فيدوني الله يجزاكم خير مهم جدا يامحامين

[عبدالرحمن٠٠]

السلام عليكم ورحمة الله انا قبل سنه وتسع اشهر من الان يعني في عام ١٤٤١ كان عندي قضيه في مكافحة المخدرات حياره بقصد التعاطي وتم الحكم علي بسجن ٦اشهر مع ايقاف التنفيذ والجلد ٨٠جلده دفعه وحده تعزيرا ومنع السفر سنتين وفي حال تم مسمي في خلال ال٣سنوات من تاريخ الحكم يتم تنفيذ المحكوميه الاولى والثانيه ومشيت من عندهم وبعد مدة الاعتراض رحت المحكمه وطبعت الصك صوره وختموها ،وبعد هاذا الوقت كله سنه ٩اشهر دقو علي يوم السبت الي راح ذا يقول معك مكافحة المخدرات انت عليك قضيه عندنا ولا جيت الجلسه قلت انا حاظر الجلسه وتم الحكم فيها من الشيخ وصدر الصك واخذته قال جيبه وتعال لو ماجيت بوقف خدماتك ،فيدوني احد قد صارت معه ،الان ليه طالبيني وكيف يقول ماجيت الجلسه مايجيهم خبر هم اني جيت مايقدرو يشوفوها بالسستم ،والجلد ماسووه ولا احد كلمني من وقتها لين يومك الا الشخص الي من المكافحه يقول انك ماحظرت الجلسه ونا حاظر وحكم علي وخلاص وحتى الصك موجود في ناجز فيدوني الله يرحم والديكم

[عبدالرحمن٠٠]

وينكم يا اخوان الي عنده معلومه او مر عليه نفس الشي يفيدني الله يرحم والديكم

[عبدالرحمن٠٠]

ياجماعه ماحد شاف ورد علي طمنوني الله يجزاكم خير

[القانون 2]

وعليكم السلام
احتمال مؤكد أنهم يطلبوك بسبب الجلد
راجعهم وخذ معك صورة من الحكم ولا تقلق من شيء

[عبدالرحمن٠٠]

الله يسعدك اخوي عبالله ويطمناك ،بس الجلد ماصدر حكم بمنعه في عام ١٤٤٢ او الجلد لازم يتنفذ

[القانون 2]

راجعهم الأول وبلغني أيش صار معاك

[عبدالرحمن٠٠]

سلام عليكم
رحت لهم واخذ مني الصك المختوم وقال رح لين تجيك رساله عشان الجلد مادري كيف طريقته ولا قال متى ولا قال شي ،وغير كذا مدري اذا بع باقي شي غيره ويوم اسأله عن منع السفر يقول باقي ماعليك انت لين تنفذ الجلد ونا كنت احسبه من تاريخ الحكم ذا الي حصل وش تشوف اخوي عبدالله

[القانون 2]

وعليكم السلام
ما فهمته متبقي عليك الجلد
ومنع السفر هذا عقوبة تبعية في الجرائم الجزائية والمخدرات تحديداً
الأمور طيبة إن شاء الله