مشورتكم في مماطل

[ابو غنى]

السلام عليكم
عندي شخص اخذ مني مبلغ 30 الف ريال واتفقت معه انه يدفع 1500 شهريا الين ينتهي المبلغ وكتبت عليه سند لامر وشيك مؤجل بعد سنة
الرجل سدد اول شهر ومن بعدها معد حول. ويتجاهلني يقرا رسايلي ولا يرد ولا يرد على اتصالاتي. واحيانا يرسل كلام استفزازي مثل تراك اشغلتنا. بعدها عرضت عليه وقلت له سدد 750 نص اللي اتفقنا عليه
الحين صار له 4 شهور ما سدد والحين ارسلت له ترا بقدم السند لامر لمحكمة التنفيذ رد بكل برود "الصرافات تسحب والاحوال تنفذ". الاستفزاز بلحاله يؤذيني غير المبلغ اللي مارده. والصبر بدا يقل. وش اسوي الله يخليكم انيروني
انا صرت اترجاه يحول اي شي والرجل سافهني. والقهر عمره فوق الاربعين وراتبه فوق العشرين.

[العجمي]

قدم السند عليه في محكمة التنفيذ

[ابو غنى]

أنا شايل هم ان الرجل متبلد فعلا وغير مهتم
واخاف إذا قدمت السند يستمر في حاله ولا يسدد ولا يكون قدره لي وقتها أني اقدم الشيك
وغير كذا يعلم الله أني حتى لسند مالابي أقدمه لان ابي يسدد ما ابي يتضرر

[المحامي أبو سعد]

ليس أمامك إلا أن ترفع السند لأمر .. سوف توقف خدماته المصرفية وتوكيلاته المالية والمنع من السفر فقط يعني راتبه بيرجع للطريقة البدائية ويمسك اسرا عشان يستلم راتبه كل شهر .. صحيح أنها ليست موجعة مرة خصوصاً مع المتبلد إحساسهم والمتعودين على المماطلة وعدم الوفاء للناس .. لكن هذا النظام الجديد .. ومع ذلك أنا أوصيك أن تحاول معرفة عدد الذين يطالبونه عند قضاء التنفيذ فإذا تبين لك أنهم خمسة أو أكثر ارفع السند واطلب عقوبة الحبس .. لو تم ذلك سوف يسدد لك المبلغ بإذن الله لأن أكثر الناس ما ينفع فيه إلا الحبس إلا إذا كان معسر أما الشيك فما أنصحك به لأنك أنت وإياه مخالفين النظام ومعرضين أنفسكم للعقوبة النظامية وهي قاسية وذلك كونك أخذت شيك ليس له رصيد حالياً .. وفقك الله ويسر لك استرداد حقك

[ابو غنى]

الله يجزاك خير
انا نويت بصبر عليه الين ذي الحجة
اذا ما تغير بقدم السند