كيف اقدر اخذ حضانة بنتي

[َHope]

السلام عليكم ..

متأكدة انو الحل عندكم وارجوا انكم ماتخيبوني ..

مريت في مشاكل عصيبة مع زوجي فطلبت الطلاق لي سنة معلقني وموراضي يطلق الا بمبلغ خيالي وانا ماعندي ادفع مع العلم انه تزوج وصار عنده طفل ..

والحين اخذ مني بنتي وموراضي يرجعها مع انو عمرها سنتين ..

اروح لأي محكمة؟ وشنو الاوراق اللي مطلوبة مني؟ وهل بمجرد اني اطالب بحضانتها يرجعون لي بنتي ولا السالفة تطول؟ لأني راح اروح لوحدي وماني عارفة كيف اتصرف
وهل تتوقعون انو لو يتبلى علي تسقط الحضانة من عندي؟

[طائر الشجن]

تروحين للمحكمة العامه وتقدمين دعوى فسخ نكاح
ربما يفسخ القاضي نكاحك منه بدون مقابل اذا ثبت تضررك منه
وفي اسوا الاحوال تردين له المهر ويلزم بتطليقك
اما الطفله فقدمي دعوى حضانه واطلبي من القاضي تسليمها لك بمجرد دخولك عليه
عموما الحضانه لك ومسالة يتبلى القضاء لايحكم الا بالبينات لك او عليك

[للعلا]

الله يفرجها عليك
ويسخره لك ويفرح قلبك بشوفة بنتك
وربي يعطيك حتى يرضيك
آمين
دخلت عشان ادعي لك
والأخوان مايقصرون في النصح ربي يرضى عليهم
أختك
للعلا