مالقيت افضل من امي ويقول اخوي كانت معي صورة اقامة امي في الجوال واعطيته وطلب مني مبلغ علشان يكمل لي الاجراءات من تحت لتحت ويقول اخوي عطيته 8000 ريال اتعابه وخلص لي الموضوع ,
اخوي استمر يسددهم 4 شهور وبعدها وقف لانه طلع من شركة الاتصالات والغريب طول 4 سنوات لاسحبوا سيارته ولاعمموا عنه ولااشتكوه
ابوي راح للشركة قال لهم كيف تستخدمون اسم زوجتي بدون علمها وهي لاحضرت ولاوقعت ولاوصلت لكم ؟ لكن للاسف الموظف الي من جنسية عربية الي مشى الامور لاخي اتضح انه مختفي او ترك العمل او غادر مانعرف المهم ماعاد له وجود بالشركة , والشركة تقول موضوعكم حولناه للمحامي في منطقة اخرى روحوا تفاهموا معاه ,
الشركة الان بعد مارحنا لهم قدموا سندات لامر قديمة عندهم بتوقيع اخوي للتنفيذ يطالبونه بمبلغ متأخرات حوالي 30 الف , قلنا لهم انتوا واخوي بحريقة المهم طلعوا امي من الموضوع والا بنشتكيكم , قال موظفهم خل اخوك يسدد الي عليه المتأخرات وننقل التفويض عليه ونطلع امكم من السالفة , وقال الموظف انتوا خايفين من ايش ؟ نشتكي الام ؟ ماراح نشتكيها احنا نشتكي اخوكم بس , احنا خوفنا ياناس يشتكون امي ولاسمح الله يسجنوها وهي حرمة مريضة كبيرة بالسن ولادخل لها بكل شئ حتى التواقيع زوروها عليها وماتعرف بموضوع السيارة ,
هل نشتكي الشركة في الشرطة او المحكمة ؟ واخوي ماعلينا فيه لو تورط معهم اهم شئ امي اما اخوي ان كانه زور معهم فيستحق مايصير له
اخوي جالس يقول لابوي لاتشتكي لان امي مالها دخل ولايقدروا يشتكوا عليها لانها فقط مفوض باستخدام السيارة علشان كذا تنزل المخالفات عليها , وجالس يقنعنا ان المفوض ماعليه اي التزامات ولادخل وانه هو المشتري الحقيقي والمفوض مايلحقه شئ فهل هالكلام صحيح ؟
عندنا صورة استمارة السيارة مكتوب فيها :
المالك : اسم شركة السيارات
اسم المستخدم : اسم والدتي
ارجوكم الي له خبرة يقول لي هل فعلا امي هي المحاسب على اقساط السيارة ؟ او بس هي مفوض وماتتحمل شئ ؟
المخالفات المرورية من يتحملها ؟
هل رايكم نقدم شكوى على الشركة لانهم رافضين يطلعونا على اي عقود او اوراق ويقولوا اذا بتتشتكوا روحوا اشتكوا ؟
الله يسعدكم الي له خبرة يوجهنا بالحل الافضل