السلام عليكم انا عندي قضيه حيازه حبتين انمسكت تاريخ 14/11/1441 وقضيتي في المحكمه تاريخ 12/2/1442 المهم حنا كنا اثنين انا نزلت البقاله وانمسكت في حبتين واللي كان معي كان يسوق وبسيارتي شرد المهم ماقدروا جابوه وطلبوا معلوماته اسمه وسكنه اللي شرد بسيارتي توقفت واليوم الثاني رحت النيابه فسالني المحقق وهذا كانت اقوالي
-مع اخذت الاغراض قلت مع الاثيوبي
-بكم اخذت قلت ب١٠٠
-كم جاك قلت ٤ انا ٢ واللي شرد ٢
-واسم اللي شرد بموتري
الغرض منها استخدام بعدها طلعت بكفاله
بعدها بكم اسبوع دقوا علي المكافحه فرحت لهم قلت يمكن اوراق وقالي جانا خطاب من النيابه وغلطتي ماشفت الخطاب عن اللي شرد وطلب اسمه وسكنه وعطيتهم اللي اعرفه وبصمت ومشيت وبعدها كذا بكم اسبوع ويدقون بتلفون ثابت قالوا عطنا رقمه وسجله وانا م اعرف رقمه وسجله وقلت له المعلومات اللي عندك هي اللي اعرفها بس وقالي انت متستر كذا قلت والله هذا اللي اعرفه وقفل
وعندي محكمه ذلحين اللي ابغى اعرفه
١- هل انا كذا متستر مع العلم جتني رساله المحكمه قضية دعوى تعاطي مخدرات
٢- هل العفو يشملني وذي اول سابقه واخرها
٣- هل انا ملزم اني اجيب اللي باعني وشرد بسيارتي وانا اعترفت انا له ٢ وانا ٢ هل كذا فتحت باب على نفسي

وانا والله ندمان اشد الندم وقلقان من قضيتي والحمد لله الدرب اللي كنت فيه تركته واصلحت من نفسي وصحتي وداخل على زواج والله ثم والله ذي نهايتي مع رفيق السوء وانا انقهرت لما باعني فعطيتهم اللي اعرفه اسمه وسكنه ولا ابغى ادخل في سين وجيم المهم ي اهل الخير تكفون بحسب خبرتكم هل بيضرني شيء ولا تتيسر