ابغى حضانة بنتي معي على طووول ..

[دافنشي كود]

السلام عليكم ورحمة الله وبركاته : :

انا متزوجه من اربع شهور ..

الأن لي شهرين معلقه عند اهلي لانفقه ولا سكن

مع اني حامل

انا والله ما ابغى الطلاق ولا افكر فيه .. ..

لأني ابغى احافظ على الطفله اللي بيننا ..

زوجي يبغى يطلقني .. لأسباب تافهه جدا ..

منها يقول لأهلي .. بنتكم فيها فقر دم .. وفيها جرح بصدرها .. واللي في بعد الكشف ورم حميد الحمدلله ..

ويقول اسباب تافهه .. ما حسيتها مشاكل .. منها :

بس قاعده على الكمبيوتر .. واعتقد من حقي اقعد لو نصف ساعه على الكمبيوتر واتصفح واطلع واستفيد ..

المهم انا بعد ما عرفت اني حامل ببنوته .. خلاص احس اني منهاره .. واقول اكيد راح يأخذها مني ..

سؤالي لكم اخواني ..

هل يقدر يأخذ البنت مني إذا جت بالسلامه بعد طول عمر .. خصوصا اني افكر بعد سبع سنوات بعد طولة عمر ..
انا عارفه ان سبع سنوات مده مو بسيطه وبينها حياة وموت .. والأعمار بيد الله .. بس بأرتااااح ..

وانا ودي الحضانه تبقى لي على طول حتى بعد سبع سنوات .. هل اقدر .. ولا مستحييل ..

خصوصا عندي اسباب .. بس ما ادري هي اسباب مقنعه .. ولا غير مقنعه ..

من الأسباب اللي عندي ..

اول سبب ::

زوجي كان متزوج وعنده ولد وطلق زوجته ..
وبعدين تزوج ثانيه ..
زوجته رفضت بقاء الطفل عنده .. وبقى الى الصف السادس .. وبعدين اخذ الولد وهو لسى صغير وتركه عند اجداده .. بالصحراء ..حياة بداوه يعني .. لا تعليم ولا مستقبل ولا تأسيس .. ولا اااااااااااااااااااا شي .. الولد الأن عمره 22 سنه وتوظف وفصل من الوظيفه وهو الأن بالسجن .. بقضيه أعتقد انها سرقه .. وزوجي ما فكر يشوف احواله او يسأل ويطلعه من السجن .. وطبعا زوجي ما تحمل مسؤولية الولد ولا انفق عليه .. ورماه بأصعب مراحل عمره .. وتركه يعيش مع البدو ..



ثاني سبب ..

زوجي قبل سنه ونصف طرد زوجته من البيت .. وطبعا لها بنتين وولد .. واخذت العيال معاها .. وتركهم من غير نفقه ولا سكن .. وطبعا هي موظفه وتحملت كل شي وتحملت مسؤولية العيال لوحدها .. وهو ما يكلمها ولا يحاول يشوف عياله .. يعني انسان عايش على شان نفسه .. اهم شي عنده انه ياكل ويشرب .. وبعد ما طردها بفتره خطبني ووافقت عليه .. وصراحه ما عمره راح يشوف بناته وولده .. يعني متكااابر .. مع انهم فلذات اكباده .. المفروض يمر عليهم ويشوفهم على الأقل ينفق عليهم ..

وبعد ما اتهمني بالمرض والتقصير .. طردني .. ورجع زوجته .. احسه انسان مو قد المسؤوليه ولعاب .. وانا صراحه من اول ما اخذته حسيته مو سند .. مره ما يتحمل المسؤوليه .. والدليل اهماله لولده وبناته ..

والصراحه اللي متحمل تربية عياله زوجته .. مدخلتهم مدارس اهليه ومهتمه فيهم ..

ثالث سبب ::

انا اشوف ان زوجة زوجي ما تصلح لحضانة بنتي .. لأنها أول شي موظفه
عمرها خمسين
عندها ثلاث بنات وولد .. وحده من البنات ما تت من زمان ..وعمرها شهرين .. لأنها تركتها بالغرفه لوحدها وماتت البنت مكتومه بسبب الأهمال .. ولنها رافضه بقاء ولد زوجها معاها ..

ويمكن والله اعلم اللي صار لي من تحت راسها .. لأن زوجي كان يقول لي .. يمكن ارجعها واستأجر لك .. لنها دافعه 40 الف بالبيت

رابع سبب .. ويتعلق بشخصية واخلاق زوجي ..:: ::

من الناحية الدينيه .. مقصر .. وانا ماراح اظلمه .. اللي لاحظته .. شايل صلاة الفجر من قاموسه .. وينام على جنابه .. وما يغتسل الا الساعه 12 الظهر .. لنه متقاعد وما يصحى الا متأخر ..

واغلب الصلوات بالبيت ..

من ناحية تربيته لأبنائه ..

انا اشوف ان زوجته هي المسؤوله عنهم .. أما هو مو قد المسؤوليه .. وهو ما يعرف يقرأ ولا يكتب معاه سادس .. بس قرائته مره ضعيفه يعني ما يقدر يعلم الأطفال

من ناحية الراتب ..

راتبه 350 فقط

من ناحية نفسيته ..

انسان عنيد وعصبي .. وصراحه ما يصلح لتربية الأطفال ..لني انا عندي ولد من اخوه الله يرحمه .. يعني هو يصير عم ولدي
ولدي عمره 8 سنوات .. وصراحه قاسي معاه ودايم يحطمه ويقوله انت ما تفهم انت غبي .. واذا ولدي قرب عندي ..قال انقلع هذي زوجتي .. واشياء كثيره

حتى اذا ولدي حب يخدمه .. يقول .. لا تخدمني

لدرجة ولدي يبكي يبي يرجع لأمي وابوي واخواني .. لنهم مرررره معاملتهم له زينه .. عند الغلط يعلمونه ويكلمونه على قد عمره

اللي لاحظته بزوجي ما يعرف يتعامل مع الصغار .. واسلوبه جاف جدا

مع انه ولد اخوه ..

حتى مره ولدي قال ماما ..قولي له ابغى اناديه بابا ..يعني ولدي يبغى يحس ان عنده ابو .. بس هو ما يساعد بتعامله

كلمت زوجي بالموضوع .. وقال عااادي بكيفه يبغى يقول لي بابا ولا عمي ولا يناديني بأسمي .. ويقولها من غير نفس ..

يعني ما حسيت فيه حنااااان ..

السبب الخامس ::

زوجي تاركني وانا حامل من غير نفقه ولا سكن .. هل عدم النفقه يسقط حق الحضانه وتكون من نصيبي على طول

وزوجي متقاعد وما يصحى الا الساعه 12 والعصر يروح برى البيت وما يرجع الا العشاء


هل هذي الأسباب اللي ذكرتها ,. تساعدني على حضانة بنتي اذا جت بالسلامه .. وتبقى معاي بعد سبع سنوات إذا الله اعطانا طولة عمر .. واذا مستحيل تبقى معاي .. ما هي اطول فتره ممكنه لبقائها معي

[دافنشي كود]

عفوا راتبه 3500 فقط

[الحجر الأسود]

السلام عليكم
أختي الكريمة أنتي تتحدثين عن أمور لم تحن بعد ، بل حتى الطلاق لم يحدث ، الله يصلح بينكم ، ومن المعلوم من حيث النظام المعمول به في المملكة العربية السعودية سواء كان الطفل ذكر أو أنثى من ولادته حتى عمر سبع سنوات يكون عند أمه بعد الانفصال ، ألا في حالات نادرة جداً مثل كون الام لديها مرض معدي أو غير ذلك ،
ومن ثم بعد السبع سنوات أن كان ولد يخير ، وأن كانت بنت القضاة مختلفين من حيث نظرتهم في الحكم ، منهم يقول تكون عند الاب ، ومنهم من ينظر لمصلحة البنت أن تكون عند أمها حتى البلوغ أو الرشد ، << هذا الحال في الوضع الطبيعي وكون الام والاب صالحين ، علاوة على ذلك يعتمد على مايتم تقديمه وإثباته من المدعي ومن المدعى عليه ، ومن حيث قولك تريدين أن يبقى معك على طول هذا أمر لايستطيع أي أنسان أن يخبرك به ، حيث الولد يخير بعد السبع وغد يأتي قانون يغير ذلك والبنت عند الاب بعد السبع وغد يتغير ومن ثم لو أصر الطفل وخصوصا الذي هو في عمر الثمان سنوات أو تسع سنوات أن يبقى لدى والدته أو لدى أبيه حتى لو كان محكوم للأم أو للأب ، لا أتصور القانون يجبر أن يذهب مع من لايريد من أبويه ، من حيث يتصورون أن هذا طفل ، غد اختار من يحبه ويحن له وبعض الاحيان تحدث مشاكل في تطبيق صك حكم الزيارة من حيث يبقى الابن عند من يزوره بتحريض من وجبت له الزيارة مثلا وفي حال طلبه يقال بأن الطفل هو الذي يرفض العودة ، وربما هناك من يقوم على اذيته من حيث يرفض العودة ، أنت يا أبوه وش تسوي في أبنك الي رافض يروح وياك ، الأب المسكين يقول والله ماسويت له شي

[دافنشي كود]

السلام عليكم
أختي الكريمة أنتي تتحدثين عن أمور لم تحن بعد ، بل حتى الطلاق لم يحدث ، الله يصلح بينكم ، ومن المعلوم من حيث النظام المعمول به في المملكة العربية السعودية سواء كان الطفل ذكر أو أنثى من ولادته حتى عمر سبع سنوات يكون عند أمه بعد الانفصال ، ألا في حالات نادرة جداً مثل كون الام لديها مرض معدي أو غير ذلك ،
ومن ثم بعد السبع سنوات أن كان ولد يخير ، وأن كانت بنت القضاة مختلفين من حيث نظرتهم في الحكم ، منهم يقول تكون عند الاب ، ومنهم من ينظر لمصلحة البنت أن تكون عند أمها حتى البلوغ أو الرشد ، << هذا الحال في الوضع الطبيعي وكون الام والاب صالحين ، علاوة على ذلك يعتمد على مايتم تقديمه وإثباته من المدعي ومن المدعى عليه ، ومن حيث قولك تريدين أن يبقى معك على طول هذا أمر لايستطيع أي أنسان أن يخبرك به ، حيث الولد يخير بعد السبع وغد يأتي قانون يغير ذلك والبنت عند الاب بعد السبع وغد يتغير ومن ثم لو أصر الطفل وخصوصا الذي هو في عمر الثمان سنوات أو تسع سنوات أن يبقى لدى والدته أو لدى أبيه حتى لو كان محكوم للأم أو للأب ، لا أتصور القانون يجبر أن يذهب مع من لايريد من أبويه ، من حيث يتصورون أن هذا طفل ، غد اختار من يحبه ويحن له وبعض الاحيان تحدث مشاكل في تطبيق صك حكم الزيارة من حيث يبقى الابن عند من يزوره بتحريض من وجبت له الزيارة مثلا وفي حال طلبه يقال بأن الطفل هو الذي يرفض العودة ، وربما هناك من يقوم على اذيته من حيث يرفض العودة ، أنت يا أبوه وش تسوي في أبنك الي رافض يروح وياك ، الأب المسكين يقول والله ماسويت له شي

وعليك السلام

فعلا انا اتكلم عن امور كثيره .. لم تحن بعد ..

من خلال قراءتي لردك فهمت عدة امور منها ::

أولا : ان حضانة الأطفال لدى الأم .. الى سبع سنوات ..

ثانيا : الفتى إذا ابح عمره 7 سنوات يخير ..

ثالثا : ذكرت بأن الفتاه بعد السابعه ترد لوالدها .. وفيه بعض القضاه يحكم للأم الى سن الرشد اللي هو 9 سنوات .. بس انا اذا ربي اعطاني طولة عمر .. ابغى بنتي عندي .. ال ىبعد السابعه .. وانا ذكرت الأسباب .. هل ترى بانها تساعدني على حضانة طفلتي .. او الحضانه ما تقدر تكون من نصيب الأم ..إلا إذا كان الأب سكير ..أو مخدرات او حاله نفسيه مثل الأنفصام والأمراض الروحيه ...الخ
يعني انا ذكرت لك اسباب .. انت تشوف انها منطقيه وتساعدني على اني اكسسب حضانة بنتي ..

رابعا : ذكرت بأن الطفل إذا كان لا يرغب البقاء مع المحضون .. مثلا لو اخذ زوجي بنته .. بعد السابعه .. وكانت ما تبغى .. يعني مو مرتاحه نفسيتها معاهم ..خصوصا انهم كلهم بذاك الوقت كبار وهي طفله بين عياله .. وقالت لي ابغى اعيش عندك ما ابغى ابوي .. هل يحكم القاضي للبنت بأن تعيش معي .. وتكون حضانتها لي .. طيب إذا كان كذا ليش ما تخير من البدايه مثل الولد ..

وفعلا تكلمت عن امور مستقبليه ما ندري احنا احياء او تحت التراب .. المفروض الواحد يتوكل على الله .. بس شي غصب عن الواحد يفكر فيه ..

ارجو التوضيح

[المستشار الخاص]

إذا صار طلاق وولدتي بعد ذلك .. أو ولدتي ثم طلقك .. أو استمر في تعليقك حتى ولدتي بعد سبعة أشهر من الآن بإذن الله..
فاسألي حينها في ظل الظروف المحيطة وقتئذ..
يمكن يحكم لك بالحضانة حتى تتزوج ابنتك.. ويمكن ما يحكم لك أبد.. خلي سؤالك بعد ولادتك أحسن..
وعسى الله يؤلف بين قلوبكم في خير،،،

[دافنشي كود]

مشكور المستشار الخاص ..

بس التفكير جاب لي قلق ..

وانا اتوقع انه يبغى يطلق

لأنه غير كفؤ .. ومو حق مسؤوليه .. لو متأكده انه يبي يرجع .. ما كتبت موضوعي

بس الأشكال هذي عارفتها

[مقهوره]

الله يكتبلك الي فيه الخير انشاء الله