القاضي خالف تعليمات التنفيذ

[رحيل 99]

انا بيني وبين شخص اتفاق قديم يبيعني سيارة بمبلغ 12 الف سيارة قديمة
واعطاني استعملها واخذ سند لامر يضمن حقه
السيارة لقيت واحد اشتراها بمبلغ 10 الاف ووقتها خصمي راعي السيارة حضر المبايعة لانه هو المالك وشافني بعتها بـ 10 الاف
المهم هالكلام من سنتين ووقتها اعطيت المالك 4 الاف وقلت له الباقي 8 الاف بعدين

الرجال وقتها قدم ضدي شكوى بعد سنة وكتب في السند مبلغ 40 الف رغم باقي له 8 الاف بس
المشكلة والصدمة القاضي القديم فقط حط ايقاف خدمات لي

قبل اسبوع القاضي الجديد حط امر قبض وسجن ضدي
طيب مو يقولون الامر الجديد مافيه حبس الا فوق مليون ليش طيب هالقاضي طلع امر حبس ضدي ؟
وكيف الحين اشتكي هالنصاب بهالمبلغ الي حطه من راسه ؟ اخاف اروح المحكمة يمسكوني والا الخصم يبلغ البحث اني ابحضر الجلسة

[ابو محمد 2]

= مشكلتك تكمن في عدم مراجعتك محكمة التنفيذ عندما أوقفت خدماتك , ثم تجاهلت الموضوع حتى صدر ضدك منع سفر وحسابك البنكي ايضا لم تراجع , ولكن كيف تثبت لقاضي التنفيذ صحة كلامك أن ماله الا 8 الاف.
الحل: تدبر فلوسه وترسله من ترى فيه السداد واللباقة ليطلب مقابلته أي خصمك ويتفاهم معه على أنه سيسدده ويتنازل لدى الدائرة المنفذة بمحكمة التنفيذ.

[سمير عبدربه احمد]

بالاضافة الى توجيه مستشارنا ابو محمد
تستطيع التقدم لدى قاضي الموضوع في المحكمة العامة بدعوى طلب استرداد مستند واطلب فيها ان يثبت خصمك قيمة المبلغ الموجود بالسند

واتوقع ان صدور امر حبس يعود الى ان قضيتك قديمة قبل النظام الجديد