اكثر من 30 قضيه !!!

[المتوكل بالله]

السلام عليكم ورحمة الله وبركاته
يا اخوان صدر لي حكم مصدق بمبلغ 134 الف بعد معاناة 4 سنوات في المحكمة العامه ولما جيت للتنفيذ قلت فرجت
قدمت كل شي علي بوابة ناجز وطبق القرار 34 والقرار 36 وطلع الشخص اصلا متوقفه خدماته من غيري
تواصلت مع خصمي وحاولت اصلح معه وانه يقسم المبلغ بالاقساط المريحه ولكنه يماطل ويقول ماعنده ولا ريال
استفسرت من محكمة التنفيذ وطلع عليه اكثر من 30 دعوى مسجله في النظام
اول ما اكلم القاضي او الدائره نفسها انهم يعطوني امر قبض كأني اطلبهم امر قصاص وقتل له يرفضون رفض قاطع
ايش الحل تكفون والله ان حقي راح وشغلي واقف وانا نفسي مطلوب فلوس لناس وبسددها
هل يحق للقاضي انه مايسجن مع العلم بان الدعاوى اكثر من المحددة نظاما بست مرات ؟؟؟
هل اقدم له معروض لانه الله يجزاه خير مايعطيك فرصه للكلام ولو بحرف كل الي يرد عليه تابع الموقع وبس
والا تشوفون اوكل محامي يتابع الموضوع بس في هالحاله اتعابه اقدر اطالب بها بعدين ؟
وشكرا لكم

[ابو محمد 2]

وعليكم السلام ورحمة الله وبركاته
تقدم على القاضي بخطاب وافهمه بأن عليه مطالبات تسمح نظاماً بسجنه.

[راضي شميل]

30 قضية !!!!!!!!
الله يخارجنا
والمساكين في السجن بعضهم والله عليه 80 الف


الحين انا بفهم الي يقولون لازم يصيرو خمسة يطلبوه هل قصدهم 5 في نفس المحكمة والا في نفس الدايرة والا في كل المحاكم حق التنفيذ؟
لاني جيت بشكي لي رجال قال لي الكاتب لازم يشكونه فوق 5 يعني السادس يطلع له امر حبس وقال لازم تكون بنفس الدايرة القضايا كلها معقولة هالكلام!!!

[المتوكل بالله]

السلام عليكم
رحت اليوم للقاضي ومعي استدعاء كذكور فيه انه امتنع عن السداد ولديه مطالبات اكثر من خمس والقاضي بنفسه تاكد من المطالبات وطلعت 19 مطالبه
ورفض يعطيني امر قبض
يقول بعد الحج ندرس واصلا مانعطي امر حبس الا لعد مرور سنه
يعني سنه كامله من عمرك تروح وحقك معلق ولاتستفيد منه وعااادي جدا
على الدنيا السلام يامحاكم التنفيذ

[سمير عبدربه احمد]

خطأ مافعله القاضي معك
طالما ثبت وجود اكثر من 5 مطالبات فالنظام يوجب وجوبا اصدار امر الحبس
وهذا ايضا لايعني انه اذا كانت المطالبات اقل او المبلغ اقل من مليون انه لايتم الحبس .. لا هذا خطأ ومفهوم خاطئ
النظام جاء ليحمي وليس ليساعد على الاحتيال
فالنظام يقول الحبس لمن عليه اكثر من 5 مطالبات او مبلغ فوق المليون وهنا المقصود ان هذه الحالات تجعل امر الحبس واجب تماما
اما اذا كانت اقل فهذا يعود لما يراه القاضي ويحق له اصدار امر حبس حتى لو كانت قضية واحدة ودون النظر الى المبلغ