ارجو من ذوي الخبره المرور على موضوعي للأهميه

[خالد الشهري 507]

بسم الله والصلاة والسلام على رسول الله

لدي تمويل عقاري من احدى البنوك التجاريه متضامن فيه انا واخوي من عام 2015 تقريبا واستمرينا في السداد مايقارب 25 شهر وبعد كذا حصل لأخوي قضيه وفصل من عمله ومن هذك الوقت تقريبا سنه وتسعه اشهر لم يسدد ريال واحد للبنك لان كان القسط كامل يسحب من اخوي المستقيل من عمله


سوف اكمل في التعليق القادم

[خالد الشهري 507]

وانا لا استطيع سداد القسط لان القسط اعلا من راتبي وانتظر البنك يحل الموضوع من عندهم ولاكن اللي حصل ان بعد مرور اربعه اشهر تقريبا من الانقطاع عن السداد ذهبو الى محكمة التنفيذ واوقفو خدمات اخوي بكامل المبلغ اللي هو مليونين واربعمائه وسبعه وثمانون الف ريال وبعد ان اوقفو الخدمات لم يتواصلو معي او مع اخوي ابدا قمت انا وراجعتهم قالو جب اثبات ان اخوك مستقيل من عمله جبت لهم الاثبات وطلبت اعادة جدولة المبالغ وتحويل العقد بأسمي انا كوني المتضامن معه وحسب ماقالو الموظفين لي انه يحق لك ان تحول العقد بأسمك وتكمل وسويت الطلب وتفاجأت برفض البنك الا بدفع دفعه مقدمه تقارب من ال 500 الف ريال وبعدها اكمل اقساط ويوجد دفعه اخيره كمان رفضت لان ماعندي دفعه قالو خلاص بنبيع العقار بالمزاد وعليك دفع الفرق اذا فيه فرق للبنك رفضت وخليتهم وناوي اتقدم بشكوى على البنك لان يوجد عندي ملاحظات كثيره عليهم بداية العقد الملاحظات كالاتي
اول مارحت البنك كان عندي التزامات كثيره انا واخوي وقالو لازم تسدد القروض اللي عليكم كلها عشان تاخذ تمويل عقاري قلت ماعندي قالو مو مشكله كم قروضكم قلت لهم قالو خلاص رح دور عقار بحدود مليون و100 الف وحنا بنرفع لك التمويل عن طريق المقيمين اللي بيطلعون يقيمون العقار الى مليون وستميه الف قلت مافيها اي مشكله قالو لا ذي دايم نسويها وعادي فعلا رحت ودورت شركة تسدد عني القروض وعطوني مهله الى ان يطلع التمويل وياخذون حقهم وفعلا طلعو المقيمين وشافو العقار ووافقو على التمويل ان يكون مليون وستميه وطلع الشيك اخذ صاحب العقار مليون ومية والباقي اعطيته الشركة وكانو موظفين البنك حريصين ويتواصلون معي بشكل يومي
والملاحظه الثانيه من بنود العقد في حال تعثر العميل لمدة اربعه اشهر يحق للبنك بيع العقار والان متعثر لي سنه وتسعه اشهر لم يحركو ساكن الا بذهابهم الى محكمة التنفيذ ولم يحلو وضعي ابد

[خالد الشهري 507]

والملاحظه الثالثه في وقت توقيع العقد مع البنك لم اكن موجود بالرياض كنت مسافر واتصلو علي من الفرع وقالو عقودك جاهزه تعال للتوقيع قلت انا مسافر ولايوجد الا اخوي بالرياض قالو خلاص خله يجي وراح لهم وقام بالتوقيع عن نفسه ومشى والموظف قام بالتوقيع عني بنفس التوقيع الموجود عنده بالنظام واتصل بي وقالي خلاص الامور مشت عشانك بس والا لو غيرك ماكان ساعدته وانا اعرف لم يقوم بالتوقيع ورفع المبلغ والحركات هذي كلها لسواد عيوني كلها عشان يجيه مكافئه من البنك اللي يسمونها بونص
وهذي كل الملاحظات ارجو افادتي اين اتجه وكيف اقوم بتقديم الدعوى وهل من صالحي اذكر هذه الملاحظات ام لا واشكر كل من تفاعل مع موضوعي وفق الله الجميع لما يحب ويرضى

[العقل المدبر]

تقدم بدعوى لدى للجنة الفصل في المنازعات التمويلية في موسسة النقد غالبا ستحاول حل الموضوع وقد تلزم البنك بقبول تحويل العقد عليك

[خالد الشهري 507]

يعطيك العافيه

[خالد الشهري 507]

الاخوه الاعزاء المستشارين والمحامين هل هذه الملاحظات تخدم دعواي وهل يلحقني ضرر منها ارجو الافاده لان والله الموضوع هذا متعبني كثير

[خالد الشهري 507]

ياخوان ارجو الافاده !!

[خالد الشهري 507]

استغفر الله