اعتبرها كذبه

[ابتسامة مراهق]

السلام عليكم ورحمه الله وبركاته


انا طبعا سجلت بالمنتدى مو علشان ابي مساعدها لان موضوعي من معقد

وانا استاهل

حطيت نك نيم حقي ابتسامه مراهق لان هالابتسامه ضيعتني


ابقول لكم السالفه طبعا ابستر على نفسي مابي الا بس تهونونها علي

لان محد يعرف اسمي ولاشي ابي بس تحاولون تعلموني شي

انا عمري يمكن توني دخلت 17

السالفه اني رحت مع خويي طبعا انا ساكن بالرياض بس شرقا

خويي كان يبي يروح لواحد بحي السويدي فا انا قلت ابروح معك ابخاويك

خويي قابل خويه عند الاشاره الي عند سلام مول الي بالبديعه فا كان في جلسات عند هالاشارة

خويي من زمان عن خويه فانسوني وقعدو يسولفون مره
انا طفشت فاقلبت بالله ابي السيارة ابي اروح للمول هذاك مع اني تدري انه عوايل

انا كل همي اني اتفرج واشوف العالم واحاول اشوف محلات داخله

الموهم فاجيت ابدخل وعيى السكرتي (رجل الامن )

انا قعدت احاول فيه وبرضو رفض
فا راحت للسيارة

وانا اول ماركبت السيارة طبعا السيارة كانت مقابله للباب حق سلام مول

فا كنت اشوف بنت قاعده تناظر نظرات مو طبيعيه

فا انا استغربت وخليت السيارة شغاله وقاعد اناظر بالبنت من داخل السيارة

لقيت البنت تتبسم لي

فا انا قعد ابتسم
ماقعد ثلاث دقايق الا البنت كل مالها تقرب من السيارة

وانا كنت اقول هاذي تبيني معقوله فيني بنات يجون للعيال

وربي يارجال مامن اشوي الا وهي فاتحه علي باب السيارة
وركبت جمبي
وسئلتني سؤالين

ايش اسمك

وكم عمرك
انا طبعا مرتبك ومادري ايش اقول
قلت اسمي الاول وسكت مابي اقول عمري
وربي وانا خايف الا كنت اقول ايش راحي يصير
ماصار الا سيارة الهيئه ورا السيارة

وانا من الخوف اقول الهيئه الهيئه قولي انك انتي جيتني انا مالي دخل وهي تقول كيف كيف


اول ماجاء المطوع وناظر وشافني معها اشر بيده للي معه

انا من خوفي اقول اعترفي اعترفي

فا هي مادري ايش صار فيها

وانا من زود الخوف خليت السيارة وانحشت
امسكو البنت وسيارة خويي!!!!!!

وانا منحاش كنت اقول ايش جاب البنت والهيئه في وقت واحد اكيد فيه شي

وكنت افكر كيف اجيب سياره خويي!!

وربي هذا الكلام طبعا يوم الاربعاء الي فات

طبعا كان جوالي بالسيارة
المهم
اخذو البنت وحققو معها


هي قالت لهم انها ماتعرفني ف الهيئه الله يهديهم اغصبوها وقالو اذا تبينا
نفكك اعترفي بكل شي واضغطو عليها

وجت الصدمه الي من جد

يقول احد اضباط انها قالت انك خويها 1
2 قالت انه حاول يمسك يدي ورفضت
3 حاول يلمس نقابي ورفضت

وانا اشوي وانفجر واقول هاتو البنت هاتوها

قالو الهيئه استرت عليها وراحت البنت

طبعا انا جيتهم يوم الخميس من بعد الحادثه انا وراعي السيارة
واخذ سيارته خويي
وانا جلست بالتوقيف ثم طلعوني وقالو تجي يوم السبت

يوم جاء يوم السبت صار لي موضوع خاص جدا وهي حاله وفاة

ماجيت لاالسبت والا الاحد والا الاثنين ايام العواء طبعا

جيتهم يوم الثلاثاء ومالقيت الملازم الي ماسك قضيتي

ورجعت انا واخوي للبيت ونبي نروح يوم السبت القدام


طبعا من خلال هالقصه وربي اضن واشك مليون بالميه محد راح يصدق

لان اذا اخوي الي يعتبرني اني محافظ على الصلوات بشده
ومتفوق بدراستي

وسئلني وقال هي جد خويتك !!!!

فاكيف عامه الناس
او الشرطه

انا طبعا توني مراهق انا الان بصف اول ثانوي

والهيئه يقولون ان البنت برضو صغيرة


لاتنسوني من دعائكم
ادعو ان الله يفرج همي

.

[ابو محمد 2]

اللهم فرج همه وفرج كربته , هذي شيطانة من شياطين الإنس ولعل القاضي يحكم عليك بحكم بديل.
ولا يعترض المدعي العام..

[ابتسامة مراهق]

الله يجزاك خيرا

بس اسئلك بالله ياشيخ يوم قريت القصه هل انت معي ؟؟

او ان بقلبك تقول مافي بنات يسون كذا ؟

ياشيخ انا يوم كنت بالسيارة والبنت امامي كنت مبتسم ؟ هل اعتبر زاني بالعيون ؟؟

وابو محمد لم افهم بحكم بديل ؟؟

وجزاك الله خيرا

[د. ناصر بن زيد بن داود]

أخي العزيز :
إن كنت لا تزال في السابعة عشرة من عمرك : فأنت من الأحداث الذين لهم وضع خاص ، وقضاة محكمة الأحداث لديهم من الرأفة بهم ما يذكر لهم ويشكر .


= العقوبة لمثل هذه الخلوات ليست بالغة ، وقد يشملها العفو ، وقد لا تكون سجناً ولا جلداً ، بل تكليفاً بعمل خيري تؤديه ساعة أو ساعتين في اليوم .


= انتبه لنفسك ، ولدينك ، ولصحتك ، ولمستقبلك ، فقد تقع في مصيبة لا تقدر على الخروج منها . والله معك

[ابتسامة مراهق]

جزاك الله خير ياشيخ وربي فرحتني

الله لايحرمنا منكم

ولايحرمنا من الهيئه ولارجال الامن