أرجو فزعتكم في إستشارة

[ابو خالد @]

السلام عليكم
عندي صديق قدر الله عليه مسكوه مكافحة المخدرات وهو يتعاطى حشيش في 2016 وانسجن اربعة او خمسة ايام وعُرض خلالها على هيئة التحقيق والادعاء آنذاك ( النيابة العامة حاليا ) و تم تدوين تهمة التعاطي فقط في المحضر ،، بعد انقضاء الايام الاربعة تم الإفراج عنه بكفالة لانه وافد ،، ورجع لحياته وشغله بشكل طبيعي والحمدلله الرجال رجع وأصلح نفسه واقلع عن المخدرات نهائيا ؛ ليتفاجئ في العام 2018 ( بعد سنتين من القبض عليه ) برسالة مفادها التبليغ بمراجعة مكافحة المخدرات وتم ايقاف خدماته ؛ بعد استلام الرسالة مباشرة صار يراجع المكافحة أسبوعياً لمدة سنتين و لم يتم رفع ايقاف الخدمات عنه إلى الآن ،، خلال فترة السنتين الأخيرة أبلغوه أنه صدر عليه حبس شهر وجلد ثمانين جلدة ولكن المكافحة لها سنتين تتعنت وتماطل ( رافضين ينفذو الحكم و رافضين يرفعو الايقاف عن الرجال بحجج كثيرة : ورقك ضايع - مندوبنا الخاص بالمحكمة مو موجود - تعال بعد اسبوع - مافي جديد- ورقك عند الأمارة ) ويروح الأمارة ويسألهم ويعطونه رقم مراجعة احيانا واحيانا يقولون ورقك مو موجود عندنا وراح المحكمة مع مندوب المكافحة اكثر من مرة وكل مرة المندوب يتحجج ورقك لسا ماجاء ويرجع مرة ثانية على المكافحة ويقولون ورقك وصل بس باقي شوية اجراءات ،، و الشركة اللي يشتغل فيها انهت خدماته والان له سنتين ويدور شغل والحمدلله على كل حال الرجال صابر و متيقن بالله ،، افيدونا ايش الحل مع مماطلة المكافحة؟؟ ( يعني لا هو مروج ولا تاجر ،، فقط ممسوك في تعاطي ،، !!!!!) هل هو أسلوب مماطلة ما رح ينتهي غير بالمزاج ؟ هل يعقل هذا ؟!!!!
افيدوني واعتذر على الاطالة