قضيه اشتباه غسيل الاموال

[الجبيري]

قضيتي اشتباه غسيل الاموال ومازالت في هيئة التحقيق والادعاء العام رغم والله الواقع والحقيقه غير كذا .انا ومعي واحد اجنبي نستوردبضايع من الخارج وماحافظنا على الفواتير واقدرنا نثبت لهيئة التحقيق مصدر الاموال اخذي اقوالي وحضرت كفاله وابي اسالكم يا اخواني ايش اسواء الاحتمال اللي بيصر لي اذا سجن كم مدته وشكرا

[واحد كييف]

في حال سجن العقوبة حسب النظام من يوم إلى عشر سنوات ...
لكن ما دام أفرج عنك فقد يكون المحقق يريد حفظ القضية .
لكن من الذي قبض عليك هل هي الشرطة أم المباحث الإدارية أم مكافحة المخدرات أم وحدة التحريات المالية .
و ماهي القضية بالتفصيل حتى نفيدك ؟

[الجبيري]

ماقبضوا علي اتصلوا على ورحت لهم وحققوا معي وقالولي حضر ورقه كفاله الموضوع ان في اجنبي يستورد بضايع باسمي وكان يستورد باسماء العملاء وكان يستلم اموال من العملاء نقدا هنا ويحولها عن طريقي انا يمكن البضايع اللي جات باسمي خمسه في المائه فقط وخمسه وتسعون في المائه عن طريق اسماء العملاء المهم سالني المحقق عن الاجنبي قلت له سافر الى بلده قالي متى بيحضر قلت قبل الحج وانا بلغت الاجنبي ان لازم يحضر بسرعه عشان نثبت لهيئه التحقيق مصدر الاموال ونشاكتنا الحقيقي ان سليم ومافيه اي شبهات بس قالي الاجنبي يصير خير خير وله الان شهرين مايتصلبي وجواله مقفول عندي احاس كبير انه ماهو براجع وماهو على كفالتي والمبلغ تجاوز 100ميون في اربعه سنوات الاخيرة وهم ماعندهم دليل انه غسيل اموال تعتبر قضيه اشتباه غسيل اموال فقط يقولون العقوبه اقل من اللي متهم وعليه دليل في قضيه غسيل الاموال وهل استطيع ادبر نفسي بواسطه او اوكل محامي وينهي لي القضيه او ان القضيه هذي ماتنتهي بسهوله افيدوني وجزاكم الله الجنه

[واحد كييف]

طيب وش قلت للمحقق ؟ وليشئ تحول باسمك للأجنبي ؟

[الجبيري]

المحقق حق معي قالي وش مصدر الاموال هذي قلت له ان في اجنبي يستورد بضايع من الخارج باسمي وباسماء العملاء اللي يبيع لهم البضايع وكان يستلم المبلغ كاش منهم ويحولها باسمي ويعطيني مقابل شهري قالي اذا مصدر الاموال سليم والنشاط سليم معناته تستر قلت له ايه اعترف اني كنت متستر عليه قالي الاجنبي وينه قلت له سافر بيجي في الحج والمشكله انا اتصلت على الاجنبي وقلت له اني تورط ولازم تجي عشان تثبت مصدر الاموال ويدفعونا غرامه تستر ويقفلون السجل التجاري اهم شي ما انسجن قالي ان شاءالله بجي ويصير خير وله الان شهرين ما اتصلبي وخايف انه مابيجي واروح انا فيها والله يعلم ان الرجال كان يستورد بضايع وانا شايف نشاطه بعيني والفواتير اللي معي قيمه خمسه مليون فقط هذي قيمه البضايع اللي جات باسمي واكثر من تسعين في المائه كان يستورد باسماء العملاء لكن يحول الفلوس باسمي لان العملاء اساسا اجانب زيه وهو يستورد باسماء كفلائهم والعملاء الاجانب مايوثقون في كفلائهم في التحويلات وعشان كذا يسلمون الفلوس للاجنبي اللي انا اشتغل معه واحولها انا من حسابي والله ماتوقعت اني بتورط لان على ثقه اني ما اشغل في الممنوعات او ان اعمل في جريمه كبيرة اعلم شي واحد اني متستر فقط ولك الشكر يا اخي الكريم مدري في حل اذا ما رجع الاجنبي للسعودية

[واحد كييف]

على كل حال حتى التستر فيه سجن بس بسيط عادتاً في حال حكم ديوان المظالم بالسجن يكون يوم أو يومين و بالكثير اسبوع ...
قضيتك غسل أموال لأن فعلك بتحويل الأموال بهذه الطريقة مخالف لنظام مراقبة البنوك و كونك اكتسبت مال عن طريق التستر التجاري ..
لكن عموماً بطمنك مادام مصدر المال ليس مخدرات أو أسلحة فالأمر بسيط و لذلك أفرج عنك .
و قضيتك أكيد جايه من التحريات المالية و هم تحليلهم فني بحت .
لكن المحقق بيتأكد و بيسوي تحريات عنك فيما إن كنت لك علاقة بمروجين المخدرات و خلافه .
أما الحكم فحسب المنطقة الي تسكن فيها بعض المحاكم يمكن تصرف النظر و تطلعك براءه و بعضها لا بتحكم عليك بالسجن .
و الله يعينك .

[الجبيري]

القضيه في جدة ودبرت واسطه رتيته عاليه جدا وهو يعرفني عز المعرفه ويعرف ان مالي ومال الممنوعات ولا مكان تدخل بس قالي انا بسوي اللي اقدر عليه والباقي على الله وانا وكلت امري الى الله لو جات على تستر اشوا من جريمه غسيل اموال وانا والله يعلم كنت على نياتي واخلاقي ماتسمح اني ارتكب جريمة والخيره فيما يختاره الله