هل انا ملزوم احضر الجلسة؟؟

[ابا ماجد]

السلام عليكم
اخوي مسجون في قضية دين في جدة
كان فيه خصم مشتكيه في محكمة المدينة بحكم انها سكن اخوي الاصلي واخوي اتصل قال لي احضر الجلسة بوكالتك وخبر الشيخ اني مسجون في مدينة ثانية
انا حضرت الجلسة وقلت للشيخ اخوي مسجون في جدة والنظام يقول المفروض القضايا او الدعاوي الحقوقية تلحق السجين لمكان سجنه
قال الشيخ لا انا بخاطب الشرطة وبنشوف متى انسجن اخوك في جدة اذا كان قبل تاريخ الدعوى خلاص بحول القضية لجدة او الخصم يروح يشتكي في جدة لكن لو صار بعد فبخاطب شرطة المدينة يجيبوه من جدة مخفور للمحكمة
مدري هذا النظام صحيح ؟

الشئ الثاني بعد ماخلصنا الجلسة هذه
قال لي الشيخ اسمع اخوك عنده جلسة ثانية حقوقية في مبلغ 13 الف بين طرفين وطلبوا اخوك يتداخل على اساس انه يعرف الموضوع بينهم
قلت له اخوي سجين ياشيخ
قال خلاص انت احضر بداله
قلت احضر بداله كيف وانا مو عارف الموضوع ولاوكلني او قال لي احضر
قال الشيخ خذا هذا الموعد خلال الاسبوع الجاي واحضر بالوكالة

بالله معقولة هذا النظام ؟
خلاص لقيتني وكيل تلزمني احضر باقي الجلسات الي مااعرف وش قصتها ؟
كلمني اخوي من السجن وقال لاتحضر لان هذه قضية ماتعنيني اذا يبيني الشيخ يجيبني من السجن او يرسل لجدة ياخذون افادتي في القضية

انا ماراح احضر الجلسة الي قالها الشيخ
هل يلحقني شئ ؟
واخوي ماوكلني احضرها ولاني ملزوم احضرها بس هل الشيخ لو راجعته بعدين في القضية الاولى يقول ليش ماحضرت ؟

[هيزع البركاتي]

في الشق الأول كلام الشيخ صحيح ، وفي الدعوى الثانية لا يلزمك الحضور انما القاضي أراد اخبارك أنه بإمكانك الحضور عن أخيك في هذه القضية .