تكفون الله يرحم والديكم من يساعدني وش اسوي

[العتيبي98]

السلام عليكم ورحمة الله وبركاته
اشكر القائمين على هذا المنتدى العريق وعلى جهودهم اللي يقدمونها
عندي مشكلة متعلقه بعملي بحاول اختصرها وابي من اخواني القانونيين يساعدوني واي واحد عنده خبره او يقدر يفيدني يعلمني الله يوفقكم
انا معلم جامعي وكنت في مرحلة ابتدائي رحت ادرس سنة دبلوم تربوي واخليت طرفي من مدرستي ورحت ادرس الدبلوم بعد ماخلصت دبلوم اتصلو علي شؤون المعلمين قالو تعال ضروري تنقل لمرحلة ثانوية قلت لهم انا متعود على الابتدائي ماعرفلهم الثانوي ولاعندي استعداد نفسيا ادرّسهم قام الموظف بشؤون المعلمين وقام يمدح المرحلة الثانوية وقال انا انصحك تروح لها مريحة وووو وعطاني من هالكلام المعسول انا قلت ماقد ابد رجعني نفس مدرستب مثل اللي يخلون طرفهم ويدرسون مثلي دبلوم سنة اشوفهم رجعو لنفس مدارسهم
قا الموظف(وهو اساسا معلم لكنه انتقل لهالمكان من خلال تكليف من الادارة) قالي انت مخلي طرفك والنظام اللي يخلي طرفه خلاص مايرجع لمدرسنه ولازم يدخل بالحركة الداخلية من جديد قلت له طيب اللي قبلي ماسويتو معكم كذا ليش انا بالذات وبعد رجعو لنفس مدارسهم والمفروض يدخلون بالحركة الداخليه
قلت مابيها
قام وعطاني من هالكلام انك مناسبنا من بعيد واخوي زميل اخوك واذا ماعجبتك المرحلة الثانوية ابد تعال لي بعد سنة وارجعك لأي مدرسة ابتدائية تبيها
انا بصراحه وثقت فيه من باب النسب والزماله على كلامه
قال اكتب انك ترغب بالثانوية علشان اقدر ارجعك للمدرسة اللي تبيها السنة الجايه اذا مارتحت في الثانوي
قالي انت اصلا بتروح للثانوي والتخصص مطلوب تبعك في الثانوي الان ومحتاجينك فالافضل تكتب انك تبي الثانوي عشان اقدر اوقف معك السنة الجايه انا وثقت فيه صراحه وكتبتها
عدى الفصل الاول ولاارتحت فيها سبحان الله رحت له مع الفصل الثاني وقلت له قال مقدر المدرسة بحاجتك انا صراحه انغبنت وانقهر والى الان انا منيب مرتاح ودي ارجع للابتدائي وشؤون المعلمين رافضين
هل يحق لي ارفع تظلم او اشكي الموظف هذا على كلامه
وهل يمكن ارفع فيهم واطالب بتطبيق النظام على الجميع لانه فيه مدارس ماحطو فيها متخصصين مثلي وخصوصا بالابتدائي مثل الرياضيات يدرسوها معلمين العربي والدين وفيه متخصصين ولا حطّوهم
ونفس الشي الثانوي محتاجه تخصصات ومع ذلك ماوجهو معلمين لها مع العلم انهم موجودين لكنهم مكلفين بادارة التعليم
وش اسوي الحين ؟
هل ارفع فيهم والا اكتب خطاب لمدير التعليم تظلم ومطالبه بتطبيق النظام على الجميع والا اشكي هالموظف لانه اساء استخدام سلطته بالكذب والتحايل والخداع

هل اقدر اشكي بالمحكمة والا اشكي لمدير التعليم والا لديوان المظالم والا مين ؟
انا ماعندي اي اوراق لكن كلام فقط

ارشدوني الله يسعدكم ويوفقكم تكفون

[ضيغم]

انا الذي أعرفه إن لا بد من موافقة المعلم في تغيير مدرسته لكن لطيفة الدليهان تقول تغير التعميم و أصبح من حق الإدارة نقل المعلم بدون رغبته لأجل الموازنه و الله أعلم
رايي كلامك مع الموظف لا تذكره لأنه لا يُقدم و لا يؤخر حمل تتطبيق تواصل و قدم شكوى على الإدارة و ارفق مستداتك و أنك ترغب بالرجوع لمدرستك و لا تذكر أنك وقعت على ورقة قد تستفيد هذه رأيي

[ضيغم]

إذا ما نفع حاول مع مكتب التعليم ينقلونك تكليف لابتدائية

[العتيبي98]

انا الذي أعرفه إن لا بد من موافقة المعلم في تغيير مدرسته لكن لطيفة الدليهان تقول تغير التعميم و أصبح من حق الإدارة نقل المعلم بدون رغبته لأجل الموازنه و الله أعلم
رايي كلامك مع الموظف لا تذكره لأنه لا يُقدم و لا يؤخر حمل تتطبيق تواصل و قدم شكوى على الإدارة و ارفق مستداتك و أنك ترغب بالرجوع لمدرستك و لا تذكر أنك وقعت على ورقة قد تستفيد هذه رأيي
هلا اخوي ضيغم الله يجزاك خير ويكتب اجرك يارب
طيب هو الان استغل سلطته وكذب علي وتحايل علي بنفس الوقت ووعدني انه في حال اني مارتحت بالثانوي بامكانه يرجعني وفعلا رجعت له لكن قال ماعندي لك شي
طيب اذا انه الادارة لها صلاحيه ليش يكلموني ويقولون تعال واكتب ورقه انك تبي ثانوي (وانا مابيها اصلا) بس كلام هذاك اللي وعدني اغراني فيها وحط لي القمر بيد والشمس بيد ولعب علي وقال ان اخوه صديق اخوي وانكم قرايبنا ومن هالكلام العسلي لين طحت
الا يعتبر هذا نوع من الفساد وهو استغلال السلطه بالكذب والتحايل ؟ هل يمكن اشكيه عند نزاهه ؟
اذا ان الادارة قصدها موازنة طيب ليش ما تحط كل ومعلم وتخصصه
مدارس كثيره محتاجين رياضيات وعلوم ومع ذلك مكلفين المتخصصين بهالمواد بالادارة يشتغلون باماكن مهيب لم تخصصهم والميدان بحاجتهم طيب ليش مايرجعونهم ويخلونهم يدرّسون كلن وتخصصه اذا قصدهم النظام

وليش ما رجعو بقية المعلمين اللي درسو معي دبلوم وخلوهم يروحون لمدارس اخرى ؟ لانهم مخلين طرفهم على كلامهم واللي يخلى طرفه نظاما مايرجع لنفس مكانه

هل اقدر اشتكي الموظف تبع شؤون المعلمين على المحكمة واخليه يحلف يمين ؟ هل يكون فيه رد اعتبار له ؟

هل اروح لنزاهه ؟

مشكلة ادارة التعليم ماتجاوبو معي وقلت لهم ظروفي مابي ثانوي ورفضو هذا اللي قاهرني

وين اروح تكفون ساعدوني الله يرحم والديكم

[ابو محمد 2]

السلام عليكم ورحمة الله وبركاته
اشكر القائمين على هذا المنتدى العريق وعلى جهودهم اللي يقدمونها
عندي مشكلة متعلقه بعملي بحاول اختصرها وابي من اخواني القانونيين يساعدوني واي واحد عنده خبره او يقدر يفيدني يعلمني الله يوفقكم
انا معلم جامعي وكنت في مرحلة ابتدائي رحت ادرس سنة دبلوم تربوي واخليت طرفي من مدرستي ورحت ادرس الدبلوم بعد ماخلصت دبلوم اتصلو علي شؤون المعلمين قالو تعال ضروري تنقل لمرحلة ثانوية قلت لهم انا متعود على الابتدائي ماعرفلهم الثانوي ولاعندي استعداد نفسيا ادرّسهم قام الموظف بشؤون المعلمين وقام يمدح المرحلة الثانوية وقال انا انصحك تروح لها مريحة وووو وعطاني من هالكلام المعسول انا قلت ماقد ابد رجعني نفس مدرستب مثل اللي يخلون طرفهم ويدرسون مثلي دبلوم سنة اشوفهم رجعو لنفس مدارسهم
قا الموظف(وهو اساسا معلم لكنه انتقل لهالمكان من خلال تكليف من الادارة) قالي انت مخلي طرفك والنظام اللي يخلي طرفه خلاص مايرجع لمدرسنه ولازم يدخل بالحركة الداخلية من جديد قلت له طيب اللي قبلي ماسويتو معكم كذا ليش انا بالذات وبعد رجعو لنفس مدارسهم والمفروض يدخلون بالحركة الداخليه
قلت مابيها
قام وعطاني من هالكلام انك مناسبنا من بعيد واخوي زميل اخوك واذا ماعجبتك المرحلة الثانوية ابد تعال لي بعد سنة وارجعك لأي مدرسة ابتدائية تبيها
انا بصراحه وثقت فيه من باب النسب والزماله على كلامه
قال اكتب انك ترغب بالثانوية علشان اقدر ارجعك للمدرسة اللي تبيها السنة الجايه اذا مارتحت في الثانوي
قالي انت اصلا بتروح للثانوي والتخصص مطلوب تبعك في الثانوي الان ومحتاجينك فالافضل تكتب انك تبي الثانوي عشان اقدر اوقف معك السنة الجايه انا وثقت فيه صراحه وكتبتها
عدى الفصل الاول ولاارتحت فيها سبحان الله رحت له مع الفصل الثاني وقلت له قال مقدر المدرسة بحاجتك انا صراحه انغبنت وانقهر والى الان انا منيب مرتاح ودي ارجع للابتدائي وشؤون المعلمين رافضين
هل يحق لي ارفع تظلم او اشكي الموظف هذا على كلامه
وهل يمكن ارفع فيهم واطالب بتطبيق النظام على الجميع لانه فيه مدارس ماحطو فيها متخصصين مثلي وخصوصا بالابتدائي مثل الرياضيات يدرسوها معلمين العربي والدين وفيه متخصصين ولا حطّوهم
ونفس الشي الثانوي محتاجه تخصصات ومع ذلك ماوجهو معلمين لها مع العلم انهم موجودين لكنهم مكلفين بادارة التعليم
وش اسوي الحين ؟
هل ارفع فيهم والا اكتب خطاب لمدير التعليم تظلم ومطالبه بتطبيق النظام على الجميع والا اشكي هالموظف لانه اساء استخدام سلطته بالكذب والتحايل والخداع

هل اقدر اشكي بالمحكمة والا اشكي لمدير التعليم والا لديوان المظالم والا مين ؟
انا ماعندي اي اوراق لكن كلام فقط

ارشدوني الله يسعدكم ويوفقكم تكفون

وعليكم السلام
وصلتني رسالتك بالرد على موضوعك.
جوابي أولاً: تم نقلك بناءً على طلبك حتى وإن كان بالخدعة كما ذكرت .
ثانياً: الذي يقرر الموافقة على نقلك هو مرجعك وفقاً للنظام وحسب الحاجة.
= مسالة إنك تشتكي الموظف وتطلب يمينه هذه قضية شخصية لن تفيدك في مواجهة مرجعك اقصد الادارة التي تتبعها. بل ستعقد وضعك اكثر ولا تنسى انك مقدم طلب النقل وموافق على النقل.
= النصيحة: استمر في عملك وفوض أمرك إلى الله تعالى وإن حصل لك من تراه قادراً على شرح ظروفك لارجاعك على ما كنت عليه لدى ادارتكم فهذا المطلوب والا فمالك الا الصبر.
لأن ليس لديك حجة أو مستند نظامي يجبرهم على نقلك إلى ما كنت عليه بالسابق.
يسر الله امرك إلى ما هو خير لك

[العتيبي98]

وعليكم السلام
وصلتني رسالتك بالرد على موضوعك.
جوابي أولاً: تم نقلك بناءً على طلبك حتى وإن كان بالخدعة كما ذكرت .
ثانياً: الذي يقرر الموافقة على نقلك هو مرجعك وفقاً للنظام وحسب الحاجة.
= مسالة إنك تشتكي الموظف وتطلب يمينه هذه قضية شخصية لن تفيدك في مواجهة مرجعك اقصد الادارة التي تتبعها. بل ستعقد وضعك اكثر ولا تنسى انك مقدم طلب النقل وموافق على النقل.
= النصيحة: استمر في عملك وفوض أمرك إلى الله تعالى وإن حصل لك من تراه قادراً على شرح ظروفك لارجاعك على ما كنت عليه لدى ادارتكم فهذا المطلوب والا فمالك الا الصبر.
لأن ليس لديك حجة أو مستند نظامي يجبرهم على نقلك إلى ما كنت عليه بالسابق.
يسر الله امرك إلى ما هو خير لك
.

الله يبيض وجهك ويرحم والدي ووالديك يارب مشكور على التجاوب
. بخصوص
اولاً : وهل يجوز بالنظام التحايل على الموظف وجعله يكتب انه يرغب بالنقل (وانا لاارغب اساسا) ؟ الا يندرج هذا العمل ضمن اسغلال السلطلة بالتحايل والكذب ؟
ثانياً : بخصوص حاجة المدارس هناك مدارس بحاجه فعلا لمتخصصين لكن لم يوجهوهم حتى اللحظة بل فرّغوهم لاداء اعمال وابعدوهم عن الميدان بمايسمى تشكيلات مدرسية والمعروف ان اذا كان الميدان بحاجة يتم انهاء المكلف ويعاد الى الميدان للتدريس وهذا مالا نراه في التعليم
بخصوص انني انا مقدم على طلب النقل .. انا لم اطلب النقل بل الموظف في شؤون المعلمين اتصل بي وارغمني على النقل من خلال كتابة ورقه بانني ارغب بذلك وانا لا ارغب .. لو النظام يتطلب نقلي لنقلوني بدون الاتصال بي ... لكن لا ادري ماسبب هذا التحايل عليّ ..
بخصوص شكوى المحكمة واليمين هل يمكنني التقدم في حال رفض الادارة بالنظر في القضية مثلاً ؟ لان الواقع يوجد مخالفات عديدة لدى الادارة من حيث انها تطبق النظام على اشخاص وتستثني اخرين .. ومن حيث استغلال السلطة بالتحايل

اشكر لك تجاوبك وتفاعلك لك مني كل الشكر والتقدير

[ابو محمد 2]

= لا تتقدم للمحكمة لأنها سترد دعواك ولن تؤخذ يمينه فالقاعدة تقول: لا عذر لمن أقر. كونه خدعك هو في الأصل موظف لا يملك نقلك ليس الأمر بيده.
= بالنسبة للمخالفات العديدة بالادارة وكيلها بمكيالين فهذا لن يفيد أيضا بل انك ستستعديهم ليقوا ضدك مستقبلاً في كل ما هو لمصلحتك من نقل او ترقية. هذي نصيحة عن خبره.
= استغلال السلطة بالتحايل هذا تصور وتكييف من وجهة نظرك أنت فحاول تتقبل ما حصل والجأ بعد توفيق المولى عز وجل إلى الطرق السلمية والودية كما أفهمتك في مداخلتي الأولى ابحث عمن يستطيع شرح معاناتك لدى ادارتك ليتم نقلك بسهولة ويسر وفقك الله.

[العتيبي98]

= لا تتقدم للمحكمة لأنها سترد دعواك ولن تؤخذ يمينه فالقاعدة تقول: لا عذر لمن أقر. كونه خدعك هو في الأصل موظف لا يملك نقلك ليس الأمر بيده.
= بالنسبة للمخالفات العديدة بالادارة وكيلها بمكيالين فهذا لن يفيد أيضا بل انك ستستعديهم ليفوا ضدك مستقبلاً في كل ما هو لمصلحتك من نقل او ترقية. هذي نصيحة عن خبره.
= استغلال السلطة بالتحايل هذا تصور وتكييف من وجهة نظرك أنت فحاول تتقبل ما حصل والجأ بعد توفيق المولى عز وجل إلى الطرق السلمية والودية كما أفهمتك في مداخلتي الأولى ابحث عمن يستطيع شرح معلناتك لدى ادارتك ليتم نقلك بسهولة ويسر وفقك الله.

بيض الله وجهك الله يسعدك ويجزاك خير حاولت بشكل ودي انهم يرجعوني لكن مافيه فايده قالو لازم تروح ثانوي يعني هي واقفه علي الله اكبر .. فيه غيري كثيررر محتاجهم الميدان وتخصصاتهم علمية بحته وفيها نقص كثير بالمدارس ومع ذلك مارجعوهم ولاقالولهم النظام يقول لازم ترجعون ولاخلوهم يوقعون على اوراق ووو انا هذا اللي حاز بخاطري والله والحمدلله منيب راعي مشلكل بالعمل وملفي نظيف وربي يشهد ولله الحمد وكل ادائي الوظيفي ممتاز لسنوات العمل
لكن مسألة يجبرني الموظف ويطق صدره انه لو مارتحت يبي يرجعني وبالاخير اروح له ابيه يرجعني ومايسوي شي هذي مصيبه صراحه
مثل ماقلتلك يبو محمد لو النظام معهم مادقّو علي واستدرجوني بالتوقيع وعطوني من هالكلام المعسول وبالنهاية يطلع كذاب !!!
حتى وان كتبت ارغب بالنقل مثلاً ... راح اقولهم اني كنت مشروط وقتها لانه هو شارط علي الموظف غير كذا انا كاتبها وانا مُكره .. وعلى كلام الموظف انه راح يحطني بأي مدرسة ابيها باتدائية لكن للاسف طلع نصاب ..
ماتلاحظ انه فيه تضارب منهم ... يجبروني اوقع وفيه غيري محتاجته المدارس ولا رجعوهم مثلي هذي ماتدخل من باب العدل او المساواة ؟