تورطت مع متدرب عند محامي

[ابن عمران]

السلام عليكم
اخوي موقوف في قضية تهمة خيانة امانة من العمل في الشركة الي هو فيها مكيدة وتحايل من مدير الشركة
ورحت ادور محامي يساعدنا بالقضية وطحت بواحد يقول انا محامي وابطلعه واخلص له الامور
وجاب لنا عقد نوقعه من نسختين وطلب مبلغ 60 الف 20 مقدم و40 لاحقا
عند ماجينا نوقع العقد لقيته شطب اسم الطرف الاول المحامي وكتب تحتها المتدرب
قلت له وش متدرب مو انت محامي؟ قال الا بس نكتب كذا علشان ماعندي مكتب حاليا
اخذته بصدق كلامه وسوينا له وكالة ووقعنا العقد
المهم اخوي له ستة شهور بالسجن وهذا المحامي مايسوي شئ بس حضر جلستين ولااستفدنا منه شئ ولايفهم شئ
واخوي بمدينة والمحكمة الي يودونه لها بمدينة ثانية
طلبنا من هالمحامي يقول للشيخ يطلعه بالكفالة الغرامية وراح يكلم الشيخ شفهيا ورفض قلنا له كيف محامي وتكلمه شفهيا اكتب له خطاب ووضح فيها الوضع والاشكاليات ويقول مايحتاج
الحين اخوي جلستين للاسف فاتت والسجن ماودوه ولا الاخ المحامي حضر او راح للشيخ يقول له ليش ماتحضرون موكلي
وكلمته قبل يومين يقول انا مشغول متى مافضيت امر عليهم

اليوم بكل بجاحة دق يقول ابي باقي الاتعاب 40
قلت له انت نصاب وابشتكيك
رايكم كيف اشتكيه لان واضح انه يبغى فلوس ونصب علينا ولايفهم شئ في المحاماة والدفاع
وفي البداية عرف نفسه انه محامي واخرتها طلع متدرب
ولااستفدنا منه بالقضية ولاحتى ربع كلمة او فايدة
وش الحل الله يسهل لكم

[ابو محمد 2]

= ممكن تطرح صيغة العقد هنا بدون اسماء فقط عبارة الوكيل والموكل محل الطرف الاول والطرف الثاني لنطلع على الصيغة والشروط لنرى كيف نساعدك .

[م.فيصل الحسين]

وعليكم السلام ورحمة الله وبركاته
ارفق لنا العقد الي تم مابينكم . ضرروي

[محمد دره]

اخي الكريم
وعليكم السلام ورحمه الله وبركاته
الأفصل أن ترسل صيغة العقد المبرم بينكما بعد حذف الاسماء والبيانات كما تفضل الأساتذة الزملاء ( كي نتمكن من إسداء المشورة الصحيحة والسليمة وبشكل دقيق بعد قراءة بنود العقد ) أو في حال تعذر ذلك فبإمكانك أن تقوم برفع دعوى ضد هذا المحامي أمام المحكمة ناظرة تلك الدعوى -وفقاً للنظام- وتطلب فيها رد المحامي للمبلغ المدعى به
وفقك الله لما يحبه ويرضاه

[ابوياسر٤٠٠]

اشتكة باداره المحاماه وزاره العدل ممنوع عليه يستلم قضايا مباشره الا عن طريق مكتب اذا كان متدرب