كيف اقدر اخذ حقي ؟

[ابو عيسى]

فيه رجال بيني وبين اخوه خلافات في محكمة التنفيذ على شيكات وحسابات بيننا في مشروع والقضية ماانتهت
هذا الرجال جاء قبل اسبوع لبيتنا وانا ماكنت موجود واستقبله اخوي وقلطه في المجلس
ودخل الرجال المجلس وبدا يرفع صوته بدون احترام ويقول لاخوي وين اخوك الحرامي خله يطلع هذا السروق
هالكلام قاله قدام اثنين من انسباي ازواج خواتي واخوي الكبير

انا ابغى اشتكي هالرجال بسبب هالكلام
وش سرقت منه يوم يتهمني اني حرامي وسروق قدام الرجال |؟
بس هو شاف الموضوع في التنفيذ انقلب على اخوه الي اكل حقي وجاء يهايط ويرفع صوته

الله يسلمكم هل يحق لي ارفع دعوا عليه بكلامه واتهامه اني حرامي وسروق
وهل شهادة ازواج خواتي وعددهم اثنين مع اخوي تنفع لانهم حاضرين وقتها
وايش ممكن يعاقبه الشيخ لو ثبتت عليه التهمة
لاعدمناكم