السلام عليكم ورحمة الله وبركاته
يا اخوان انا اعمل محامي متدرب من سنتين ولا زالت اعاني في عملي بسبب الجهل وعدم المعرفه باغلب الامور الاساسيه في العمل ..المحامي الي اعمل عنده كمتدرب ما يعرف أي شي في المحاماه وما استفدت منه ابدا وحتى لو فيه معلومه يعرفها ما يقولها لي.. ودراستي في الجامعه اربع سنوات قسم القانون ما استفدت منها أي شي اطلاقا في العمل لان الدراسه في وادي والشغل العملي في وادي اخر

كثير من القضايا الي اخذتها ضاعت وتأخرت فيها حقوق الناس للاسف بسبب جهلي وعدم معرفتي بالاجرائات وضميري مأنبني و ومتضايق جدا من هذا الشي ، و الشغل الي يسويه غيري في ساعه انا اسويه في 10 ساعات و الشغل الي يسويه في يوم اسويه انا فيه عشر ايام كل هذا التعقيد والتأخير بسبب جهلي باجرائات العمل في الجهات القضائية والتنفيذيه

حتى القضاه في المحكمه العامه والجزئيه واللجان القضائية طلبت منهم اني احضر بعض الجلسات كمستمع عشان استفيد ورفضوا ما يعترفون اطلاقا بمبدا علانية الجلسات ..واذا مسكت قضيه و شافوني جاهل بالاجرائات وما اعرف يحتقروني وينافخون فيني

والله زهقت وتعبت يعني لا قضاه متعاونين ولا محامي اتعلم منه ولا جامعه استفدت منها ولا دورات باسعار معقوله اقدر احضرها بالله كيف بعرف وافهم واشتغل ؟

سؤالي للاخوه المحامين كيف تعلمتم المهنه ؟ ماهي افضل الطرق والاساليب لتعلم المهنه ؟ كل الي ابغاه اني اتعلم وافهم عشان اشتغل وانا واثق من نفسي و عشان ما تضيع حقوق الناس الي امسك قضاياهم .. ارشدوني الله يجزاكم خير والمعذره على طول الموضوع والاسلوب لكن والله من حر ما فيني