عاجل افيدوني الله يكرمكم

[يارب ارجوك]

انا اخويا اتحكم عليه سنة ونص بقضية رشوي (فساد مالي واداري) وهو والله مظلوم والشيخ سبب الحكم بناءا علي اقوال متهم اخر والمتهم اللي شهد عليه زور في النيابة رجع برء اخويا قدام الشيخ ولكن للاسف الشيخ حكم بناء علي اقوال المتهم الاخر دا في التحقيق.
دلوقتي احويا قضي سنة وشهر واسبوعين ولان القضية لسة محكوم فيها من شهر ونص بس لان فيها 10 متهمين فهي دلوقتي بتتراجع في الاستئناف ولسة لم تكتسب القطعية
وابويا مرض جدا واتوفي من يومين من حسرته علي اخويا والمشكلة ان امي هي كمان تعبانة جدااا بين الحياة والموت لانه اخونا الوحيد وخايفة يجرالها حاجة غير ان اخويا دا مريض ربووبيعاني من امراض تانية ومعانا تقارير بحالته
عاوزة استشاراتكم الله يكرمكم ويباركلكم لان احنا بنموت والله كل دقيقة وشايفة بخسر اهلي واحد ورا التاني
-اخويا لسة ليه 4 شهور ونص في المحكومية ,هل الاستئناف لو يطول اكتر من 4 شهورواخويا خلص محكمويته ,هل السجن ميخرجهوش الا لما الحكم يكتسب القطعية ولا يخرج؟
-هل نقدم طلب استرحام للامارة ولا لقاضي الاستئناف ان يخرج وبالذات هو حافظ قران ؟ وهل نقدر نقدم والحكم لسة مكتسبش القطعية؟
-هل يشمله عفو رمضان ؟
-هل في اي طريقة او طلبات اخري غير الاسترحام تتقدم انه يخرج ؟