تكفووون جاوبو على موظوعي - مخدرات

[sultan11]

بسم الله الرحمن الرحيم

السسلام عليكم ورحمة الله وبركاته

آخبااركم يااخوآني انا حصلت لي قضية عند المخدرات في عـآم 1427

المهم القضيه انهم فتشونا ولقو معي بكت فيه سيجارة ملفوفه لف يدوي مخلوطه في مادة الحشيش وناسي كم

بلغ وزنهاء المهم ودوني للادعاء العام وحقق معي المحقق وكتبت في التحقيق انها جتني هدو واني ناسيها ولا انا راعي الامور هذي المهم طلعت من عندهم بنفس اليوم
ورااحت السالفه ونسيتها ووجيت ابي اجدد جواز سفري واطلع لي كرت عائله لاني بتزوج قالو عليك ايقاف خدمات من المخدرات متى قالو في عام 1427 لازم تنهي السالفه للمعلوميه يااخواني المره هذيك كانت اول مره امسك فيها وبعدها انتهيت من الامور هذي وللان مادري وش بيصير في ووضعي

لان زوجتي مقدمه على بعثه ومقبوله وخااايف من سالفة منع السفر ريحووني تكفوون ياآخوآن

للمعلوميه القضيه في عام 1427 / وانا يوم بغيت اسوي جوازي قبل 5 ايام يعني شلون بحاكم يحكمني على تاريخ القضيه ولا تاريخناء الحاضر والحكم وش تتوقعون

وعلموني كلام اقدر اقوله للقاضي ويتساهل معي تكفوون ياخوآني

[أم أسامة]

ما التهمة التي وُجهت لك بعد التحقيق في الإدعاء العام ؟؟

[sultan11]

ما التهمة التي وُجهت لك بعد التحقيق في الإدعاء العام ؟؟


آختي آم اسامه انا ماجيت المحكمه ولا ادري وش بيوجه لي ولا قال لي المحقق بس وقتها قال جيب لنفسك وكاله او كروكي للبيت وسويت لهم كروكي لبيتنا وطلعت من عندهم هذا الي حدث
اتمنى الافاده ياآخوآن

[مرحبا999]

القضية بها لائحة االمدعي العام على ماذا نصت بالضبط التهمه

[sultan11]

والله يالغاآلي مآدري وش نصت عليه لاني مادري بس هي سيجاره وحده ملفوفه بـس ومن دوون اي مسبقات اخرآ ولا أدري عن التهمه وشي بس ياليت توضحون لي في مثل الامور هذي فديتكم

[قاضي تحقيق]

يبدو أنها حيازة بقصد التعاطي ولعل أكثر من عفو ملكي يشمل القضية ما لم يكن عليك حد المسكر لتعاطيك الحشيش ، وتقدم لهيئة التحقيق باستدعاء بشأن إيقاف خدماتك .

[sultan11]

يبدو أنها حيازة بقصد التعاطي ولعل أكثر من عفو ملكي يشمل القضية ما لم يكن عليك حد المسكر لتعاطيك الحشيش ، وتقدم لهيئة التحقيق باستدعاء بشأن إيقاف خدماتك .


اخي الغالي الله يعطيك الف عاافيه بس بغيت توضيح اروح للمحكمه ولا التحقيق والادعاء العام

الشي الثآني منع السفر شلون اتحاشاه يالغاالي ريحووني تكفوون

[sultan11]

السؤال اليووم رحت للمحكمه وقابلت الشيخ وقراء على بعض الاعترافات القديمه

المهم قالي كنت تتعاطى وقلت له لا ورجع يكررها مره ثانيه وقال خلنا نخلصك ها تتعاطي قلت له انا في ذمتك ياشيخ وكل شي بيدك وسكتت ونطق بالحكم قال 6 شهور ومنع سنتين وحد المسكر لتعاطيك انا هنا قفلت معي واخذ واعطي معاه بالكلام الحلوو وقالي بالحرف الواحد قضيتك قديمه وحكمك على نفس تاريخ القضيه والعفو يشملك في كلهن ماعدا الحد

سؤالي هل الشيخ صادق في كلامه عن منع السفر ولا لا تكفووون ريحووني الله يطمنكم على من تغلون انتظركم فديتكم

[اخو دارين]

القضية قديمة ولماذا يتم البحث عنها والله مشكله

يعني الواحد لما يطلب الستر والعفو والحمد لله انها كذا يأتي بعد مضي 4 أعوام وينطق بالحكم

والله حرام ( هذا فيه إصلاح بي إفساد ) يعني السابقه مشكله تدمر المسكين وإحتمال ينفصل

لماذا لاتتم المناصحه فهي أجدر وأكفى بأن شخص مبتلي ويطبق عليه مثل هالأحكام