هاااام ارجوكم الصباح بتخذ قرار

[ابو نبهان]

السلام عليكم ورحمة الله وبركاته.. انا اطلب شخص مبلع وتم تطبيق كامل اجراءات التنفيذ ايقاف خدمات ومنع من سفر وامر حبس... اليوم اتصل علي وكيل المدين ويقول لي بسددك ولكن على اجزاء يعني بيقسم المبلغ ٣ دفعات وقال لي بشرط تعطي مهله عن طريق موقع ناجز بين كل دفعه ودفعه ٥ اشهر...... انا عني موافق ولكن سالت موظف التنفيذ قال اذا انت اعطيت مهله فكانك لغيت كل شي طول هالمده يعني المدين ماعلسه شي... انا راح بالي انه يكون فس هالمهله يحول عقارات او املاك لاحد ثاني ويصفي كل شي عنده وبعدين اذا طالبت بالدفعه الثانيه يطلع اعسار ويضيع حقي الباقي وهو الاكثر... محتاج رأيكم ضروري هل المهله تفك عنه كل شي ويقدر يبيع وينقل كل شي عنده او لا.... وهل بعد المهله ترجع الايقاف والمنع والحبس تلقائيا او لازم اقدم من جديد وجزاكم الله خير الجزاء

[ابو محمد 2]

وعليكم السلام ورحمة الله وبركاته
= ما يحتاج موضوعك مشورة: طالما أن موظف محكمة التنفيذ أبلغك بذلك. ولكن احجز موعد لدى قاضي التنفيذ أنت ووكيله وأسأله عن ما سألت هنا فهو من سيفيدك أكثر. وإن أردت قبول الدفعة الأولى مع أحضار كفيل غارم يلزم نفسه بسداد المبلغ المتبقي في المدد المحددة وتتأكد أن الكفيل قادر على السداد فيكون قد وسعت على الرجل وكسبت فيه أجر. والله أعلم وأحكم.

[سمير عبدربه احمد]

تستطيع الحضور مع وكيل خصمك لمكتب قاضي الدائرة التنفيذية التي فيها المعاملة وتطلبون تحرير مهلة مشروطة يدويا بتوثيق مكتب القاضي
تستطيع فيها تحديد ماتريد وتتفقون عليه وتحديد الشروط فيها مفتوح وتستطيع تحديد شروط تقيد تلاعب خصمك
لكن المهلة الممنوحة من ناجز فانه مهلة تعني بمجرد منحها ان يتم رفع كل الاوامر مباشرة ضد خصمك وحين العودة للشكوى فستعود من نقطة الصفر