اتهمني بالباطل وابغى يتعاقب

[ناصر سعد]

كنت راكب في سيارة مع واحد من الجماعة ومعنا واحد من عيال الحارة
دخلنا في نقاش عادي حول امور طبيعية ولافيها اي اساءات او غيره
المهم وصلوني عند بيتي وجيت بنزل الا والشخص الي من جماعتي قال بالحرف : انزل الله يستر عليك انت رجال متعود على الرشاوي تعطي الشرطة والمحاكم رشاوي وتطلع ولد عمك الي عليه شكاوى حقوقية
قلت له : تتهمني اني مرتشي واعطي الشرطة والمحكمة رشاوي ؟
قال : نعم اتهمك
قلت له : انا بكرة في المحكمة الجزائية برفع دعوى ضدك
قال : روح اشتكني لو انك رجال وراس مالك ابعطيك 200 ريال وتتنازل
طبعا الشخص الي كان راكب معنا محترم وحاول ينهي هالسالفة وانا قلت له تراك يافلان شاهد على الي صار لان هالشخص في المحكمة بينكر وممكن يحلف


بعد مرور يوم قابلت الشاهد الي كان موجود معنا بالسيارة ووافق يجي معي للمحكمة يشهد على اتهام خصمي لي اني ادفع رشاوي وامشي بالرشاوي واتهم جهات حكومية اني اعطيها رشوة

سؤالي :
1- انا مااعرف هوية الي اتهمني وماقدرت اسوي طلب الكتروني فكيف اجيب هويته مع ان معي اسمه رباعي ورقم جواله
2- الشاهد وافق يحضر يشهد معي على الي حصل فهل بتقبل المحكمة بشاهد واحد لان فقط كنا ثلاثة وقت الحادثة
3- لو الشاهد مستقبلا رفض الحضور للشهادة وانا عندي اثنين شهود اليوم سمعوا الشاهد وهو يقول انه فعلا يشهد ان فلان اتهمني بالرشوة
4- هل المحكمة المختصة الجزائية او الشرطة ؟ لان الشرطة رحت لهم قالوا روح للمحكمة مباشرة
5- ايش ممكن تكون عقوبة اتهامه اذا ماقدر اثباته