يتيمه
05-07-2011, 02:47 AM
السلام عليكم ورحمة الله وبركاته
انا تزوجت من رجل متزوج لكنه كان على خلاف مع زوجته وكانت عند اهلها قال انه ماراح يطلقها عشان العيال لكنه مايبي يرجعها
فالبدايه فاجأني انه حطني بشقة زوجته الاولى
وجاب عياله الاربعه عندي بعد اسبوع واحد من زواجنا وكلهم صغار
تحملت في البدايه لكن بعدها مليت احس انه يبي مربيه لعياله طلبت منه يجيب شغاله لعياله وكان يتحجج ان الموضوع بيطول ومره يقول التقديم غالي وهو مقتدر
المصيبه انه لما شافني اتذمر من خدمتي لعياله وعدم وجود خادمه تساعدني
بدا يصلح اموره مع الاولى اكتشفت هالشي عن طريق المسجات
وداني زياره لاهلي وتركني عندهم ورجع الاولى لنفس الشقه واغراضي موجوده هناك
نهاية الموضوع انه تحجج انه راح يسافر لشغل طويل وان هالوضع بيستمر لسنه او اكثر ومطلوب مني ارضى واسكت وانه يجيني كل شهر او شهرين يقضي معي يومين ويرجع !! يعني كأنه مسيار
طبعا هو لاعنده شغل ولاشي هو رجع لزوجته وعياله
لي الحين 9 شهور على هالوضع لاراضي يطلق ولاراضي يقوم بحقوقي لاراضي يوفر سكن ولاينفق علي
لي سبع شهور ماكلمته ولاكلمني ولاادري عنه ابدا ولايرد على اي احد من طرفي
رحت للمحكمه وقلت ابي اتطلق بس القاضي قال في هالحاله بتخضعين لشروطه وتدفعين له وانا ماعندي ادفع له وحتى ذهبي بعته الفتره الي تركني فيها عشان اصرف منه وابوي متوفي واخواني كلن لاهي بحاله
المهم القاضي قال بنطلب منه يقوم بحقوقك واذا هو بايع بيطلق
المشكله انه بمدينه ثانيه وارسلوا معاملتي لمدينته الي هو فيها والحين اربع شهور ماتحركت المعامله ولااستدعوه سمعت ان له ناس بالمحكمه موقفها
ودي احط محامي يتابعها بس مدري وش كثير بياخذ وانا مااشتغل
محتاره ولاادري وش اسوي ابي اروح للقاضي واقوله ان زوجي هاجرني من اكثر من 9 شهور وين حقوفي ؟؟ اظل معلقه ؟
ولو طلبت خلع هل ارجع المهر كامل ولا جزء منه مع انه واضح ان التقصير منه مو مني
وين اروح ووش اسوي
شوروا علي الله يجزاكم خير
انا تزوجت من رجل متزوج لكنه كان على خلاف مع زوجته وكانت عند اهلها قال انه ماراح يطلقها عشان العيال لكنه مايبي يرجعها
فالبدايه فاجأني انه حطني بشقة زوجته الاولى
وجاب عياله الاربعه عندي بعد اسبوع واحد من زواجنا وكلهم صغار
تحملت في البدايه لكن بعدها مليت احس انه يبي مربيه لعياله طلبت منه يجيب شغاله لعياله وكان يتحجج ان الموضوع بيطول ومره يقول التقديم غالي وهو مقتدر
المصيبه انه لما شافني اتذمر من خدمتي لعياله وعدم وجود خادمه تساعدني
بدا يصلح اموره مع الاولى اكتشفت هالشي عن طريق المسجات
وداني زياره لاهلي وتركني عندهم ورجع الاولى لنفس الشقه واغراضي موجوده هناك
نهاية الموضوع انه تحجج انه راح يسافر لشغل طويل وان هالوضع بيستمر لسنه او اكثر ومطلوب مني ارضى واسكت وانه يجيني كل شهر او شهرين يقضي معي يومين ويرجع !! يعني كأنه مسيار
طبعا هو لاعنده شغل ولاشي هو رجع لزوجته وعياله
لي الحين 9 شهور على هالوضع لاراضي يطلق ولاراضي يقوم بحقوقي لاراضي يوفر سكن ولاينفق علي
لي سبع شهور ماكلمته ولاكلمني ولاادري عنه ابدا ولايرد على اي احد من طرفي
رحت للمحكمه وقلت ابي اتطلق بس القاضي قال في هالحاله بتخضعين لشروطه وتدفعين له وانا ماعندي ادفع له وحتى ذهبي بعته الفتره الي تركني فيها عشان اصرف منه وابوي متوفي واخواني كلن لاهي بحاله
المهم القاضي قال بنطلب منه يقوم بحقوقك واذا هو بايع بيطلق
المشكله انه بمدينه ثانيه وارسلوا معاملتي لمدينته الي هو فيها والحين اربع شهور ماتحركت المعامله ولااستدعوه سمعت ان له ناس بالمحكمه موقفها
ودي احط محامي يتابعها بس مدري وش كثير بياخذ وانا مااشتغل
محتاره ولاادري وش اسوي ابي اروح للقاضي واقوله ان زوجي هاجرني من اكثر من 9 شهور وين حقوفي ؟؟ اظل معلقه ؟
ولو طلبت خلع هل ارجع المهر كامل ولا جزء منه مع انه واضح ان التقصير منه مو مني
وين اروح ووش اسوي
شوروا علي الله يجزاكم خير