السلام عليكم ورحمة الله وبركاته,,,,
صبحكم الله بلخير ,,
البارحه كانت دورية جماعة المسجد وتعشينا عند جارنا وواحدن من الجيران كان زعلان ومعصب ويقول : ياجماعه كل البقالات اللي في حارتنا تبيع التتن حتى بقالة محطة البنزين القريبة,
قال جارنا الأخر: قد مرينا على كل البقالات وكلمناهم ولا فيهم فايده .
وإنّا طالعين أخبرني هذا الجار انه اكتشف إن ولده الكبير "ثاني متوسط" يدخن,,, قلت له: نسينا من كنت في خامس وأنت تشتري بريلين الفسحة بكت, قال: يارجال إلى يومك وأنا حاقد على بقالة المحطة وتدري انه في أول سنه من دراستي في أمريكا إذا بغيت اشتري دخان اخذ إثباتي معي عشان شكلي كان يعطي إني مابرحت بزر, قلت له: الحمد لله هذا أنت ربي تاب عليك أدع له وخذ الولد معك في روحتك وجيتك,
قال: والله إني ادعي له يارجل اليوم اللي عطانيه ربي فيه تركت اللحية والدخان وقصرت الثوب شكر لله وتعرف دوام المستشفى مايترك لك روحه وجيه.
تمس على خير .. وأنت من هله ,,, تفرقتا وكلن راح لبيته ....,
وبمناسبة هالسالفه عندي سؤال,,
هل بإمكان أهل الحي الحصول على حكم قضائي بمنع بيع "الدخان والجراك والمعسل" داخل حدود الحي ؟
وسلامتكم