اتمنى احد يجاوبني جزاكم الله خير

[Um mohmmed]

السلام عليكم ورحمه الله
اخواني محتاجه استشاره من ذوي الخبره جزاكم الله خير الجزاء قصتي طويييله ولا يعلم بحالي الا رب العالمين
لكن بكتب رؤس اقلام وبختصرها
متزوجه من خمس سنوات وعندي طفلين ثلاث سنوات وسنتين بنت وولد
زوجي عاطل عن العمل لكن عنده عقد سعوده لكن والله طول هذي السنوات من الزواج لا أعطاني نفقه الا اول شهر زواج ولما شفته تعبان بسبب الديون ما قلت له مره ثانيه قلت اذا هو عطاني من نفسه خير وبركه لكن ما طالبته لفظيا علشان ما أضيق عليه
طبعا انا موظفه الشقه باسمي رفضوا يسوون العقد باسمه لانه بدون وظيفه المصاريف من الإنترنت إلى مصاريف الأطفال انا ادفعها
ثانيا زوجي مدمن على الحشيش والكبتاجون يشتريهم من حساب المواطن وراتب السعودي
سيارتي اللي طلعتها من البنك وادفع أقساطها. صارت بيننا مشكله واخذها غصب وأعطاها اخوه ورفض أني احتفظ فيها اذا هو ما ليسوقها
العيال صار بكل لحظه يهددني أنه بياخذهم
اهلي صار يعمل معاهم مشاكل اذا طلبت منهم يتفاهمون معاه ويمنعني منهم ويصيرون أعداءه
المخالفات على اسمي بسببه فوق ١٣ الف وأنا ما سقت السياره اصلا

هذي بس الخلاصه
الحين انا ما اقدر اشتكي عليه وهو معاي بالبيت ومستحيل بيطلع اصلا الا بمشاكل وأنا اخاف على اخواني منه وعلى نفسي واخاف يأخذ عيالي
كيف اطلعه من البيت متوهقه قسم بالله
وأنا اخلف منه لانه اذا فقد أعصابه عادي يمكن يذبح اللي قدامه*
وعيالي اخاف انه يأخذهم مني ويحرمني منهم
بس هذا اللي انا افكر فيه
أتمنى احد يعطيني معلومه تفيدني

[Um mohmmed]

طبعا ممكن البعض يقول طلعي انتي بيت اهلك انا أبوي في مدينه ولا اعرفه الا بالأربع او خمس سنوات مره واخواني متزوجين والشقه هذي كنا ساكنين فيها من على حياه امي الله يرحمها لما عرسنا هو بس جاب ملابسه فقط. ولا ابي اطلع وأخلي اغراضي عادي عنده يجيب دينا ويبيع اللي بالبيت حساد

[courteousm]

انا مو محامي و راح اترك المستشارين اللي هنا يجاوبونك بطريقة قانونية .. لكن لما قرأت قضيتك شفت ان لها حل عن طريق المحاكم و راح ينحكم لصالحك و اولادك بكل أريحية بسبب التعاطي .. لكن انتي خايفة منه لأنه لا يؤمن شره لأن المتعاطي ممكن يسوي أي شي

نقطة ثانية .. بالنسبة للسيارة ترى هذي غلطة كبيرة منك يعني لو اخوه داعمله احد ترى انتي اللي بتكوني مسؤولة و راح يورطك .. و بما ان زوجك متعاطي مخدرات فإحتمال ان اخوه كذلك متعاطي والله اعلم لذلك اذا لقوا معاه شي في السيارة من هذي البلاوي او خمر راح يجيبون رجلك معاهم و ما راح يخافوا الله فيكي و لا راح يقولون اهي مالها دخل بل على العكس راح يقولون السيارة سيارتها و هذي اغراضها و استعرنا السيارة ليوم واحد و محنا داريين ايش فيها .. راح تتورطي في قضايا كبيرة لذلك نصيحة لك تخلصي فورا من السيارة ببيعها او بأي شكل او اسحبيها و لا عاد تخليها بإسمك او رجعيها لنفسك و قبل ما تستلميها منها فتشيها زين و اتأكدي انها نظيفة من اي بلاوي .

و نصيحة أخيرة للأهل .. لا تورطون بناتكم و تزوجونهم لناس ما تعرفون ايش وراهم و بالاخير يطلع حشاش و سكرجي و ترمون بنتكم و تضحون فيها

[ابو محمد 2]

وعليكم السلام ورحمة الله وبركاته
= اتصلي عل الرقم المجاني لتلقي الاتصالات حول العنف المنزلي في كافة أنحاء المملكة:8001245005 أو 1919

حددت وزارة الشئون الاجتماعية أرقام الهواتف وأرقام الفاكس التي يمكن من خلالها تلقي البلاغات عن الحالات التي تتعرض للايذاء والعنف الأسري في مختلف مناطق المملكة

وأوضح مدير عام الادارة العامة للحماية الاجتماعية الدكتور محمد بن عبدالله الحربي أن تعليمات وكيل الوزارة للرعاية والتنمية الاجتماعية عوض بن بنيه الردادي اقتضت تخصيص تلك الارقام للجان الحماية الاجتماعية المنتشرة في مناطق المملكة الثلاث عشرة ليتم من خلالها تلقي البلاغات والتعامل مع حوادث الايذاء والعنف الأسري بالسرعة والسرية المطلوبة حرصا من الادارة ولجانها في المناطق على تقديم افضل الخدمات الرعائية للفئات التي تكون عرضة للاذى والعنف الأسري والتي غالبا ما تكون في النساء والاطفال والمسنين والمعوقين والعمالة على هاتف حماية الاسرة وسوف يتعاملون مع وضعكم بسرية تامة.

[ابو محمد 2]

= إذا صحيح ما تقولون بأنه متعاطي لحبوب الكبتاجون فهو خطر عليكم وعلى أهله خاصة إذا مضى على تعاطيه عدة سنوات فلا أمل فيه. آخر مراحل إدمانه ستكون الفصام والتهيئات نسأل الله السلامة.

[م.فيصل الحسين]

وعليكم السلام ورحمة الله وبركاته
حياك الله اخت ام محمد
اهم عمل لابد القيام بهي سحب المركبة من الشخص اذا لم ينفع اطلب منة تفويض المركبة على اسمه لتفادي المخالفات المرورية القادمه. وتحملة لمسولية السيارة .

[ابو محمد 2]

أخي فيصل رعاك الله كلامك صحيح لكن في حال ابلغت حماية الاسرة بوضعها سيحمونها من ردت فعله في حال الغت التفويض وأي إجراءات أخرى ستكون بتوجيه منهم. فأرى أن الخطوة الاولى هي أن تحمي نفسها واطفالها منه لكونه غير سوي.

[Um mohmmed]

جزاكم الله خير على ردودكم كلكم
مثل ما قلتوا اخوه عنده سوابق وقد انسجن بالترويج لكن انا متوهقه انا متمشكله مع هذا الإنسان وعايشه ضغط نفسي لا يعلم فيه الا الله اكثر من الجسدي هو يعرف لو يمد يده علي او يأذينا ما راح يسكتون اهلي المتضرر جسديا عيالي اكثر مني ولو تكلمت اكلني بقشوري ان هم عياله وهو حر فيهم وأنا عندي صور لوجه ولدي بعد ضربه
ولما طالبته انه يرد السياره او ينقلونها باسمهم تكلم كثير ولا أخذت منه لا حق ولا باطل وكان مره فاقد أعصابه بسبب هالموضوع

الحين كيف اقدر اطلعه من البيت يعني لازم اخلي المضاربه تقوم بين اخواني وبينه ؟! ثانيا هو قالها لي لو فكرتي تبعدني عن أولادي والله لا انحركم كلكم وما اقدر اضمن انه مجرد كلام اخاف يسويها
ثانيا لو انا بلغت المرور ان السياره مسحوبة مني غصب يفيدني هذا الشي لو صار ش ي لا قدر الله وأخوه اتمسك فيها ؟!
وبالنسبة للعنف انا قد انضربت مره وحده بس ورحت المستشفى وأخذت تقرير طبي فقط ما رفعته لشرطه ولا بغيت اكبر الموضوع لأني انا اشتغل هناك وصار عندي كسر بالأنف بس ما تابعت الموضوع لانه فشله زوجي ضاربني ما بغيت الموضوع ينتشر هل التقرير هذا يفيدني مع أني ما رفعته كبلاغ واقعه عنف

[Um mohmmed]

التقرير مكتوب فيه ان زوجي ضاربني بس ما سلمته لشرطه

[Um mohmmed]

صورت بعد مكانه والحشيش والحبوب بس المشروب كان بقارورة. مويه صحه ما بستفيد منها

[ايمان..]

الله يفرج همك .. لكن كيف عايشه مع شخص مدمن !!! بلغي عنه هيئه مكافحة المخدرات واذا انسجن ارفعي قضية طلب طلاق وقضيه ثانيه طالبي بالحضانه والنفقه واجرة سكن

[احمد الحربي g]

ليش تسكتي بلغي اهلك وعزوتك بالموضوع وبالاخير راح يعرفو اهلك ..لاتخافي مايموت ناقص عمر ..هاذي عيشه مذله انقذي نفسك من هاذا الشخص اذا مافيه صلاح ..روح بيت اهلك وسيبي البيت لاكن بعد بلاغ زي ماقال الاخ ابومحمد ...وبعدها روحي عند اهلك لحد ماتنتهي مشكلتك وعسى الله يكونك بعون والبد ماهي مفلوته ..