اشكي لمن

[مخاوي الذيب]

السلام عليكم ورحمة الله وبركاتة

اخواني الأعزاء

انا عندي موضوع وحاب فزعتكم باللي يوجهني على الدرب الصحيح

في شكواي هذي


انا في عام 2008 اخذت سيارة ايجار منتهي بالتملك من احدى الشركات التابعه لاحدى البنوك

المهم انا تاخرت في السداد بسبب ضروف زواجي واخذوا السيارة

وسجلوني في سمه بالمبلغ المتاخر اللي هو حقهم

تفاجاءت انهم يطالبوني بعد تسجيلي في سمه بمبلغ ضعفي المبلغ المتاخر

ولما سائلتهم عن المبلغ الضخم قالوا الفرق بين قيمة السيارة جديدة ومستعمله

يعني تخيلوا سيارة موديلها 2008 تنباع بعد سنه ب 13000

ويطالبوني بمبلغ فوق الخمسة واربعين الف

مع العلم ان المبلغ المتاخر هو 12000 وكسور

المهم مشكلتي ماهي هنا

انا لما اطلب منهم شي رسمي بالمبلغ الضخم يرفضون يسلموني اي خطاب او اي شي رسمي

كلها تلفونات وماتلفونات

وصلوا لدرجة التهديد بالضرب والقتل والسب فيني وفي والدتي الله يرحمها

ولهم اكثر من يومين

ويتصل واحد من طرفهم من رقم جوالة يهددني

وانا ابي اقدم شكوى الحين ضد الشركة والبنك والشخص اللي يهددني

يعلم الله بالوضع اللي اعيشه الحين

فساعدوني علموني وين اروح ولمين اشكي

انا بانتظار مساعدتكم الله يجزاكم بالخير

[كاتب ضبط]

بالنسبة للتهديد فتقدم للشرطة

أما بخصوص المبالغ فأكيد أنك وقعت على عقد ما تدري وش اللي فيه.

[مخاوي الذيب]

لا هم طريقتهم كذا مع الكل يضيفك بالمتاخر في سمه بالمبلغ الصحيح ثم يبتزون بمبالغ خياليه انا ماني اول واحد يبتزونه بس اتمنى انه اكون اول واحد يشكيهم

[ابو محمد 2]

إذا اشتكوك فاطلب الشرع واشرح دعواك للقاضي وستنحل مشكلتك

[كاتب ضبط]

قدم دعوى في المحكمة وأطلب فسخ عقد الإجارة من تاريخ سحب السيارة حيث أنك منعت من المنفعة بسبب المؤجر, ولابد من تحديد تاريخ سحب السيارة, وأن فرق القيمة فيه غبن واضح, وتقدم بدعوى لدى الشرطة بسبب سحبهم للسيارة حيث أن سحب السيارة مخالف لقرار سمو النائب الثاني وزير الداخلية رقم 17/44380/2ش بتاريخ 12 - 13/9/1423هـ المتضمن أن سحب السيارة لا يكون الإ عن طريق الجهات الأمنية.
والله يكون بعونك.

[مخاوي الذيب]

بس يابو محمد انا لما قلت باشتكي الكل خوفني من المحاكم

اللي يقووول ممكن تتعرض للسجن فيها واللي يقول لي ممكن ماحد ينصفك بحكم

الادارة القانونية في البنوك قوية وبيلقون لهم مخرج وبيخلونك تسدد المبلغ كامل

متخوف من الشكوى مادري وش بيترتب عليها

ياليت تفيدني الله يجزاك خير

اخوي كاتب ظبط

سحب السيارة سالفتها سالفه

انا طلعت من دوامي في الملز مالقيت موتري قلت شكلهم ساحبينه

كلمتهم قالوا ماهي عندنا رحت انا قلت يمكن انسرقت رحت لشرطة الملز بالرياض

قالوا مو انتي تقدم الشكوى بلغهم وهم يقدمون الشكوى من عندهم

رحت لهم قلت السيارة مهيب عندكم رحت ابلغ قالوا الشركة التابعه للبنك تبلغ

هم استلموا الموضووع من عندهم قالوا خلاص الموضوع عندنا الكلام هذا في عام 2009

بعدها باربع شهور يدق علي واحد من طرفهم قالي عندك مبالغ متاخرة

كانت سبع اقساط شووي الا يقوول لي عليك 11 قسط متاخر شلون يالحبيب

قالي الايجار يحسب حتى لو السيارة عندنا انا تفاجئت لما قال عندنا

طلعوا ساحبينها ويقولون اول ماهي عندنا

انا ماعندي مشكله في اللي متاخر لما كانت السيارة عندي هذا حقهم مهما كان

بس التدبيلات اللي قاعدة تصير هي اللي تخربط المخ